රටේ තිබූ බේකරි 7000 න් 6000 ක් වැහිලාලු කොරෝනා වයිරසය පැතිර යෑමත් සමඟ ඇති වූ තත්වය හේතුවෙන් රටපුරා පිහිටි බේකරි 7000 කින් 6000 ක් පමණ වැසී ඇති බවත් ඉන් සේවකයින් ලක්‍ෂයකගේ පමණ රැකියා අහිමිවී ඇතැයි සමස්ත ලංකා බේකරි හිමියන්ගේ සංගමය පවසයි. 16 April 2020
ගෙවතු වගාවට අවශ්‍ය පොහොර බීජ හිඟයක් කෘෂි කාර්මාන්තයේ යෙදෙන්නන් සහ සෞභාග්‍යයා ගෙවතු වගා දශ ලක්ෂයේ වැඩසටහන සමගාමීව ගෙවතු වගා කරන්නන් ඊට අවශ්‍ය බීජ ,පොහොර ,කෘෂි රසායනික ද්‍රව්‍ය මිල දී ගැනීමට අවස්ථාවක් නොවීමෙන් ඔවුන් දැඩි අපහසුතාවයකට පත් වී ඇත. 16 April 2020
රාගම රෝහල් ආපනශාලාවෙහි ඖෂධ අලෙවි කිරීමක් හසුකර ගනී රාගම ජාතික රෝහලේ ආපනශාලාවෙහි ඖෂධ අලෙවි කරනු ලබන බවට ලද තොරතුරකට අනුව ආහාර හා ඖෂධ නියාමන අධිකාරිය කළ පරීක්ෂාවකදී ගැබිණියන්ට ලබාදෙන ඖෂධ වර්ගයක් තිබී අත් අඩංගුවට ගෙන ඇත. 16 April 2020
රිෂාඩ්ගෙන් පැය 4 ක ප්‍රකාශ සටහන් කරගනී හිටපු පාර්ලිමේන්තු මන්ත්‍රී රිෂාඩ් බදියුදීන් මහතා පැය 4 ට ආසන්න කාලයක් පුරා ප‍්‍රකාශයක් ලබා දී අපරාධ පරීක්ෂණ දෙපාර්තමේන්තුවෙනක් පිටව ගිය බව අපරාධ පරීක්ෂණ දෙපාර්තමේන්තු ආරංචි මාර්ග කියයි. 16 April 2020
කිවුල ආසාදිත කාන්තාව ඇසුරු කළ 17 ක් වෛද්‍ය පරීක්ෂණයට හලාවතට ආණමඩුව කිවුල ප්රදේශයේ කොරෝනා ආසාදිත කාන්තාව ඇසුරු කල 17 දෙනෙකු වෛද්‍ය පරික්ෂණ සදහා හලාවත මහ රෝහලට 16 දින යොමු කල බව ආණමඩුව පරිපාලන මහජන සෞඛ්‍ය පරික්ෂක සමන් චන්දන අබේරත්න මහතා පවසයි. 16 April 2020
පාරිභෝගිකයන් 100කගෙන් මුදල් අයකර භාණ්ඩ නොයැවූ ආයතනයක් වටලයි අන්තර්ජාලය ඔස්සේ භාණ්ඩ ඇණවුම් කළ පාරිභෝගිකයින් 100දෙනෙකුගෙන් මුදල් අයකර ඇතත් ඇණවුම් කළ භාණ්ඩ ඔවුන් වෙත ලබානොදුන් අන්තර්ජාලය ඔස්සේ භාණ්ඩ බෙදා හරින ආයතනයක් කඩුවෙල ප‍්‍රදේශයෙන් අල්ලා ගැනීමට පාරිභෝගික කටයුතු අධිකාරිය පස්වරුවේ සමත්විය. 16 April 2020
දකුණු කොරියාවේ මහ මැතිවරණයෙන් පාලක පක්ෂයට විශිෂ්ට ජයක් දකුණු කොරියාවේ මහ මැතිවරණයෙන් එරට පාලක පක්ෂය වන ජනාධිපති මූන් ජයින් මහතාගේ පක්ෂයට තීරණාත්මක ජයක් හිමිවී තිබේ. 16 April 2020
රථ ප්රවාහන දෙපාර්තමේන්තුවෙන් උපදේශන සේවා වැඩසටහනක් පවතින ව්‍යසනකාරී තත්ත්වය හමුවේ සිය සේවාලාභීන් වෙත තොරතුරු සහ උපදෙස් ලබාදීමේ වැඩපිළිවෙළක් මෝටර් රථ ප්රවාහන දෙපාර්තමේන්තුව ආරම්භ කර ඇතැයි එහි කොමසාරි ජනරාල් සුමිත් සී. කේ. අලහකෝන් මහතා පවසයි. 16 April 2020
ලොක්ඩවුන් ගම්මාන නිරීක්ෂණයට යුද හමුදාවෙන් ඩ්‍රෝන කැමරාවක් කොරෝනා වයිරසය පැතීරිම වැළැක්වීම වෙනුවෙන් හුදකලා කර ඇති ප්රදේශ වල කි‍්‍රයාකාරකම් නිරීක්ෂණය කිරීමේ මෙහෙයුම් කටයුතු වෙනුවෙන් යුද හමුදාව වෙත ඩ්‍රෝන කැමරාවක් සහ උපකරණ කට්ටලයක් කුඩා හා මධ්‍ය පරිමාන ව්‍යාපාර, ව්‍යවසාය සංවර්ධන සහ කර්මාන්ත හා සැපයුම් කළමනාකරණ අමාත්‍ය විමල් වීරවංශ මහතා විසින් ආරක්ෂික මාණ්ඩලික ප‍්‍රධානි මෙන්ම යුද හමුදාපති ලුතිනන් ජෙනරාල් ශවේන්දු සිල්වා ප‍්‍රදානය කළ බව යුද හමුදාව පවසයි. 16 April 2020
කිලිනොච්චියට ඇතුළුවන සියලුම වාහන හා පුද්ගලයින් විෂබීජහරණයට කොරෝනා වයිරස් අවදානම හේතුවෙන් ඒ-9 ප්‍රධාන මාර්ගයෙන් කිලිනොච්චිය දිස්ත්‍රීක්කයට ඇතුලුවන සියලුම පුද්ගලයින් හා වාහන විෂබීජහරණය කිරීමේ වැඩසටහනක් කිලිනොච්චියේ සෞඛ්‍ය නිලධාරීන් හා සිවිල් සංවිධානයක් විසින් පියවර ගෙන ඇත. 16 April 2020
නාගලගම්වීදිය හුදකලා කරයි කොළඹ ග‍්‍රෑන්ඞ්පාස් ප්රදේශයේ නාගලගම්වීදිය ප්රදේශයේ පවුල් 52ක පමණ ජීවත්වන ප‍්‍රදේශය හුදෙකලා ප‍්‍රදේශයක් ලෙස නම්කිරීමට පියවර ගෙන ඇතැයි කොළඹ සෞඛ්‍ය වෛද්‍ය නිලධාරී විශේෂඥ වෛද්‍ය රුවන් විජයමුණී මහතා ‘‘ලංකාදීපයට’’ පැවසීය. 16 April 2020
පාම්ඔයිල් ආනයනික බද්ද රුපියල් 100කින් ඉහළට පාම් ඔයිල් ආනයනික බද්ද රජය මගින් රුපියල් 100කින් ඉහළ නංවා ඇතැයි පාම්ඔයිල් ආනයනකරුවෝ පවසති. 16 April 2020
කෙසෙල්වත්ත පොලිසියේ 20 ක් නිරෝධායනයට ජා ඇලින් හමුවු කොරෝනා ආසාදිතයා ඇසුරු කළ පුද්ගලයකු ඇදිරීනීතිය උල්ලංඝනය කිරීමේ සිද්ධියක් සම්බන්ධයෙන් අත්අඩංගුවට ගත් කොළඹ කෙසෙල්වත්ත පොලිසියේ 20 දෙනකු නිරෝධායනය සදහා අත්තිඩිය යෝජිත පොලිස් විශ්ව විද්‍යාලය වෙත යොමුකළ බව පොලිසිය කියයි. 16 April 2020
අල් කාසිම්වලින් නිරෝධායනයට යැවු දැරියකටත් කොරෝනා පුත්තලම අල්කාසිම් නිවාස යෝජනා ක්‍රමයෙන් නිරෝධායනයට යවා තිබු නව හැවිරිදි දැරියක් කොරෝනා ආසාදිතයකු ලෙස සනාථ විමත් සමග අංගොඩ බෝවන රෝගායතනයට යැවු බව පුත්තලම පරිපාලන මහජන සෞඛ්‍ය පරික්ෂක එන් .සුරේෂ් මහතා පවසයි. 16 April 2020
දුරබැහැරින් එළවළු-පලතුරු ප්‍රවාහනයට දුම්රිය යොදාගනී දුරබැහැර ප්‍රදේශවල සිට අනෙකුත් ප්රදේශ වෙත එළවළු සහ පලතුරු ප්රවාහනය කිරීම සඳහා දුම්රිය ලබාදීමට මගී කළමනාරකණ අමාත්‍ය මහින්ද අමරවීර මහතා තීරණය කර තිබේ. 16 April 2020
ගමනාගමන කොමිසමෙන්-ප්රවාහන වෛද්‍ය ආයතනයෙන් කෝවිඩ් අරමුදලට මිලියන 20ක් ජනාධිපති විසින් ආරම්භ කර තිබෙන කොරෝනා අරමුදලට රුපියල් මිලියන 10 බැගින් මිලියන 20ක් ලබාදීමට ප්රවාහන අමාත්‍යංශය යටතේ පවතින ජාතික ගමනාගමන කොමිසම සහ ජාතික ප්රවාහන වෛද්‍ය ආයතනය අද(16) තීරණය කර තිබේ. 16 April 2020
රිෂාඩ් ප‍්‍රකාශයක් දෙන්න සීඅයිඩීයට හිටපු පාර්ලිමේන්තු මන්තී‍්‍ර රිෂාඞ් බදියුදීන් මහතා ප‍්‍රකාශයක් ලබා දීම සදහා අද (16) පෙරවරුවේ අපරාධ පරික්ෂණ දෙපාර්තමේන්තුව වෙත පැමිණ ඇතැයි පොලිස් මාධ්‍ය ප‍්‍රකාශක පොලිස් අධිකාරි ජාලිය සෙනාරත්න මහතා පැවසීය. 16 April 2020
නිරෝධායනයට ලක්වු කත බාරගැනීම ඥාතීහු ප්‍රතික්ෂේප කරති නිරෝධායනයට ලක් වූ 74 හැවිරිදි කාන්තාව බාර ගැනීම ඥාතීන් විසින් ප්‍රතික්ෂේප කරද්දී , ඉතා දිළිඳු පවුලක් ඇයව බාර ගැනීමට කැමැත්ත ප්‍රකාශ කළ බව වලල්ලාවිට ප්‍රාදේශීය ලේකම් එම් රන්ජන් පී පෙරේරා මහතා පැවසීය. 16 April 2020
මුලතිව් කැලෑවකින් බෝම්බ ඇතුළු යුද උපකරණ තොගයක් හමුවෙයි මුලතිව් පුදුමාතලන් කැලෑබද ප්රදේශයේදී වලදමා තිබියදී සොයාගත් බෝම්බ ඇතුලු යුද උපකරණ තොගය අද (16) දිනයේදී අධිකරණ නියෝගයකට අනුව විනාශ කිරීමට පියවර ගෙන ඇති බවට මුලතිව් පොලිස් විශේෂ කාර්ය බලකා කඳවුර පවසයි. 16 April 2020
රුපියල් 5000 දීමනාව ගෙවීමෙන් ග්‍රාම නිලධාරීහු ඉවත්වෙති ඇඳිරි නීතිය ක්‍රියාත්මකව තිබීම හේතුවෙන් තම ජීවනෝපායන් අහිමිව සිටින ජතනාව වෙනුවෙන් රජය මගින් ලබා දෙනු ලබන රුපියල් 5000 ක දීමනාව ලබා දීමේ කාර්යයෙන් ග්‍රාම නිලධාරින් ඉවත් වන බවත් අද සිට එම කටයුතු අධීක්ෂණය පමණක් සිදු කරන බවත් ශ්‍රී ලංකා ග්‍රාම නිලධාරී සංගමයේ සභාපති සුමිත් කොඩිකාර මහතා කීය. 16 April 2020
ඇඳිරි නීතිය අස්සේ කැස්බෑ බිත්තර විකුණලා ඌරගස්මංහන්දිය රන්තොටුවිල ප්රදේශයේදී කැස්බෑ බිත්තර අලෙවි කරමින් සිටි පුද්ගලයෙක් කැස්බෑ බිත්තර 25 සමඟ සැකපිට අත්අඩංගුවට ගත් බව ඌරගස්මංහන්දිය පොලීසිය පවසයි. 16 April 2020
කොරෝනා ආසාදිතයින් ගණන 238 දක්වා ඉහළට ශ්‍රී ලංකාවේ කොරෝනා වයිරසය ආසාදිත මුළු සංඛ්‍යාව 238 ක් දක්වා ඉහළ ගොස් තිබේ. 15 April 2020
ඉරණවිලට තවත් ආසාදිතයින් සිව්දෙනෙකු පලාලි වලින් රැගෙන එයි ඉරණවිල ඇමෙරිකන් හඩ කොරෝනා ප්‍රතිකාර ඒකකයට අද ( 15 ) රාත්‍රියේ යාපනය පලාලි සිට තවත් ආසාදිතයින් සිව් දෙනෙකු රැගෙන ආ බව පුත්තලම දිස්ත්‍රික් සෞඛ්‍ය සෞඛ්‍ය සේවා අධ්‍යක්ෂ වෛද්‍ය දිනුෂා ප්‍රනාන්දු මහත්මිය පවසයි. 15 April 2020
කොරෝනා ආසාදිතයන් ගණන 237 දක්වා ඉහළට ශ්‍රී ලංකාවේ කොරෝනා වයිරසය ආසාදිත මුළු සංඛ්‍යාව 237 ක් දක්වා ඉහළ ගොස් ඇතැයි සෞඛ්‍ය ප්‍රවර්ධන කාර්යාංශය කියයි. 15 April 2020
සෞඛ්‍ය සේවා කාර්යාලයේ වෑන් රථයෙන් මත්පැන් ප්රවාහනය කළ අය රිමාන්ඩ් පොළොන්නරුව මහ රෝහලට අයත් වෑන් රථයකින් මත්පැන් ප්රවාහනය කරමින් සිටියදි අත්අඩංගුවට ගත් රියදුරු සහ තවත් පුද්ගලයකු අද (15) පොළොන්නරුව මහේස්ත‍්‍රාත් අධිකරණයට ඉදිරිපත් කිරිමෙන් පසුව අපේ‍්‍රල් 29 වෙනිදා දක්වා ඔවුන් දෙදෙනා රක්ෂිත බන්ධනාගාර ගත කරන ලෙස පොළොන්නරුව මහේස්ත‍්‍රාත් සුරංග අසේලද සිල්වා මහතා නියෝග කලේය. 15 April 2020
කොරෝනාවට ජර්මනිය පැනවූ සීමා මැයි 3දා සිට ලිහිල් කිරීමට අවධානය කොරෝනා වයිරසය හේතුවෙන් ජර්මනිය පනවා ඇති සීමා ලිහිල් කිරීම පිළිබඳ ප්‍රාන්ත නායකයින් සමඟ සාකච්ඡා කිරීමට ජර්මානු චාන්ස්ලර් ඇන්ජෙලා මර්කෙල් මහත්මිය පියවර ගෙන ඇත. 15 April 2020
ඉන්සියුලින් තොගයක් එයි ශ්‍රී ලංකාවේ සිටින දහස් ගණනක් වූ දියවැඩියා රෝගීන්ට සැනසුම් සුසුම් හෙළීමේ අවස්ථාව උදාකරමින් ඉන්සියුලින් රැගත් නෞකාවක් අද (15 වැනිදා) කොළඹ වරායට පැමිණ තිබේ. මෙම නෞකාව අද දිනයේ කොළඹ වරායට පැමිණි බව සෞඛ්‍ය අමාතංශයේ, සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් තහවුරු කරන ලදි. 15 April 2020
ඇඳිරිය ඉවත් කළ පසු මාලු ගන්න වැඩපිළිවෙළක් හෙට (16) දින ඇදිරි නීතිය ඉවත්කිරිමෙන් පසු ගාල්ල ධිවර වරායට පැමිණෙන පාරිභෝගික ජනතාවට තදබදයකින් තොරව කඩිනමින් මසුන් මිලදි ගැනිම සදහා විශේෂ වැඩපිළිවෙළක් සකස්කර ඇති බව ගාල්ල ධිවර වරායේ කළමණාකරු නෙරන්ජන් දිසානායක මහතා පවසයි. 15 April 2020
ප්‍රාදේශීය සභාවට එරෙහිව ගම්වැසියෝ එළියට බසිති බලපිටිය ප්‍රාදේශීය සභාවෙන් සිය ගම්මානයට බැහැර කරනු ලබන කැළි කසළවලින් තමන්ගේ සෙඛ්‍යයට බලවත් තරජනයක් වී ඇතැයි කියමින් ඇදිරිනීතියද නොතකා බලපිටිය ගිනිගල්ගොඩ ප්‍රදේශවාසීන් අද (15 ) පස්වරුවේදී නිවෙස්වලින් එලියට බැලීමත් සමගම ගම්මානයේ දැඩි උණුසුම් වාතාවරණයක් ඇතිවිය. 15 April 2020
වරකාපොල අනතුරකින් අයෙක් මරුට : 29ක් රෝහලේ වරකාපොල තැපැල් කන්තෝරුව අසල දී සාම්පූර් බලා ගමන්ගත් නාවික හමුදාවට අයත් බස් රථ 2 ක් සහ ලොරි රථයක් අද (15) මුහුණට මුහුණ ගැටීමෙන් ලොරි රට රථ රියදුරු මියගොස් නාවික සෙබළුන් තිදෙනෙක් ඇතුළු 29 දෙනෙකු තුවාල ලබා රෝහල් ගතකර ඇතැයි වරකාපොල පොලිසිය කියයි. 15 April 2020
සා.පෙ සෞන්දර්ය පරීක්ෂණයට යන්න බැරි වූ දරුවන්ට වෙනත් දිනයක් සාමන්‍ය පෙළ විභාගයේ සෞන්දර්ය ප්‍රයෝගික පරීක්ෂණවලට සභභාගී වීමට නොහැකි වූ සබරගමුව පළාතේ දරුවන්ට වෙනත් දිනයක් ලබා දෙන බව විභාග කොමසාරිස් ජනරාල් ඉන්දිකා කුමාරි ලියනගේ පැවැසුවාය... 27 October 2026
