එසැණ පුවත්

රිය අනතුරකින් සැරයන් මරුට:කොස්තාපල් රෝහලේ

මාතලේ පලාපත්වල නිල්දිය උයන ආසන්නයේදී රාත්‍රී මුර සංචාරයේ යෙදී සිටි පොලිස් සැරයන්වරයකු සහ කොස්තාපල්වරයෙකු මෝටර් රියක ගැටී සිදු වු අනතුරකින් සැරයන්වරයා මියගොස් කොස්තාපල්වරයා තුවාල ලබා මාතලේ මුලික රෝහලට ඇතුළු කර ඇතැයි පොලිසිය කියයි.

19 June 2018

බාලවයස්කාර දරුවා අපයෝජනය කළ අය අත්අඩංගුවට

දන්කොටුව පිටාගාර ප‍්‍රදේශයේ 13 හැවිරිදි පාසල් සිසුවෙකුට බරපතල ලිංගික අපයෝජනයක් සිදුකළ 61 හැවිරිදි පුද්ගලයෙක් අත්අඩංගුවට ගත්බව දන්කොටුව පොලිසිය පවසයි.

19 June 2018

කිම් තෙවැනි වරටත් චීනයට

උතුරු කොරියානු නායක කිම් ජොන් උන් අද (19) චීනයේ බීජිං නුවරට පැමිණියේය. මේ වසරේදී මාස කිහිපයක් ඇතුළත උතුරු කොරියානු නායකයා චීනයට පැමිණි තෙවැනි අවස්ථාව මෙයයි.

19 June 2018

එජාපෙ රැස්වීමට ඇමතිවරුන් නැති වීම ගැන කනස්සල්ල

කො‍‍‍ළඹ අරලියගහ මන්දිරයේදී අද (18) පස්වරුවේ පැවති එක්සත් ජාතික පෙරමුණේ පාර්ලිමේන්තු මන්ත්‍රී කණ්ඩායම් රැස්වීමට කැබිනට් ඇමතිවරුන් වැඩි පිරිසක් සහභාගි නොවීම පිළිබඳව එජාප මන්ත්‍රීවරුන් පිරිසක් කණස්සල්ල පළකර ඇතැයි වාර්තා වේ.

18 June 2018

පළමු ශ්‍රේණියට අයදුම්පත් ගැනීම ජූලි 10 දක්වා

2019 වසර සඳහා රජයේ පාසල්හි පළමු ශ්‍රේණියට සිසුන් ඇතුළත්කර ගැනීමට අදාල අයදුම්පත් භාරගන්නා අවසන් දිනය ජූලි මස 10 වැනි දින දක්වා කල්දැමුණු බව අධ්‍යාපන අමාත්‍ය අකිල විරාජ් කාරියවසම් මහතා පැවසීය.

18 June 2018

සාපෙළ හර විෂයන් ගණන 6ට අඩු කරන්න යයි

අධ්‍යයන පොදු සහතික පත්‍ර සාමාන්‍ය පෙළ විභාගයට අයත් හර විෂයන් 08 විෂයන් 06 ක් ලෙස අඩුකිරීම කෙරෙහි සලකා බලමින් තිබෙන බව අධ්‍යාපන ඇමති අකිල විරාජ් කාරියවසම් මහතා පැවසීය.

18 June 2018

ඒකාබද්ධයේ සාකච්ඡාවට 16 කණ්ඩායමත්

හිටපු ජනාධිපති මහින්ද රාජපක්‍ෂ මහතාගේ ප්‍රධානත්වයෙන් හෙට (19) පැවැත්වෙන ඒකාබද්ධ විපක්‍ෂයේ පාර්ලිමේන්තු මන්ත්‍රී කණ්ඩායම් රැස්වීම සඳහා ආණ්ඩුවෙන් ඉවත්වූ ශ්‍රී ලංකා නිදහස් පක්‍ෂයේ 16 කණ්ඩායමද සහභාගීවනු ඇතැයි වාර්තාවේ.

18 June 2018

හරි විගණනයක් කළොත් නිලධාරීන් රැසක් හිරේ - විගණකාධිපති

මුදල් රෙගුලාසි කඩ කිරීමේ චොදනාව ට සිරදඬුවම් නියම වූ ලලිත් වීරතුංග මහතාට ඒ දඬුවම ලැබුණු අයුරින්ම නිසි විගණනයන් සිදු කළහොත් රාජ්‍ය නිලධාරීන්ගෙන් භාගයක්ම අද සිටිය යුත්තේ හිරේ යැයි විගණකාධිපති ගාමිණි වි‍ජේසිංහ මහතා අද (18) පැවසීය.

18 June 2018

බහාලුම් 107 ක් තිරිඟු ඇට හොරෙන් ගෙන්වයි

පෞද්ගලික අංශයේ ව්‍යාපාරිකයෙක් විසින් සත්ව ආහාර සැකසීම සඳහා යැයි පවසමින් නීති විරෝධී ලෙස තිරුඟු ඇට බහළුම් 107ක් මෙරටට ගෙන්වා ඇති බව කෘෂිකර්ම අමාත්‍යාංශය පවසයි.

18 June 2018

වසර තුනක ඇවන්ට්ගාඩ් මෙහෙයුමෙන් නාවික හමුදාවට කෝටි 560ක්

ඇවන් ගාර්ඩ් සමාගම නාවික හමුදාව යටතට පත්කිරීමෙන් පසු 2015 වසරේ සිට මේ දක්වා කාලයේ රුපියල් කෝටි 560ක මුදලක් උපයා ඇතැයි මහානගර හා බස්නාහිර සංවර්ධන අමාත්‍ය පාඨලී චම්පික රණවක මහතා කොළඹදි අද(18) පැවසීය.

18 June 2018

ඥාණසාර හිමි ගැන ජනපති සමඟ සාකච්ඡාවක්

සිරගත කෙරුණු බොදුබල සේනා සංවිධානයේ මහ ලේකම් ගලගොඩඅත්තේ ඥාණසාර හිමියන් සම්බන්ධයෙන් බුද්ධ ශාසන ඇමැති ගාමිණී ජයවික්‍රම පෙරේරා මහතා හා ජනාධිපතිවරයා අතර විශේෂ සාකච්ඡාවක් හෙට (19) පැවැත්වීමට නියමිතය.

18 June 2018

නාමල්ට එරෙහි මුදල් විශුද්ධිකරණ පනත් නඩුවේ වැඩිදුර විභාගය කල් යයි

හෙළි නොකරන ආකාරයකින් රුපියල් කෝටි තුනක මුදලක් උපයා ගත් බවට මුදල් විශූද්ධීකරණ පනත යටතේ පාර්ලිමේන්තු මන්ත‍්‍රී නාමල් රාජපක්‍ෂ මහතා ඇතුළු පිරිසකට එරෙහිව මුදල් විශූද්ධීකරණ පණත යටතේ පවරා ඇති නඩුවේ වැඩිදුර විභාගය ලබන ජුලි මස 10 වැනිදා දක්වා කල් තැබීමට කොළඹ මහාධිකරණ විනිසුරු සම්පත් අබේකෝන් මහතා නියම කළේය.

18 June 2018

රුපියල වාර්තාගත අගයකින් පහළ බසී

ඉතිහාසයේ මෙතෙක් වාර්තා කළ පහළම අගය වාර්තා කරමින් ශ්‍රී ලංකා රුපියල අද (18) ඇමෙරිකා එක්සත් ජනපද ඩොලරයට සාපේක්ෂව 161 ක් පහළ ගියේය.

18 June 2018

සයිටම් සිසුන් කොතලාවලට ඇතුළත් කිරිමේ පනත හෙට පාර්ලිමේන්තුවේ විවාදයට

මාලබේ සයිටම් වෛද්‍ය විද්‍යාලයේ සිසුන් කොතලාවල ආරක්ෂක වෛද්‍ය පීඨයට ඇතුළත් කර ගැනීම සඳහා වන ජනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ (විශේෂ විධි විධාන) පනත් කෙටුම්පත හෙට (19) පාර්ලිමේන්තුවේ සම්මත කර ගැනීමට නියමිතය.

18 June 2018

සංගීතවේදී අයිවෝ ඩෙනිස් අභාවප්‍රාප්ත වෙයි

ප්‍රවීණ සංගීතවේදී අයිවෝ ඩෙනිස් මහතා මීට සුළු වේලාවකට පෙර අභාවප්‍රාප්ත විය.

18 June 2018

‘පොදුජන පෙරමුණු දෙවැනි සංවත්සරයේදී මහින්දට පක්ෂ නායකත්වය දෙනවා‘

නෙවැම්බර් දී පැවත්වෙන ශ්‍රී ලංකා පොදුජන පෙරමුණේ දෙවැනි සංවත්සරයේදී පක්‍ෂය නිල වශයෙන් හිටපු ජනාධිපති මහින්ද රාජපක්‍ෂ මහතාට බාරදී පක්‍ෂ නායකත්වය සඳහා ඔහුව පත්කරගන්නා බව පාර්ලිමේන්තු මන්ත‍්‍රී රෝහිත අබේගුණවර්ධන මහතා අද (18) පැවසීය.

18 June 2018

කෝප් වාර්තාවෙන් අනාවරණය වු වංචා ගැන පැය 5 ක විවාදයක්

රාජ්‍ය ගිණුම් පිළිබඳ පාර්ලිමේන්තු කාරක සභාවේ අනාවරණය කෙරුණු රාජ්‍ය ආයතන රැසක දුෂණ වංචා පිළිබඳ පැය පහක විවාදයක් හෙට (19) මැතිසභයේදී පැවැත්වේ.

18 June 2018

‘භික්ෂුන් වහසේලාගේ නඩු විමසිමට වෙනම අධිකරණයක් ඕනෑ’

භික්ෂුන් වහන්සේලා සම්බන්ධ නඩු විමසීම සඳහා වෙනම අධිකරණයක් ස්ථාපිත කළ යුතු බව ජාතික හෙළ උරුමයේ මහ ලේකම් අමාත්‍ය පාඨලී චම්පික රණවක මහතා කොළඹ දී අද (18) පැවසීය.

18 June 2018

රූපවාහීනි නාලිකා නිවේදකයාට සහ පුතුට ඇප

කඩවත සුපිරි වෙළඳසල් රථ ගාලකදී පුද්ගලයකුට තියුණු ආයුධයකින් ඇන තුවාල සිදු කළැයි චෝදනා ලැබ රිමාන්ඩ් බාරයේ සිටි රාජ්‍ය රූපවාහිනි නාලිකාවක නිවේදකයා සහ ඔහුගේ පුතුට ඇප දීමට මහර මහේස්ත්‍රාත් හේෂාන්ත ද මෙල් මහතා අද (18) නියම කළේය.

18 June 2018

අංගොඩ ලොක්කාගේ ප්‍රධාන ගෝලයා අත්අඩංගුවට

පාතාල නායක අංගොඩ ලොක්කාගේ ප්‍රධානතම ගොලයකු වන මුනිවරගේ අසිත නොහොත් ෂොල්ටා නැමැත්තා බොරැල්ලේ දී අත්අඩංගුවට ගනු බව කොළඹ අපරාධ කොට්ඨාසය පවසයි.

18 June 2018

කන්කසන්තුරේ නැංගුරම්ලා තිබු නැවක් ගිනි ගනී

කන්කසන්තුරේ මෛලිට්ටු වරායේ වසරක පමණ කාලයක් නැංගුරම්ලා තිබූ නැවක් අද (18) ගිනිගෙන තිබේ.

18 June 2018

‘ නාගරිකරණ ගැටලු විසඳිමට යාන්ත්‍රණයක් සකස් කරනවා’

නාගරිකරණ ගැටලූ බහුලව බලපා ඇති දිස්ත‍්‍රික්ක සම්බන්ධයෙන් වැඩි අවධානයක් යොමුකර එම ගැටලූ කඩනමින් විසදීමේ යාන්ත‍්‍රණයක් සකස් කරන බව මහ නගර හා බස්නාහිර සංවර්ධන අමාත්‍ය පාඨලී චම්පික රණවක මහතා කොළඹදී පැවසීය.

18 June 2018

100 -101 බස් වර්ජනයක

පානදුර - පිටකොටුව, මොරටුව - පිටකොටුව මාර්ග අංක 100 හා 101 යන පෞද්ගලික බස් රථ අද (18) සිට සම්පූර්ණයෙන් ධාවනයෙන් ඉවත් වී වර්ජනයක යෙදී සිටිති.

18 June 2018

ළිඳුල නගරාධිපති ඇතුළු 8 දෙනාට ඇප

පැහැරගෙන යාම හා මිනිස් ජාවාරම යන චෝදනා යටතේ අත්අඩංගුවේ පසුවු තලවාකැලේ ළිඳුල නගරාධිපති අශෝක සේපාල මහතා ඇතුලූ සැකකරුවන් අට දෙනෙකු එක් අයෙකුට ලක්ෂ 10 ක ශරීර ඇප දෙකක් මත මුදා හැරීමට නුවරඑළිය මහේස්ත‍්‍රාත් ප‍්‍රමිත ජයසුන්දර මහතා නියෝග කරන ලදි.

18 June 2018

ඉන්ෆ්ලුවෙන්සා ‘ඒ ‘ වෛරසය රට පුරාම

දකුණු පළාතේ පැතිර යමින් ඇති ඉන්ෆ්ලුවෙන්සා ’’ ඒ ’’රෝගය පසුගිය මාස කිහිපයේ දිවයිනේ අනෙකුත් ප්‍රදේශ වලට පැතිර ගොස් ඇතිබවට තොරතුරු වාර්තාවි ඇතිබව සෞඛ්‍ය අධ්‍යාපන කාර්යාංශයේ අධ්‍යක්ෂ වසංගත රෝග විද්‍යාඥ විශේෂඥ වෛද්‍ය පබා පලිහවඩන මහත්මිය පැවසුවාය.

18 June 2018

16 කණ්ඩායම එනවා නම් මහින්දගේ නායකත්වය පිළිගත යුතුයි - රංජිත් සොයිසා

ආණ්ඩුවෙන් ඉවත් වූ මන්ත‍්‍රීවරු 16 දෙනා ඒකාබද්ධ විපක්‍ෂයට එනවානම් මහින්ද රාජපක්‍ෂ මහතාගේ නායකත්වය පිළිගෙන ප‍්‍රකාශයක් කර 2019 පැවැත්වෙන ජනපතිවරණයේ දී මහින්දගේ අනුමැතියෙන් ඉදිරිපත් කරන ජනාධිපති අපේක්‍ෂකයාට සහාය දියයුතු බව ඒකාබද්ධ විපක්‍ෂය නියෝජනය කරන රත්නපුර දිස්ත‍්‍රික් පාර්ලිමේන්තු මන්ත‍්‍රී ටී. රංජිත් ද සොයිසා මහතා පැවසීය.

18 June 2018

ඉන්ෆ්ලුවෙන්සා වෛරසයෙන් තවත් දරුවෙකු මරුට

ඉන්ෆ්ලුවෙන්සා වෛරස් උණ රෝගය වැළදිමෙන් තවත් කුඩා දරුවෙකු මියගොස් ඇති බැව් ගාල්ල කරාපිටිය ශික්ෂණ රෝහලේ අධ්‍යක්ෂක වෛද්‍ය ජයම්පති සේනානායක මහතා පවසයි.

18 June 2018

අම්පාරේ සැඩ සුළඟින් නිවාස රැසකට හානි

අම්පාර දිස්ත්‍රික්කයට ඇදහැලෙන වැස්ස සමඟ ඇතිවු සැඩ සුළං තත්වයක් නිසා දිස්ත්‍රික්කයේ ප්‍රාදේශීය ලේකම් කොට්ඨාස 6 නිවාස 136 කට හානි සිදුවී ඇත.

18 June 2018