“මේ රටේ වගේ අට ගුණයක විශාල මුහුදක් අපට තිබෙනවා. මේ මුහුදේ මත්ස්‍ය සම්පත බහුලයි. විදේශ විනිමය ඇතුළු අපට මෙයින් විශාල ආදායමක් ලැබිය හැකියි. දෙලක්ෂයක ධීවර ජනතාවක් ජීවත්වන්නේ ධීවර කර්මාන්තයෙන්. මේ සියල්ල නියාමනය කළ යුත්තේ ධීවර සංස්ථාවයි. එහෙත් එය සිදු වූයේ නැහැ. ඒ නිසා අතීත පාඩම් ඉගෙන ගෙන ධීවර සංස්ථාව රැකගෙන ඉදිරියට යා යුතුයි” යැයි සමස්ත ලංකා පොදු ධීවර සම්මේලනයේ ජාතික සංවිධායක රත්න ගමගේ මහතා පැවසීය.

ධීවර අමාත්‍යාංශය, ධීවර සංස්ථාව ඇතුළු අනුබද්ධිත ආයතනවලට පසුගිය කාලය පුරාවටම අත්තනෝමතික ලෙස පත්වීම් සිදු කළ බවත් දේශපාලන ඇඟිලි ගැසීම් නිසා ලාභ ලැබිය හැකි ව තිබූ ආයතනයක් පාඩු ලබා වැසී යන තත්ත්වයට පත්ව ඇති බවත් ගමගේ මහතා වැඩිදුරටත් පෙන්වා දුන්නේය.