ජිනීවා මානව හිමිකම් කවුන්සිලයේදී ශ්‍රී ලංකාව හා ඇමෙරිකාව ඒකාබද්ධව සම්මත කර ගත් යෝජනාවට අනුව පිහිටුවෙන අතුරුදන්වූවන්ගේ කාර්යාලය ශ‍්‍රී ලංකාවේ නීතිය ක‍්‍රියාත්මක කිරීමේ හෝ යුක්තිය පසිදලීමේ ආයතන පද්ධතියේ කොටසක් වන්නේ නැතැයි විදේශ කටයුතු අමාත්‍ය මංගල සමරවීර මහතා පවසයි.

එම කාර්යාලය ඉදිරියේදී  පාර්ලිමේන්තුව විසින් සංස්ථාපිත ස්වාධීන ආයතනයක්වන අතර එයට රජයේ ආයතනවලට බලපාන සාමාන්‍ය නීතී රීතිවලට පිටින් කටයුතු කිරීමට හැකියාව ලැබී ඇතැයි අතුරුදන්වූවන්ගේ කාර්යාලය පිළිබඳව මහින්ද රාජපක්ෂ මහතා ඉකුත් දා කළ ප‍්‍රකාශයට පිළිතුරක් ලබාදෙමින් විදේශ ඇමැතිවරයා අද (31) නිවේදනයක්  නිකුත් කරමින් කියා ඇත.