සෞදි අරාබියේ ගෘහසේවිකාවක් ලෙස පැමිණ මාස හයක  පමණ රැකියාව කිරීමෙන් අනතුරුව හාම්පුතාගේ සහ ඇයගේ කැමැත්ත මත නැවත ලංකාවට යැවීමට සිටි ශ්‍රී ලාංකික කාන්තාවකට  දමාම් ජාත්‍යන්තර ගුවන්තොටුපොළේ රැදී සිටිමට සිදු විය.

ඇයගේ ලියැවිලි වල අඩුවක් ඊට හේතුවයි.

අක්කරපත්තුවේ පදිංචි පොන්නම්බලම් ජයන්ති නමැති මෙම කාන්තාව අදාළ සෞදි ජාතිකයාගේ නිවසේ මාස හයක් රැකියාව කළාය.

හාම්පුතා විදෙස් සංචාරයක් සදහා පිටත් වීමට ඇති හෙයින් කාන්තාවගේ ද කැමැත්ත මත පසුගිය 7 වැනි දින  ශ්‍රී ලංකාවට පිටත් කර හැරීමට කටයුතු යොදා ඇත.

නිවසේ රියදුරු සමග ඇය ගුවන් තොටුපොළට ඇරලවා ඇති මුත් අයගේ සෞදි හැදුනුම්පත ඇය අතට පත්කර නොමැත (ඉකාමා)නව නීතිය අනුව කිසියම් තැනැත්තෙකු සෞදියෙන් ස්ථිරවම පිටවීමේදී ඉකාමා පත ගුවන්තොටුපොළ බලධාරීන්හට බාරදිය යුතු මුත් ඇය එම කාර්ය ඉටු නොකිරීම නිසා නැවත හරවා ඇත.

මේ වනවිට රියදුරුද පිටත්වී ගොස් ඇති අතර ඇය කනස්සල්ලෙන් සිටියායා.

මෙම අවස්ථාවේදී සෞදි ගුවන් සේවයේ ගුවන්තොටුපොළ පර්යන්ත සේවක මන්සූර් රිසාප් නම් ශ්‍රී ලාංකිකයා මේබව දැනගෙන ඇයට  සිදුවී ඇති අකරතැබ්බ පිළිබඳ සොයාබලා මා වෙත ද දන්වා  ශ්‍රි ලංකාවේ විදේශ සේවා කාර්යාංශයට ද  ඉන් අනතුරුව ඇය පැමිණි රැකියා ආයතනයටද  දැන්වීමෙන් අනතුරුව හාම්පුතාගේ දුරකථන අංකය ලබාගෙන ඔහුට කතා කොට නැවත නිවස වෙත පිටත්කැර යවා ඇත.