(හේමන්ත රණසූරිය)

කැබිතිගොල්ලෑව  අංක 26 කුංචුට්ටු තුලානේ දුටුවැව ගම්මානයේ මහා රූස්ස වනාන්තරයක් මැද ඩොලර් බිලියන ගණන් උපයා ගත හැකි ජාතික සම්පතක් වූ මිනිරම්පතල ප්‍රයෝජනයට නොගැනීම මහා අපරාධයක් බව දුටුවැව ගම්වාසීහු පවසති.

තලාතු සහ බ්යොටයික් මයිකා යන මිනිරන් විශේෂ දෙක මෙම පතලේ ඇතැයි එහි සේවය කළ ගමේ පැරැන්නෝ පවසති. 

වසර පනහකට එහා ගිය ඉතිහාසයක  වැදගත් සිදුවීම් රැසක් කාලයේ වැලි තලාවට වැසීයාමට ඉඩ හැර තිබීම බලවත් කනගාටුවට කරුණක් බවත් ඔවුහු කියති .

අක්කර 500 ක භූමියක් තුළ මෙම  මිනිරන් පතල පතල විහිදී පැතිරී ඇති බවත් ඒ තුළ තවත් මිනිරන් පතල් දහඅටක් පමණ තිබී ඇති නමුත් ,ඉන් බොහොමයක් මේ වන විට කැලය වැසී ගොස්   ඇතත් ,කළු පතළ සහ මහා පතල වශයෙන් ඔවුන් එකල හැඳින්වූ පතල්  දෙකක් සහ එම ප්‍රදේශය පුරාම විසිරී ගිය මිනිරන් කොටස් විශාල ප්‍රමාණයක් අප එහි කළ ගවේෂණයේදී අපට දැකගත හැකි විය .

දුටුවැව මිනිරන් පතල ආරම්භයේ සිටම එහි සේවය කළ කැබිතිගොල්ලෑව දුටුවැව පදිංචි ඩබ්ලිව් සේමසිංහ (68),කේ ලක්ෂ්මන් කොතලාවල (62),සහ ඩබ්ලිව් වික්‍රමසිංහ (70)යන අය මෙහි අලගිය මුලගිය තැන් හොඳාකාරවම දන්නා බව ඔවුහු පැවසූහ .

මේ ඒ පිළිබඳ අදහස් දක්වන එහි සේවය කර ඇති ඩබ්ලිව් වික්‍රමසිංහ මහතා මෙසේ කීය.

එක්දහස් නවසිය හැත්තෑ ගණන්වල කහටගස්දිගිලියේ සීවලී කියලා මහත්තයෙක් තමයි මේ පතල ඉස්සරලම පටන් ගත්තේ . එයා අවුරුදු දෙකක් විතර වැඩ කරගෙන ගියා .ඊට පස්සේ මේ පතල රාජ්‍ය මිනිරන් සංස්ථාව ට සංස්ථාවට අරගත්තා. මිනිරන් සංස්ථාවෙන් මේ පතල කරගෙන යනකොට යුද්දෙ පටන් ගත්තා .එතකොට එහි සේවකයන් 50ක් විතර හිටියා .අපේ පත්වීම් ස්ථිර කළා .දරුණුවට යුද්දෙ කැබිතිගොල්ලෑවට බලපාපු හින්දා මේ පතල වහලා දැම්මා. පස්සේ එතන වැඩ කරපු සේවකයන් කොටසක් එප්පාවල පොස්පේට් එකට යැව්වා .තව කොටසක් බෝගල පතලට යැව්වා .

අපි ගියේ එප්පාවල පොස්පේට් එකට.අවුරුදු කීපයකින් ආයෙත් මේ පතල වැඩ පටන් ගත්තා .ඒ හිටපු ජනාධිපති මෛත්‍රීපාල සිරිසේන මහත්තයා පරිසර සහ මහවැලි ඇමති වෙලා හිටපු කාලෙ . එතුමා මේ පතල මාතලේ ප්‍රදේශයේ කෙස් මුරලිදරන් කියන කොම්පැනිකාරයෙකුට දුන්නා . මුරලි මහත්තයා මේකෙ මිනිරන් ඉන්දියාවට යවලා එහේ සුද්දකරලා ජපානයට අලවි කරා . එතකොට මේ පතලේ පතලේ ගලවන මිනිරන් හොන්ඩර  එකට රුපියල් එකසිය විසි හතක් 150 150ත් මුදලක් තමයි පතලේ කම්කරුවන්ට ගෙව්වේ .අපි 2009 අවුරුද්දේ විශ්‍රාම ආවා .මේ වගේ වටිනා සම්පතක් නිස්කාරණේ කැලේට හැරලා තිබීම ජාතික අපරාධයක් .

මේ සම්බන්ධයෙන් අප කැබිතිගොල්ලෑව අඩවි වන නිලධාරී ප්‍රදීප් වෛද්‍යසේකර මහතාගෙන් කළ විමසීමකදී ඔහු සඳහන් කළේ මෙවැන්නකි මෙම දුටුවැව මිනිරන් පතල පිහිටි ප්‍රදේශය පදවිය අභය අභයභූමිය තුළ රක්ෂිත කලාපයක් වශයෙන් රජයේ විසින් වෙන් කරල තියෙන්නේ .

එකල කැබිතිගොල්ලෑව ප්‍රාදේශීය සභාවට සොච්චම් මුදලක් ගෙවා ව්‍යාපාරිකයෙන් විසින් කෝටි ප්‍රකෝටි ගණනින් මුදල් හම්බ කර ඇති කැබිතිගොල්ලෑවේ දුටුවැව මිනිරන් පතල අද දවසේ වන අලි ගහන මහා වනස්පතිය මැද නිසොල්මනේ සැඟවී ඇත්තේ කාගේ වරදින් ද දැයි විමසා බැලිය යුතු නොවේද .