ඇඹිලිපිටියේ ප්‍රශ්නයට මැදි වී සිටින සහකාර පොලිස් අධිකාරී ඩී ඩබ්ලිව් සී ධර්මරත්න රත්නපුර කොට්ඨාසයේ සිට කුලියාපිටිය කොට්ඨාසයට මාරු කරනු ලැබ සුළු වේලාවකට පසු පොලිස් මූලස්ථානයට මාරු කරනු ලැබීය. පොලිස්පතිවරයා ඒ බව විශේෂ පොලිස් පණිවිඩයකින් දැනුම් දුන්නේය.

 තවත් සහකාර පොලිස් අධිකාරීවරු තිදෙනෙක්ද, ප්‍රධාන පොලිස් පරීක්ෂකවරු හය දෙනෙක් ද, පොලිස් පරීක්ෂකවරු දෙදෙනෙක් ද ස්ථාන මාරු කරනු ලැබ සිටිති.

සහකාර පොලිස් අධිකාරී පී එම් ඒ කීර්ති බංඩාර කුලියාපිටිය කොට්ඨාසයේ සිට කොළඹ මධ්‍යම කොට්ඨාසයටද, සහකාර පොලිස් අධිකාරී එම් වී ආර් යූ එන් ආරියරත්න කොළඹ මධ්‍යඹ කොට්ඨාසයේ සිට රත්නපුර කොට්ඨාසයටද, සහකාර පොලිස් අධිකාරී එල් කේ ඩී අනිල් ප්‍රියන්ත රත්නපුර කෙට්ඨාසයේ සිට ඇඹිලිපිටිය කොට්ඨාසයට ද මාරු කරනු ලැබූහ.

ඇඹිලිපිිටිය මූලස්ථාන පොලිසියේ සිට තාවකාලිකව අවිස්සාවේල්ල මූලස්ථාන පොලිසියට අනියුක්ත කර සිටි ප්‍රධාන පොලිස් පරීක්ෂක එම් ආර් ජේ ඩයස් පොලිස් මූලස්ථානයට මාරු කර තිබේ.

ප්‍රධාන පොලිස් පරීක්ෂක ඉබ්ලිව් ඒ සෝමරත්න පිළියන්දල පොලිස් ස්ථානාධිපති සිට ඇඹිලිපිටිය මූලස්ථාන පොලිස් පරීක්ෂක ලෙස ද, ප්‍රධාන පොලිස් පරීක්ෂක කේ එම් එස් බී සමරකෝන් දඹුල්ල මූලස්ථාන පොලිස් පරීක්ෂක සිට පිළියන්දල පොලිස් ස්ථානාධිපති ලෙස ද, ප්‍රධාන පොලිස් පරීක්ෂක එච් පී පී එස් කේ වික්‍රමරත්න ගම්පොළ කොට්ඨාසයේ සිට දඹුල්ල මූලස්ථාන පොලිස් පරීක්ෂක ලෙස ද, ප්‍රධාන පොලිස් පරීක්ෂක එන් පී වැලිකල ගල්කිරියාගම පොලිස් ස්ථානාධිපති සිට නිට්ටඹුව මූලස්ථාන පොලිස් පරීක්ෂක ලෙස ද, පොලිස් පරීක්ෂක ඩබ්ලිව් පෙරේරා කොළඹ මධ්‍යම සිට ගල්කිරියාගම ස්ථානාධිපති ලෙස ද, ප්‍රධාන පොලිස් පරීක්ෂක ජේ ඒ ඩී එස් සංජීව කෝපායි ස්ථානාධිපති සිට හලාවත කොට්ඨාසයට ද, පොලිස් පරීක්ෂක එස් එම් කහදවල කැලණිය කොට්ඨාසයේ සිට කෝපායි ස්ථානාධිපති ලෙස ද මාරු කරනු ලැබ සිටිති.