යුද සමයේ අතුරුදන් වූවන් සෙවීම සදහා රජයෙන්   පිහිටුවීමට නියමිත කාර්යාලය මෙරට ආරක‍ෂක හමුදාවට එරෙහි කාර්යාලයක් නොවන බවත් අතුරුදන් වූවන්ගේ අර්බුදයට විසදුමි ගෙන ඒම සදහා මෙම කාර්යාලය පිහිටුවන බවත් රාජ්‍ය භාෂා හා ජාතික සංවාද පිළිබද අමාත්‍ය මනෝ ගනේෂන් මහතා පැවසීය.

මෙරට අතුරුදන් වූවන් අතර උතුරේ ජනතාව පමණක් නොව දකුණේ ජනතාවද සිටින බව ද  ඔහු කීවේය.

හමුදාව පාවා දීම සදහා මෙම කාර්යාලය පිහිටුවන බවට ඒකාබද්ධ විපක‍ෂය චෝදනා කර සිටින බවත්,  එය වැරදි සහගත අර්ථ දැක්වීමක් බවත්, අතුරුදන් වූවන්ට සිදුවූ දේ කුමක්ද යන්න සොයා ගනිමින් අතුරුදන් වූවන්ගේ ප්‍රශ්නය විසදීම මෙම කාර්යාලය පිහිටුවීමේ අරමුණ වන බවද  මනෝ ගනේෂන් මහතා සඳහන් කළේය.