ලංගමයට බස් 2200ක් ගෙන්වූ සිද්ධිය සම්බන්ධයෙන් පාර්ලිමේන්තු විවාදයකදී කුමාර වෙල්ගම හිටපු ප්‍රවාහන ඇමැති තමාට තර්ජනය කළ බව එජාප මන්ත්‍රී ආශුබෝධ මාරසිංහ අද (3) සිරිකොත පක්ෂ මූලස්ථානයේදී පැවැති මාධ්‍ය හමුවකදී පැවසීය.

බස් ගෙන්වීම සම්බන්ධයෙන් පාර්ලිමේන්තුවේදී තමා මතුකළ ප්‍රශ්නයකදී ‘එළියෙදි බලාගමු‘ යනුවෙන් වෙල්ගම මන්ත්‍රීවරයා කළ ප්‍රකාශයෙන් තම වරප්‍රසාද කඩවී ඇතැයි මුලසුනේ සිටි ආනන්ද කුමාරසිරි මන්ත්‍රීවරයාට පැමිණිලි කළ බවත් ඔහු කීවේය.

නියෝජ්‍ය ඇමැති අජිත් පෙරේරා මහතා පාර්ලිමේන්තුවට කියා ඇත්තේ මාරසිංහ මන්ත්‍රීවරයා විපක්ෂ දොරටුවෙන් එළියට යන හෙයින් ඔහුගේ ආරක්ෂාව තහවුරු කළ යුතු බවයි.

මේ ගැන විමසීමට වෙල්ගම මහතා දුරකථනයෙන් සම්බන්ධ කරගැනීමට ගත් උත්සාහය අසාර්ථක විය.

webMarasingha_2015123