ඕස්ට්‍රේලියාවට,කොරියාවට කරවල කවයි

(අංජුල මහික වීරරත්න)

නව තාක්ෂණය භාවිතා කරමින් වේලන ලද කරවල හා උම්බලකඩ කිලෝග්‍රෑම් 10,000කින් යුත් පළමු කන්ටේනරය ඔස්ට්‍රේලියාවට හා කොරියාවට අපනයනය කළ බව කෘෂිකර්ම අමාත්‍යාංශය පවසයි.

පහජ්ජාව මෙගාෆිෂ් කරවල හා උම්බලකඩ නිෂ්පාදනායතනය විසින් මෙම මෙම අපනයනය කළේය.

ලංකාවේ නිෂ්පාදනය කෙරෙන කරවල හා උම්බලකඩ ඔස්ට්‍රේලියාවට හා කොරියාවට අපනයනය කරන පළමු අවස්ථාව ද මෙය වේ.

සාම්ප්‍රදායික කරවල නිෂ්පාදනයේ දී හිරු එළියෙන් වේලීම කළත් මෙම නව තාක්ෂණය යටතේ කරවල හා උම්බලකඩ සකසනු ලබන්නේ වායු සමීකරණ පද්ධතියක් ආශ්‍රිතව විජලනය කිරීමේ ක්‍රමවේදයක් (Air Condition Dehydration) යොදා ගනිමිනි.

මුළුමනින්ම ආරක්ෂිත හා සෞඛ්‍ය සම්පන්න ක්‍රම යොදා ගනිමින් නිෂ්පාදනය කෙරෙන කරවල හා උම්බලකඩ මිනිස් පරිභෝජනයට ඉතාමත් උචිත බව කෘෂිකර්ම අමාත්‍යාංශය පවසයි.

කරවල වේලීම සදහා Law Salt ලුණු යොදා ගැනීම, හා මාළුවල අඩංගු තෙල් (Fish Oil) ඉවත් නොවීම වැනි කරුණු නිසා මෙම නව තාක්ෂණය යටතේ වේලන ලද කරවල ගුණාත්මක බවින් ඉහළ මට්ටමක පවතී.

මෙම කර්මාන්ත ශාලාව විසින් නිෂ්පාදිත කරවල හා උම්බලකඩ පළමු කන්ටේනරය අපනයනය කෙරෙන අවස්ථාවට කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා ඇතුළු පිරිසක් සහභාගී වූහ.

අදහස් (10)

ඕස්ට්‍රේලියාවට,කොරියාවට කරවල කවයි

Andrew Monday, 15 January 2024 10:27 AM

මෙතන මොන බොරුවක්ද . ශ්‍රී ලාංකික වියළි මාළු

: 16 5

Roshan Monday, 15 January 2024 10:59 AM

මේකේ මොකක්ද තියෙන බොරුව?

: 3 15

Amal Monday, 15 January 2024 10:32 AM

ඉතාමත් හොඳ වැඩක්. හැබැයි, පළමුව ආනයනය නතර කර ලංකාවත් ස්වයං පෝෂිත කරන්න. එතකොට අපේ ඩොලර් ටික ඉතුරු වේවි.

: 3 20

P.BamunusingheMonday, 15 January 2024 12:17 PM

ලංකාවට ගෙන්වන කරවලට වඩා වැඩි මුදලකට විකිණිය හැකිනම් එය ලාභදායි නොවන්නේද?

: 2 6

fairoos Monday, 15 January 2024 12:08 PM

මේ වගේ කොච්චර දේවල් අපිට කරන්න පුලුවන්ද .ඒත් මේ කාලකන්නි ආණ්ඩුව තියනකම් රටම ඉවරයි

: 7 10

GajamithuruMonday, 15 January 2024 01:54 PM

මේ ආණ්ඩුව විතරද එහෙම දේවල් කලේ කියලා තේරුම් ගන්න බැරිද. මහින්ද සුනාමියේ සිට ගසාකෑවා. ඒවා ගැන මොකුත්ම කියන්නෙ නැහැ. නයා නටවා පැමිණි ආණ්ඩුව විපක්ෂයේ කෙනෙකුට දීලා ගියා. දැන් රියදුරා ටිකක් ප්‍රවේශමෙන් යනවා .ඒ නිසා ආණ්ඩුව කියන්නෙ රියදුරු නැතුව නම් ඔබේ අදහස නිවැරදියි.

: 6 4

බයියා Monday, 15 January 2024 12:17 PM

ඕක මොකක්ද. අපිට අවු 75 ක් තණකොල කැව්වෙ මෙයාල

: 4 12

sam Monday, 15 January 2024 03:01 PM

//ලංකාවේ නිෂ්පාදනය කෙරෙන කරවල හා උම්බලකඩ ඔස්ට්‍රේලියාවට හා කොරියාවට අපනයනය කරන පළමු අවස්ථාව ද මෙය වේ.// එතකොට දැන් ඕස්ට්‍රේලියාවේ ලාංකික, සහ අනිකුත් ආසියාතික කඩ වල තියන ලංකාවේ නිෂ්පාදිත කරවල සහ උම්බලකඩ මෙහෙට ආවේ කොහොමද? ඒවා මාළු හැටියට ලංකාවෙන් අපනයනය කරලා, ප්‍රවාහනයට කල් ගත වීම නිසා ඔස්ට්‍රේලියාවට එනකොට කරවල, උම්බලකඩ වෙලා වෙන්න ඇති!

: 1 4

don Monday, 15 January 2024 08:35 PM

ධීවර කටයුත්තක් කරන්නේ වෙන අමාත්‍යංශයකින්

: 0 0

Perera Tuesday, 16 January 2024 05:08 AM

ලංකාවෙන් භාගයක් ජනතාව පදිංචි ඔය රටවල .උන් තමයි කරවල කන්නේ

: 0 0

ඔබේ අදහස් එවන්න

එසැණ පුවත්

පියුමිගෙන් පැය 9ක් ප්‍රශ්න කරයි

2024 ඔක්තෝබර් මස 06 243 0

ප්‍රසිද්ධ නිරූපණ ශිල්පිනි පියුමි හංසමාලි හිමිකාරීත්වය දැරූ බි එම් ඩබ්ලිව් මෝටර් රථයක් සම්බන්ධව සහ ඇයගේ වත්කම් සම්බන්ධයෙන් සිදු කරන විමර්ශන වලට අදා

මල්ලීගේ පොරෝ පහරින් අයියා මරුට

2024 ඔක්තෝබර් මස 06 408 0

බාල සහෝදරයා සමඟ ආරවුලක් ඇති කරගත් වැඩිමහල් සහෝදරයාට පොරෝවකින් පහරදී අද (06) ඝාතනය කිරීමේ සිද්ධියක් සම්බන්ධයෙන් කුච්චවේලි පොලිසිය පරීක්ෂණයක් ආරම්භ කර ත

අල- ලුනු බදු ඉහලට

2024 ඔක්තෝබර් මස 06 770 0

අර්තාපල් සඳහා වන විශේෂ ආනයන බද්ද රුපියල් 10කින් සහ ලොකු ලූනු ආනයන බද්ද රුපියල් 20කින් වැඩි කර තිබේ.ඒ අනුව රුපියල් 50ක්ව තිබූ අර්තාපල් කිලෝවක ආනයනික වෙළෙඳ භ

ටී ෂර්ටයට ගෙල සිරවී ගොවියා මරුට

2024 ඔක්තෝබර් මස 06 897 0

කුඹුර අසල මී ගසක අතු පාහිමින් සිටි වාරියපොල කෝන්ගොල්ල ගම්මානයේ ගොවියකු ඔහු ඇද සිටි ටී ෂර්ටයට ගෙල සිරවීමෙන් මියගොස් ඇතැයි වාරියපොල පොලිසිය පවසයි.

තීරුබදු නොගෙවූ රන් ගුවන් තොටින් පන්නන්න බැරිවෙයි

2024 ඔක්තෝබර් මස 06 677 0

රුපියල් ලක්ෂ හැත්තෑ පහක් පමණ වටිනා ස්වර්ණාභරණ තොගයක් තීරු බදු නොගෙවා කටුනායක ගුවන් තොටුපොළෙන් පිට කර ගෙන යමින් සිටි ගුවන් මගී කාන්තාවන් දෙදෙනෙකු ගුව

අ’පුර හිටපු සභාපතිවරයකුගේ නිවසක ‘අයිස් ‘

2024 ඔක්තෝබර් මස 06 638 0

අනුරාධපුර ප්‍රාදේශීය සභාවක හිටපු ප්‍රාදේශීය සභා සභාපතිවරයෙකුගේ නිවසේ තිබී රුපියල් ලක්ෂ පහකට වැඩි අයිස් මත්ද්‍රව්‍ය තොගයක් හමුවූ අනුරාධපුර කොට්ඨා