කටුනායකට ආ යානා හතරක් මත්තලට -ඉන්දීය ගුවන්තොටකට ගොඩබස්සවයි

(ටී.කේ.ජී.කපිල )

කටුනායක ගුවන් තොටුපොළ අවට ප්‍රදේශයේ අද(07) අලුයම පැවති ඝන , දැඩි මීදුම් තත්වය නිසා , එහි ගොඩ බැස්සවීමට පැමිණි ගුවන් යානා 04 ක ගුවන් නියමුවන්ට , කටුනායක ගුවන් තොටුපොළ ධාවන පථය නිසියාකාරව නොපෙනීම නිසා , මත්තල සහ ඉඉන්දියාවේ ත්‍රිවේන්ද්‍රම් ගුවන් තොටුපොළ වෙත යොමු කිරීමට පියවර ගත් බව ගුවන් තොටුපොළ කාර්යය භාර නිලධාරීවරයා පැවසීය .

ඒ අනුව අද(07) දින අලුයම 05.00ට කටුනායක ගුවන් තොටුපොළ වෙත ගොඩ බැස්සවීමට ඩුබායි සිට පැමිණි ශ්‍රී ලන්කන් ගුවන් සේවයේ යූ.එල්.- 226 , චීනයේ ග්වැන්ෂෝ සිට පැමිණි ශ්‍රී ලන්කන් ගුවන් සේවයේ යූ.එල්.- 881 සහ අද දින අලුයම 05.05 ට ඉන්දියාවේ බැංගලෝර් සිට පැමිණි ශ්‍රී ලන්කන් ගුවන් සේවයේ යූ.එල්.- 174 දරන ගුවන් යානා 03 මත්තල ගුවන් තොටුපොළ වෙත යොමු කිරීමට පියවර ගෙන තිබුණි .

ඊට අමතරව තුර්කියේ ඉස්තාන්බුල් නුවර සිට අද දින අලුයම 06.00 ට කටුනායක ගුවන් තොටුපොළ වෙත ගොඩ බැස්සවීමට පැමිණි තුර්කි ගුවන් සේවයේ ටී.කේ.- 730 දරන ගුවන් යානය ඉන්දියාවේ ත්‍රිවේන්ද්‍රම් ගුවන් තොටුපොළ වෙත හරවා යවා තිබුණි .

අදහස් (5)

කටුනායකට ආ යානා හතරක් මත්තලට -ඉන්දීය ගුවන්තොටකට ගොඩබස්සවයි

ඉරාන් Tuesday, 07 January 2025 10:24 AM

ඇයි තුර්කි එකත් මත්තලට හරවලා යැව්වෙ නැත්තෙ.?

: 1 31

රම්බොඩ Tuesday, 07 January 2025 02:03 PM

රටකට ගුවන්තොටුපළවල් දෙකක්වක් අවශ්‍ය බව තහවුරු වෙන්නේ මෙවැනි අවස්ථා වලයි. ඒවා කවුද හැදුවෙ කියන එකවත් නම මොකද්ද කියන එකවත් වැදගත් නෑ. ඒවා රටේ සම්පත් . දේශපාලන නිවටකම් නිසා වී ගබඩා කළා කෙනෙක්.

: 4 14

Nandalal de Silva - France Tuesday, 07 January 2025 03:35 PM

මා පදිංචිව සිටින ප්‍රංශයේ මෙන්ම උතුරු අර්ධද්වීපයේ බොහොමයක් රටවල්වල වසරේ වැඩි කාලවල තද සුළං, මීදුම, හිම පතනය වැනි ස්වාභාවික ආපදාවන් නිසා, යන එන ගුවන් යානා වෙන රටවලට හරවා යවන බවක් අප අසා නැත. මෙවැනි රටවල තාක්ෂණික උපකරණ සහ අධිබලැති විදුලිබල පද්ධති මගින් ධාවන පථ පැහැදිලිවම පෙනෙන නිසා ගුවන් නියමුවන්ට සිය යානා ආරක්ෂිතව පාලනය කරන්න පුලුවන්. කෙසෙ වෙතත් තද හිම වැටෙන විට නම් තත්වය මීට වඩා වෙනස්. කටුනායක බණ්ඩාරනායක ගුවන්තොටුපොල ටත් අධිබලැති විදුලි පහන් සවිකර ධාවන පථ පැහැදිලිවම පෙනෙන ආකාරයට සකස් කලොත් විදේශ ගුවන් තොටුපොල වල් වලට ගෙවන ඩොලර් අපෙ රටෙ ඉතිරි කර ගැනීමට පුළුවන් නොවෙද ? හරවා යැවූ යානා හතරෙන් තුනක්ම "ශ්‍රී ලංකන්" යානා වීමත් කතා බහට ලක්වන පුවතක් වීමේ රහස මොකක්ද?

: 0 8

Sunik Tuesday, 07 January 2025 05:25 PM

තද සුළං කියන්නේ නම් සෙල්ලමක් නෙවෙයි. ඒවා නවීන තාක්ෂණය යොදා ගෙන වෙනස් කරන්න බැරි වෙයි. නමුත් මත්තලින් නියම ප්‍රයෝජනයක් ගන්න පුළුවන් නම් පිටරටට යානා අරින්නේ නැතුව ඉන්න පුළුවන්නේද. ඊට පස්සේ ඕනනම් බස්වල දාලා හයිවේ එකේ ප්‍රධාන නගරවලටවත් මගීන්ව අරින්න පුළුවන්. ඉන්දියාවේ ඇරියාම ඒ ටික කරන්න බැහැනේ. ආපහු කටුනායක එන්නම ඕනෑ.

: 0 0

Sarath Tuesday, 07 January 2025 06:26 PM

දැන් කියන්නකෝ මයිනා හොරා කාපු නිසා මත්තල හැදිලා කියලා. මාලිමා හිඟන්නෙක් නැද්ද මේකට උත්තරයක් දාන්න එන්නේ...?

: 1 0

ඔබේ අදහස් එවන්න

එසැණ පුවත්

මග නැගුමේ ස්කැවේටරයක් කළුගල් ව්‍යාපාරයකට යොදාගෙන

2025 අප්‍රේල් මස 30 32 0

මග නැගුම මාර්ග ඉදි කිරීම් සමාගමට ස්කැවේටර් යන්ත්‍රයකින් ඉඩම් ප්‍රතිසංස්කරණ කොමිෂන් සභාවට අයත් කඩුවෙල කොරතොට, මයික්වත්ත ප්‍රදේශයේ ඉඩමක කළුගල් ව්‍යා

ගමේ ඡන්දෙන් පස්සේ මැතිසබය රැස්වේ

2025 අප්‍රේල් මස 30 81 0

පාර්ලිමේන්තු පක්ෂ නායකයන්ගේ රැස්වීමක් කතානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් පාර්ලිමේන්තු සංකීර්ණයේ දී අනිද්දා (2) පැවැත්වීමට නියම

කෝටි 3ක දේපල වංචා කළ හිටපු පොලිස් සැරයන්වරියක් අත්අඩංගුවට

2025 අප්‍රේල් මස 30 462 2

කූඨ ලේඛන සකස්කර රුපියල් කෝටි 3 ක් වටිනා දේපොළ අත්පත් කරගත් බව කියන විශ්‍රමික කාන්තා පොලිස් සැරයන්වරියක් අපරාධ පරීක්ෂණ දෙපාර්තමේන්තුව විසින් අත්අඩංගු

ඒකල විකාශනාගාරයේ ගොඩනැගිලි හයක් මරැ කටට

2025 අප්‍රේල් මස 30 253 0

ශ්‍රී ලංකා ගුවන් විදුලි සංස්ථාවේ ඒකල විකාශනාගාරයේ ගොඩනැගිලි හයක් විනාශ වීමට ඉඩ හැර ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

’’ආණ්ඩුව ජනතා බලාපොරොත්තු පුස්සක් කරලා’’

2025 අප්‍රේල් මස 30 175 2

ජනාධිපතිවරයා සහ මාලිමාව පොරොන්දු වූ පොහොසත් රටක් ලස්සන ජිවිතයක් කෙසේ වෙතත් රටේ ලක්ෂ 220 ක ජනතාව ජීවත් වෙන්නෙත් අමාරුවෙන් යැයි විපක්ෂ නායක සජිත් ප්‍රේම

ජී.එස්.පී සහනයට යුරෝපා සංගමයෙන් කොළ එළියක්

2025 අප්‍රේල් මස 30 493 1

GSP+ සමාලෝචනය සම්බන්ධයෙන් ධනාත්මක ලෙස සලකා බලන බව යුරෝපා සංගමයේ දකුණු ආසියානු අංශයේ ප්‍රධානී චාල්ස් වයිට්ලි ( Charles Whiteley) මහතා ජනාධිපති අනුර දිසානායක මහතා හම