දොඩම්ගොඩ බෝම්බුවල අක්කර 20 රබර්වත්ත පාරවල් පහ පාළු ස්ථානයට කැබ්රියක් ආ බවට කොස්තාපල් කියා ඇතත් ප්‍රදේශවාසීන් කැබ්රියක් දුටු බවක් කියා නැතැයි පොලිස් ආරංචි කියයි.  පරීක්ෂණ පැවැත්වීමට කණ්ඩායම් තුනක් කටයුතු කරන අතර එක් කණ්ඩායමක් බෝම්බුවල පුද්ගලයන් හය දෙනකුගෙන් මේ ගැන විමසා ඇතත් කැබ්රියක් පැමිණි බවක් ඔවුන් කියා නැත. පැමිණිල්ල ගැන යම් සැකයක් ඇද්දැයි විමසූ විට පොලිස් මාධ්‍ය ප්‍රකාශක අජිත් රෝහණ පවසා ඇත්තේ එවැන්නක් දැන්ම කිව නොහැකි බවයි. ගිනි පෙට්ටියක් සහ පෙට්‍රල් බෝතලයක මූඩියක් එම ස්ථානයෙන් සොයගත් පොලිසිය එහි පස් සාම්පල් රජයේ රස පරීක්සක වෙත යැවීම සඳහා ක්‍රියා කරන බව අජිත් රෝහණ මහතා කීය. පැමිණිල්ල කළ පොලිස් කොස්තාපල්ගේ සහෝදරයකු ඇමෙරිකාවේ සිටින බව ද පොලිසියට තොරතුරු ලැබී ඇත. ඔහුගෙන් මෙතෙක් කටඋත්තරයක් ගෙන නැත