කැනඩාවේ වසන්තය ගී නදින් රසකරන අපේ ගීත කෝකිලාව

කැනඩාවේ ජීවත් වන අපට සඳුන් ගමගේ ගේ සටහන හදවතට ම දැනෙන සටහනක්. මේ සංගීත ප්‍රසංගය ජුනි 15 කැල්ගරි දී රස විදීමට අවස්ථාව ලැබුන. නන්ද මාලනි මහත්මියනි, ඔබේ සංගීත ප්‍රසංගය ඉතා උසස් ප්‍රසංගයක්. අපට අප්‍රමාන සන්තෝෂයි. නන්ද මාලිනිය උචිත ලෙස ගීත 25ක් ගයනා කළා. සියලුම ගීත වලට පෙරවදනක් ඉදිරි පත් කලා. අපට හැඟුනේ එතුමිය කදිම නිවෙදිකාවක් ලෙස. සමහර ගීතවල නිදාන කතාව කිව්වා. මහාචාර්ය සුනිල් ආරියරත්න සමග ඉන්දියාවට පැන යන්න වුන හේතුව, මහාචාර්ය කාර්ලෝ ෆොන්සේකාගේ රත්තරන් දුවේ ගීතය ලියවීමට තෙරපුණ අදහස් ඉතා ලස්සනට ඉදිරිපත් කළා. ඔබගේ ගීත සදා අමරණීයයි. ඔබගේ හඩ සදා අමරණීයයි ඇ ප්‍රසංගය අවසන් කලේ තුන් හෙලේ කැලෑ තුල සිංහ පැටව් ගීතයෙනි. ගීතයට පෙර ඇ ශ්‍රී ලංකාවේ වර්තමාන තත්වය පහදා දුන්නා. වීදේශ ගත වූ සැමට නැවත ශ්‍රී ලංකාවට ඇවිත් සේවය ලබාදෙන ලෙසට ආරාධනා කළා . එය අපට ඉතා හැගුම්බර වූ මොහොතක් වුනා. ශ්‍රී ලංකාවෙදිවත් නන්ද මාලිනිය ගේ සංගීත ප්‍රසංගයක් නැරබීමට නොහැකිවූ අපට ඉතා නැවුම් අත්දැකීමක්. ප්‍රසංගය අවසානයේදී නන්ද මාලිනිය සහ රෝහණ වීරසිංහ මහාතා හත සමග කතා කිරීමට අවස්ථාව ලැබුනත් සතුට වැඩිකමට වචන නැති උන. ආනන්දනීය සංගීත ප්‍රසංගයක් සංවිදානය කල සැමට පින්.(අ)

අපි ඉතාම අසාවෙන් බලාගෙන ඉන්නේ, අසු ගණන් වලදී පේරාදෙණියේදී සජීවීව දැක්කට පස්සේ, ජුනි 15 කැල්ගරි ගීත අසන්න. කිලෝ මීටර 300 ක් ගෙවලා අපි කැල්ගරි එන්නේ ඔබේ සේවයට උපහාරයක් වශයෙනි. ඔබ සහ අනෙකුත් විශිෂ්ට ගනයේ සංගීතවේදීන් නිසා අපේ ජීවිත වලට‍ ලැබී ඇති සතුට, සැනසුම වචනයෙන් කියන්න බැරි තරම්. කවදාක හරි ආයෙත් වික්ටර්ගේ මදුර කටහඩත් සජීවීව අසන්න බලන් ඉන්නවා. (නි)

මේ සටහන මම හදවතින්ම ලිව්වා සටහනක්. මම ආසයි අපේ පාඨකයින්ට සතුට ගෙන දෙන්න. හැමෝටම බොහොම ස්තුතියි.(නදී)

ගීතය, ස්වරය, තනුව, ස්වකීය අවිය කරගත් සමාජ ස්තර වල ඇති පැහැදිලි වෙනසට ගීතයේ කෙලි තුඩින් ඔච්චම් කළ හෙළ අඹරේ නොනිමෙන පහන් සිළුව ඔබයි.ගීතය ජනයාගේ සවනට පමණක් නොව හදවතේ ඇති ගැඹුරුම පත්ලට කිඳා බස්සවා සමස්ත රසික ජනතාවම මුසපත් කළ, රසවත් කළ, සුවපත් කළ , දැහැන් ගත කළ යුගයේ විරජමානිකාව.ඔබට පිදෙන හද පත්ලෙන් ඉස්මතු වෙන නිහතමානි උත්තමාචාරයයි මේ. (නි)

ඔබගේ ගීත සදා අමරණීයයි. ඔබ ශ්‍රී ලාංකික අපට මහගු සමිපතක්.(නදී)

මේ ගීතය ඔබ ගැයුවේ ඊනියා බෞද්ධයන්ටයි. පුජාසනයේ කුහුඹු පිරිස මැද පිළුණු වෙමින් යයි සුරත බොජුන්... බෝමැඩ වගුරන කිරිකල දහරින් වැලි මළුවේ කිරි දියර ගලායයි... පින්නෙක කිරි කදුලක් පින්වතුනේ... කිරට හදන මගේ බිලිදුට දෙන්නට... (වෙසක් පොසොන් වලට දන්සල් දෙන උදවියට ඕනෑ නම් හැදෙන්න මේ ගීතයම ඇති.) (නි)

ඔබ අපේ රට්ටට ආඩම්බරයක්, වස්තුවක්.(නදී)

ජුනි 15 දා, ඔබ කිවූ පරිදි අම්මාට උපමා කරන්න කිසි වචනයක්/කෙනෙක් නැහැ. නමුත් නන්දා මාලනී තිරයේ පිටිපස්සේ සිට එලියට එනවිට දැනුනේ අම්මා දැක්ක තරම් සතුටක්. හොඳ සිහිනයක් සැබෑ වුන අවස්ථාවක්. ඒ නිහතමානි කාන්තාව අපේ ලාංකීය සමාජයට කරලා තියෙන/කරන මෙහවර අපමණි. පැය තුන හමාරක් විතර අපිව ඒ විවිධ වර්ගයේ ගීත වලින් ඇද බැද තබගත්තා. කීව හැම ගීතයකම හරවත් පණිවිඩයක් තිබුනා. රෝහණ ගේ සංගීතයෙන් ශාලාව පිරිලා තිබුනා, හරිම සෞම්‍යයයි. ඔබේ සංචාරයේ ඉතිරි කොටසේදීත්, අල්බෙර්ට වලදී වගේ, ඔබලාට සතුටු පිරුන අත්දැකීම් වලට මුහුණ දෙන්න ලැබේවා කියලත්, ඔබට නිරෝගී බවත් ප්‍රර්ථනා කරනවා. (නි)

අම්මේ, ඔබේ හඬ සිහින කවියකි. කටුක දිවියට, පහන් කණුවකි. පාර පෙන්වන, සහන් එළියකි සසර අඳුරට. (නි)

නන්දා මාලිනියනි, ඔබතුමියගේ විදෙස් සංචාරය කිසිදු කරදරයක් නොවී සාර්ථක වේවා! (නි)

ඔබතුමියට ධිර්ඝායු (දී)

විශාරද නන්ද මාලිනිය කියන්නේ වර්තමානේ අපේ රටේ ඉන්න ජාතික වස්තුවක් ඇයගෙ හැකියාව පමණක් නොව නිහතමානී කම ශ්‍රී ලාංකික ගායන ශේස්තරය තුල පෙන්නුවා ඔබට අපගේ ප්‍රණාමය ජය වේවා! (අ)

මේ වෙද්දී කමෙන්ට් 32 තියනවා. කිසි කෙනෙක් වරදක් කියල තියනවද. ඒ අයි කියල අලුත් පරම්පරාව හිතල බැලුවොත් නරකද...රසිකයන්ගේ හදවතේ ගැඹුරුම තැන ජිවත් වෙන්න මෙවන් අසහාය පුද්ගලයන්ගේ ඉගනගැනීමේ නිහතමානි කම අලුත් කලාකරුවන්ට පහල වේවා. (අ)

නන්ද මාලනිය ශ්‍රී ලංකාවෙන් බිහිවූ ශ්‍රේෂ්ටතම ගායිකාවකි. ඒ හඬ ඒ ස්වරය ඒ ශක්තිය නුදුරේදි බිහිවේවි යැයි හිතන්නට බැහැ. සිංහලයේ යශෝරාවය නන්දා මාලිනියයි. (නි)

මම වැන්කුවර් ප්‍රසංගය බැලුවා. ඉහත සඳහන් කර ඇති සියලුම අදහස් වලට එකඟ වන අතරම මට හැඟුණ දෙයකුත් සඳහන් කරන්න කැමතියි. ඔබේ ගීත සඳහා නැටුම් යොදා ගැනීමෙන් වලකින්න. එයින් ඔබේ ගීත වල ගුණාත්මක බව, ගැඹුරු හැගීම්බර බව අඩුවෙනවා. සාරි පොඩිත්තක් වගේ සරල අර්ථයක් ඇති ගීයකට එය ප්‍රශ්නයක් නොවුනත් තුන් හෙලේ කැලෑ තුල සිංහ පැටව් වගේ ගීතයකට නම් එය කොහෙත්ම ගැලපුනේ නැහැ. ඔබත් එය තේරුම් ගත් නිසා වෙන්න ඇති නැටුම බලන්නේ නැතිව ගීතය අහන්න කියා කිවුවේ. කොහොම වුනත් සංවිධායකවරුනුත් මේ ගැන තව ටිකක් හිතන්න තිබුණා. (නි)

ඔබේ හඬ මිහිරියි. මහද බැඳී එම සොඳුරු කටහඬ හිමිව ඇත්තේ ඔබටම පමණයි. ඔබට සුබ පැතුම්! (නි)

රෝහණ වීරසින්හයනත් පිදෙන උත්තමාචරයයි මේ.(අ)

මනිටෝබ ප්‍රසංගය යෞ ටියුබ් බලන්න ලින්ක් එක http://www.youtube.com/watch?v=wPdHb8JAHdU (අ)

ගීත කොකිලාවියේ, ඔබ ලන්ඩන් වලට එනතුරු ඇගිලි ගනිමින් අපි බලා සිටිනවා. නමුත් ඔබතුමියගේ මධුර මනහර ගීතවල රසවින්දනය ලබන්න බාධාවක් වේදෝ කියලා හිතන්නේ ගීත සදහා නැටුම් යොදාගනීවිද කියලා.වික්ටර් කිවුවා වගේ ඔබේ ගීතවල ගුණාත්මක බව අඩු වෙනවා එහෙම වුනොත් නම්. 'අම්මාවරුනේ.....' ගීතයේ පසුබිම වගේ නම් කමක් නැහැ. (නි)

අපි ඒ අතින් වාසනාවන්තයි. කැල්ගරි වල නම් එක නැටුමක්වත් තිබුනේ නැහැ. නමුත් මෙම ප්‍රසංගයන් තියෙන නගර වල ඉන්න දරු දැරියන්ගේ පැත්තෙන් හිතුවොත්, නන්දා මාලනී ඉදිරිපිට පොඩි හෝ නැටුමක් ඉදිරපත් කරන්න ඒ අයට ලැබෙන එක මහත් සතුටක් වෙන්න ඇති. මට හිතුන හැටියට නම්, ප්‍රසංගය වෙලාවේ ලෝකය පෙරලුනත්, මගේ රසවින්දනයට බාදාවක් වුනේ නැහැ. ඔබ දකින, අහන අසන දේ දිහා පමණක් අවදානය යොමු කරන්න. සතියකට පස්සේ කැල්ගරි වලට ගංවතුර, ශාලාව අඩි 10 ක් වතුරෙන් යට වෙලා. ලන්ඩන් වල ප්‍රසංගය තවත් රසවත් වේවි වික්ටර් සමග එක්ව ගීත ගයන විට. සුදු මුතු මාල පළන්දා...... සුබ පැතුම්! (නි)

මගේ කැමතිම ගායිකාව (දී)

නන්ද මලානි මහත්මියනි. දැන් දැන් රටේ වෙන දේවල් බලද්දී අර සිංහල ද්‍රවිඩ මුස්ලිම් කල්‍යාන මිතුරනේ, මොනොලියානුවනේ, පිළිම නෙලා නැති විරුවන් වගේ ගීත එදාට වඩා අද ජීවමානයි. ඔබට තව ශක්තිය ලැබේවා.(නදී)

ප්‍රතිපත්ති පාවා නොදුන් ශ්‍රේෂ්ට කලාකරුවන් අතලොස්ස අතරේ ඔබ ඉහලින්ම ඉන්නවා. ඔබේ දේශප්‍ප්‍රේමය සදා විරාජමාන වෙන්නේ ඒ නිසයි. දානපති පාලකයන්ට වගේම මෝහෙන් පිරුණු නිර්දනයන්ටත්, දනය රැස් කරන පන්සලට වගේම පල්ලියටත් වර්ගවාදී ගොත්‍රවාදින්ටත් ඔබ ගැසූ පහරින් තාම රිදුම් දෙනවා.(නදී)

නන්දමාලනි මහත්මියනි.... ඔබ ගැයූ....ජේසුස් ස්වාමි දරුවනේ.... සහ පානම්පත්තුවේ ඩිංගිරි අම්මාය කියන ගීත දෙක මට කවදාවත් අමතක වෙන්නේ නැහැ.... මහාචාර්ය සුනිල් ආරියරත්න උත්තමයට කොහෙන් ඒ වචන ආවද කියල වෙලාවකට හිතෙනවා. බුදුසරණයි....ජේසු පිහිටයි.(ස)

89 දී ඔබට ඉන්දියාවට පැන යන්න උන එක මන් ලබන කාලකන්නි සතුටක්. සමාවන්න එහෙම කීවට මැතිතුමියනි. ඔබ එසේ නොගියා නම් මට කුන්කුන් පොට්ටු අහන්න වෙන්නේ නැහැ. ඔබට යාපනේ මිනිස්සු නලලට තිලක තියලා පෝස්ටර් ගැහුවා. මන් ඒ පෝස්ටර් දැක්කේ චාව කච්චේරියේදී. මේ රටේ පිරිමින්ට වඩා ඔබ තුමිගේ එඩිතරකම ඇත්ත ඇතිහටියෙන් දැකීම වගේම වර්ගවාදෙට විරුද්දව ඔබ තනිව ගී ගයමින් කල සේවය අති විශිෂ්ටයි.(නදී)

ඔබ එදා ගැයූ... බුදුනේ, ජෙසුනේ, නබිනායකතුමනි ප්‍රඥාවන්තයින් සින්හාසනාරුට කලමනවී, මගේ නම ලංකාය... වගේ ගීත.... එදාටත් වඩා අදට ගලපෙනවයි කියල මට අනන්තවත් හිතෙනවා. ඔබ ගැයූ කිසිම ගීයක් වැඩකට නැති උනේ නැහැ. හැම ගීයකින්ම මන් නම් දෙයක් ඉගන ගත්තා. ඔබ පමණක් නොවේ මාත් වාසනාවන්තයි ඔබේ ගී ඇසීමට.(නදී)

ආයුබෝවන් ඔබතුමිට..... ඔබේ මුහුණ අදත් එදා වගේම සිරියාවන්තයි. ඔබ තුමී කුංකුම්පොට්ටු කැසට් එකේ ගීතත් ගයනවද ? (ස)

ඔබතුමි මේ ගයන්නට හදන්නේ තුන් හෙලේ කැලෑ අතහැර හැර ගිය සිංහ පැටවුන්ට නේද? (නදී)

මගේ අයි පොඩ් එකේ බොන් ජෝවිගේ, ගන්ස් ඇන්ඩ් රෝසස්, මෙටලික වගේ 'හාර්ඩ් රොක්" ගීත අතරේ ඔබේ කපිරිංඥා කියන ගීතය තියනවා. මන් කියන්න තනන්නේ... ඔබව වත් ඔබේ හදවත් ඔබ සමාජගත කල අදහස් වත් ලේසියෙන් නැති වෙන්නේ නැහැ. චිරන් ජයතු.(නදී)

දෙනෝදාහක් දෙනා කියන ගීතය ඔබ ගැයුවේ දැනට අවුරුදු 20 පමණ උඩදී. මෝහයෙන් බරිත වෙලා කතිරේ ගහන අයට ගයපු ඒ ගිය අදත් වටිනවා. නමුත් මේ රටේ බිරි අලින්ට බන කීවත්, ගී ගැයුවත් වැඩක් නැහැ. ඒත් ඔබ අපේ සිත් අනන්තවත් සුවපත් කළා. තවත් කරනවා. අපි ණයයි ඒවාට.(නදී)

අදි ලිං වලින් උනන්නේ වතුර නෙවෙයි ලේ. තුන් හෙලේ කැලෑ තුල සිංහ පැටවූ, පුලුකුනාවේ හාමුදුරුවෝ, උපාසකම්ම ඉපදුන හීන කුලේ, රටකරවන්ට නම් වගේ අනන්තවත් ගීත ගැයීමට ඔබට ශක්තිය ලැබුනේ කෙසේද. කොටින්ම ඔබට කොන්දක් නොවේ කශේරුකා කිහිපයක් ඇත කියල මට වෙලාවකට සිතේ.(නදී)

සදාදරණිය නන්ද මලානි මහත්මිය... මේ අද මා කියවන සතුටුදායකම පුවතයි.ඔබව මෙහෙ පැමිණීම ගැන අප්‍රමාන සන්තෝෂයි. ගිය වතාවේ ලංකාවේදී වසර2ට කලින් ඔබව දුටුවා මාතලේ බර්නාඩ් ශාලාවේදී.89 පේරාදෙණියේදී ඇසුන ගාම්බිර හඩ අදත් එසේමයි. ඔබ මගේ ආයුෂත් අරන් ජිවත් වේවා. (ස)

රට කරනවානම් ගීතය පුද්ගලීකකරණය අවංඥාවට ලක් කළා. පිරිමින්ට යෙහෙලියන් වුවත් ප්‍රේමයට ඇරයුම් නොලබන තරුණියන්ගේ කතාව ඔසරි පොටෙන් අදන්නෙපා ගීයෙන් අගේට කියවෙනවා. නිල් ලතා කලා පුර අලංකාර දේශාභිමාණී ගීතයක්. ඔබේ ගීත වගේම සුදු ඔසරියටත් මම ආසයි. මගේ අදහස ඔබ කොන්ඩේ ගොතන්නේ නැතුව ගෙඩියක් බදිනවා නම් අර්ථවත් ගීවලට වඩාත් ගැලපෙනවා.(නදී)

රට කරවන්න නම් ගීයෙන් පුද්ගලිකකරණය අවඥාවට ලක් කළා. යෙහෙලියන් ලෙස ඇසුරු කලත් ප්‍රේම ආරාධනා නොලබන තරුණියන්ගේ කතාව ඔසරි පොටින් අදින්නෙපා ගීයෙන් අගේට නිරූපනය වුණා. නිල් ලතා තලා පුරා ගීය ලස්සන දේශාභිමාන ගීයක්. ඔබතුමියව අපි අගය කරනවා. ගීත වලට වගේම සුදු ඔසරියටත් මම ආසයි. මම හිතන්නේ ඔබතුමිය කොන්ඩේ ගොතන්නෙ නැතුව ගෙඩියක් බඳිනවා නම් ඔබතුමියට වඩාත් ගැලපෙනවා. (නි)

මේ ලොව ඇසු දුටු එකම උතුම් කටහඩ ඇති උතුම් ගායිකාව ඔබයි. කියන්න වචන නැත (නි)

මැතිනියනි, දුබි දේශයටත් යලි වරක් වදිනු මැනවි. (නදී)

මුරුගන් කියන විදිහටම ඇය ලංකාවේ පිරිමින්ටත් අබියෝග කල එකම ගැහැනියයි. ටොර්නොටෝ වල අපි ඇය එනතුරු බල සිටින්නේ ඉතාම සතුටිනි. ඇය කිසිම ගැහැනියක හා සමාන කළ නොහැකි ගනයේ ගැහැනියකි (නි)

චිරන් ජයතු !(නදී)

ඔබතුමිය මේ ලොව කොයි කොන ගී ගැයුවත් ගයන්නේ හදවතට සහ මනසට බැවිනි. එවැනි පුවතක් ඇසීමත් මංගල කාරනයක් කියලයි මට හිතෙන්නේ.(නදී)

1989 වක වනුවේ මගේ අක්කා සංගීතයට ගොඩක් ආසා කරා. ඔබ තුමියට අපේ පුද්ගලික ප්‍රස්න ගැන දැනගන නොමිලයේ මගේ අක්කට සංගීතය හදාරන්න අවස්ථව උදා කර දුන්නා. ඔබ ගැන කියන්න මට වචන නැහැ. උතුම් ගායිකාව ඔබයි චිරන් ජයතු!(නදී)

ඔබතුමි ගායිකාවක් පමණක් නොවේ. ජාතියන්තරවාදියෙක්, සමාජවාදියෙක්,ප්‍රජාතන්ත්රවාදියෙක්,මානුෂවාදියෙක් වගේම ආගම්වාදී, ජාතිවාදී, යුදවාදී,අන්තවාදී,ගෝත්‍රවාදී විරෝදියෙක්. ඒ බව ඔබ ගැයූ හැම වචනයකින්ම මොනවට සනාතවේ.(නදී)