ශ්රී ලංකා වයස 19 න් පහළ ක්රිකට් කණ්ඩායම තෝරාගැනීම සඳහා ශ්රී ලංකා ක්රිකට් ආයතනය සංවිධානය කළ අන්තර් පළාත් තරගාවලියට සහභාගි නොවූ ක්රීඩකයන් කීපදෙනකු සහභාගි කරගනිමින් කනිෂ්ඨ ක්රිකට් තේරීම් කමිටුව හිතවත්කම් මත මේ දිනවල විශේෂ තේරීම් සැසියක් පැවැත්වීමට කටයුතු කර ඇතැයි කියන සිද්ධියක් පිළිබඳව පාසල් රැසක නිලධාරීහූ විරෝධය පළ කරති.
හිතවත්කම් මත ක්රීඩකයන් තෝරාගන්නා බවට මීට පෙර ද චෝදනා එල්ල වූ කනිෂ්ඨ ක්රිකට් කණ්ඩායමක පුහුණුකරුවකුගේ මැදිහත්වීමෙන් ඔහුට සම්බන්ධ මොරටුව ප්රදේශයේ ප්රධාන පාසලක ක්රීඩකයන් සිවුදෙනකු ද මෙම පුහුණු සැසියට කැඳවා ඇති බව ද වාර්තා වේ.
අපේ්රල් මස පැවැත්වෙන ශ්රී ලංකා වයස 19 න් පහළ පිලේ බංග්ලාදේශ සංචාරය සහභාගි වන කණ්ඩායම තෝරා ගැනීමට පැවැත්වූ පළාත් තරගාවලියට සහභාගි වීම ශ්රී ලංකා ක්රිකට් ආයතනය සහ පාසල් ක්රිකට් සංගමය ක්රීඩකයන්ට අනිවාර්ය කර තිබූ බව ද පාසල් පුහුණුකරුවෝ පවසති.
ජාතික අවශ්යතාවක් යැයි සළකා ක්රීඩකයන් පළාත් තරගාවලියට යොමු කර සිටි බැවින් ඔවුන් නොමැතිව පාසල් තරග පැවැත්වූ බවත් ඇතැම් තරග කල්දැමූ බවත් පවසන පාසල් නිලධාරීන්, මෙවැනි විශේෂ පුහුණු සැසියක් පවත්වන බවට මුලින් දැනුම්දී තිබුණේ නම් එම පාසල්වල දක්ෂ ක්රීඩකයන් ද පාසල් තරගවලට සහභාගි කරවන බවද පවසයි.
‘‘අපේ දක්ෂම ක්රීඩකයන් නොමැතිව අපි තරගවලට සහභාගි වුණා. පළාත් තරගාවලිය නිසා කල්දැමූ තරග සඳහා ක්රීඩාංගණ සොයා ගැනීම විශාල ප්රශ්නයක් වෙලා තියෙනවා. මේක අපේ පාසල්වලට කළ දැඩි අසාධාරණයක්’’ යැයි කොළඹ දිස්ත්රික්කයේ ප්රධාන පාසලක නිලධාරියකු පැවසීය.
මේ පිළිබඳව ‘ලංකාදීප’ කළ විමසුමකදී කනිෂ්ඨ ක්රිකට් තේරීම් කමිටුවේ සභාපති දුමින්ද වික්රමසිංහ මහතා පැවසුවේ පළාත් තරගාවලියට සහභාගි වීම පාසල් ක්රීඩකයන්ට අනිවාර්ය කළ බව දන්වා නොතිබූ බවයි.
‘‘පළාත් තරගාවලියෙන් 35 ක සංචිතයක් තෝරාගත්තා. එම තරගාවලියට සහභාගි නොවූ ක්රීඩකයන් 15 ක් ඇතුළු ක්රීඩකයන් 45 දෙනකුට දින තුනක තේරීම් සැසියක් පවත්වනවා. සහභාගි නොවූ ක්රීඩකයන් අතර දක්ෂ ක්රීඩකයන් සිටිනවා’’ යැයි සභාපති දුමින්ද වික්රමසිංහ මහතා වැඩි දුරටත් පැවසීය.
පාසල් ක්රිකට් සංගමයේ ලේකම් ඩිල්ෂාන් ද සිල්වා මහතා පැවසුවේ පළාත් තරගාවලියට සහභාගි වන ලෙස සියලූම ක්රීඩකයන්ගේ පාසල් නිලධාරීන් දැනුවත් කළ බවයි.
‘‘පළාත් තරගාවලියට අනිවාර්යෙන් සහභාගිවිය යුතු බව දැනුම්දී එම තරග පැවැත්වූ දින වෙනුවෙන් පෙබරවාරි 28 වැනිදා අවසන් වීමට නියමිතව තිබූ වයස 19 න් පහළ පාසල් තරගාවලිය මාර්තු 5 වැනිදා දක්වා දීර්ඝ කිරීමටත් පියවර ගත්තා’’ යැයි ද පාසල් ක්රිකට් ලේකම්වරයා වැඩි දුරටත් පැවසීය.
බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් වැසි වාර කිපයක් ඇති වන බව කාලගුණ විද්යා දෙපාර්තමේන්තුව කියයි.
නව ජනාධිපතිවරයා ලෙස පත්වීමෙන් පසුව සාම්ප්රදායානුකුලව ආරක්ෂක ප්රධානීහු සේනාධිනායක ජනාධිපති අනුර කුමාර දිසානායක මහතා ජනාධිපති කාර්යාලයේ දී හමු වූ
රජයේ සංස්ථා මණ්ඩල අධිකාරි යනාදී ව්යවස්ථාපිත ආයතනවල සභාපතිවරුන් සහ අධ්යක්ෂවරුන්ට එම තනතුරුවලින් ඉවත් වන ලෙස රජය දැනුම්දී ඇතැයි වාර්තාවේ.
මාදිවෙල මන්ත්රී නිල නිවාස වලින් ඉවත්වන ලෙස එහි පදිංචිව සිටින මන්ත්රීවරුන් 108 දෙනාට ලිඛිතව දැනුම් දී ඇත.
ලේකම්වරුන්ගේ ගැටලු ඇති දේශපාලන පක්ෂ පහකට මෙවර මහ මැතිවරණයට තරග කිරීම සඳහා අවසර නොදීමට මැතිවරණ කොමිෂන් සභාව තීරණය කර ඇත.
හිටපු 6 වන විධායක ජනාධිපති මෛත්රීපාල සිරිසේ මහතාගේ නිල ස්වයං ස්මරණීය චරිතාපදානය ’සිහිනය නොනිමිය’ නමින් එළිදැක්වීම අද (04)ගෝල් ෆේස් හොටෙල්හිදී සිදුකෙර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කනිෂ්ඨ ක්රිකට් තේරීම් කමිටුවෙන් ක්රීඩකයන් තෝරන්න අලූත් ක්රමයක්