මහ මැතිවරණ නාමයෝජනා දීම සම්බන්ධයෙන් මහින්ද රාජපක්ෂ රජයේ අට දෙනකුට නාමයෝජනා දීම ප්‍රශ්නයක් වී ඇතැයි ජනපති කාර්යාල ආරංචි කියයි.

මේ සම්බන්ධයෙන් ජනපති මෛත්‍රීපාල සිරිසේන මහතා අඟහරුවාදා  ප්‍රකාශයක් කිරීමට නියමිතය.

රනිල් වික්‍රමසිංහ අගමැති ද නාමයෝජනා ගැන අඟහරුවාදා (07) ප්‍රකාශයක් කරනු ඇතැයි අපේක්ෂා කෙරෙයි.

මේ අතර මහින්ද රාජපක්ෂ මහතාට නාමයෝජනා දීම සම්බන්ධයෙන් හිටපු ජනපතිනි චන්ද්‍රිකා කුමාරතුංග මහත්මිය ජනපතිට දොස් කියා ඇතැයි ද දැනගන්නට ඇත.

මහින්ද රාජපක්ෂ මහතාට නාමයෝජනා නොදිය යුතුය යන ස්ථාවරයේ දැඩි ලෙසම කුමාරතුංග මහත්මිය සිටියාය.

මැතිවරණ කොමසාරිස්ට නාමයෝජනා බාර දීමේ අවසන් දිනට ලබන සඳුදා (06) ය. එහෙත් දේශපාලන පක්ෂ මේ සතිය අවසන් වීමට පෙර සියල්ල සකසා සිය නීතිවේදීන් මගින් අඩුපාඩු ද හදා නාමයෝජනා කටයුතු අවසන් කිරීමට නියමිතය.

මේ අතර නාමයෝජනා දීම සම්බන්ධයෙන් මහින්ද රාජපක්ෂ හිටපු ජනපතිට එරෙහි බලවේග ගැන වාර්තාවක් ජනපතිට ඉදිරිපත් කිරීමට කුමාරතුංග මහත්මියට දන්වා ඇතැයි ද දැනගන්නට තිබේ.

නාමයෝජනා පිළිබඳ කැපිලි කෙටිලි හා එකතු කිරීම් මැද්දේ මහින්ද රාජපක්ෂ පිළත් මෛත්‍රී පිලත් වෙන වෙනම නාමයෝජනා ද සකසා ඇතැයි කියති.

ඇතිවන ඕනෑම තත්ත්වයකට මුහුණ දීම එම විකල්ප වැඩපිළේ අරමුණ බව ද දැනගන්නට තිබේ.

චන්ද්‍රිකා බණ්ඩාරනායක සමයේ පොදු පෙරමුණේ පුටුව ලකුණ ද, මහජන එක්සත් පෙරමුණේ කරත්ත රෝදය ද දෙපාර්ශ්වීය විකල්ප ලැයිස්තුවල ඇතැයි ද දේශපාලන ආරංචි කියයි.