ශ්‍රී ලාංකික සම්භවයක් සහිත ඔස්ට්‍රේලියා ජාතිකයකුගේ මෙල්බර්න් ගෙවල් දෙකක් ඔස්ට්‍රේලියා ත්‍රස්ත විමර්ශණ ඒකකය විසින් වටලා ඇතැයි එරට "ද ඉන්ටර්නැෂනල් බිස්නස් ටයිම්ස් " පුවත්පත අද (29) වාර්තා කරයි. මොහොමඩ් උනේස් මොහොමන් අමීන් (41) ඔහුගේ නම බවද එම පත්‍රය කියයි.

එහ තැනැත්තා සිරියාවේ අයි. එස් කැරලිකරුවන් සමග සම්බන්ධයක් ඇති බවට වන සැකයක් නිසා මේ නිවාස වැටලීම කර ඇත.

අයි එස් සංවිධානයට සහය පළ කරමින් එළිදක්වා ඇති වීඩියෝ පටයක මෙම පුද්ගලයා පෙනී සිට ඇති බවයි ඔස්ට්‍රේලියා ආරක්ෂක අංශ පවසයි. වැටලීමෙන් සොයාගත් කරුණු පිළිබඳ  බලධාරීන් මෙතෙක් තොරතුරු හෙළි කර නැත.

සිරියාවේ ක්‍රියාත්මක සෞඛ්‍ය සංවිධානවලට සහය ලබාදෙන ලෙසට  සියලු පාර්ශවවලින් ඉල්ලා සිටින බව අයි එස් සංවිධානය ප්‍රසිද්ධියට පත් කරනු ලැබු වීඩියෝ පටයක පෙනී සිටින ලාංකික සම්භවයක් සහිත ඔස්ට්‍රේලියා ජාතිකයා අවධාරණය කර තිබේ.

එමෙන්ම තමා අයි එස් සංවිධානය සමග එක්ව ප්‍රතිකාර කටයුතු සිදුකරන අතර සතියකට රෝගීන් 500 කට වැඩි ප්‍රමාණයකට ප්‍රතිකාර කරන බවයි ඔහු කියා ඇත්තේ.

ඔස්ට්‍රේලියා ආරක්ෂක අංශ විමර්ශණයට ලක්කළ නිවෙස් දෙකෙහි හිමිකරු වන ලාංකිකයාට අයත් නිවෙස්වල පදිංචිකරුවන් පිළිබඳව ද මෙතෙක් තොරතුරු හෙළිකර නැහැ.