ගොවි ආයතනයට ඇමැති රැකවලුන්ගෙන් කෝටියක පොල්ලක්

(සුජිත් හේවාජුලිගේ )

හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනයේ නේවාසිකාගාරය එවකට අමාත්‍යවරයාගේ ආරක්ෂක නිලධාරීන් සඳහා කුලියටදී රුපියල් කෝටියකට ආසන්න හිඟ කුලී මුදලක් අයකරගෙන නැතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

මෙම මුදල අයකරගෙන නැතැයි පැවසෙන්නේ 2015 මැයි මාසයේ සිට 2018 ජුලි මාසය දක්වා කාලය වෙනුවෙනි.

එසේම එම හිඟ මුදල සම්බන්ධයෙන් මෙතෙක් කිසිදු නීතිමය පියවරක් ගෙන නැතැයිද වාර්තාවේ දැක්වේ.

මේ සම්බන්ධයෙන් විගණනයට කරුණු දක්වන එම ආයතනයේ ප්‍රධානීන් පෙන්වා දෙන්නේ එවකට සිටි කෘෂිකර්ම අමාත්‍යවරයාගේ වාචික නියෝගය අනුව ඔහුගේ ආරක්ෂක නිලධාරීන් සඳහා එම නේවාසිකාගාරය පාවිච්චි කිරීමට අවසර දුන් බවයි.

කෙසේ වෙතත් ඒ සඳහා බිල්පත් නිකුත් කර නොතිබූ බවත් නේවාසිකාගාරය කුලියට ගත් නිලධාරීන් පවා සොයාගැනීමට නොහැකිවී ඇති බවත් ඔවුහු පෙන්වා දෙති.

ඒ වෙනුවෙන් මුදල් අය කර ගත යුතු වගකීම නිලධාරීන්ද සොයා ගැනීමට නොහැකිව ඇති බව එම ප්‍රධානීහු වැඩිදුරටත් සඳහන් කරති.

මේ තොරතුරු සඳහන් වන්නේ හෙක්ටර් කොබ්බෑකඩුව ගොවි කටයුතු පර්යේෂණ සහ පුහුණු ආයතනයේ 2022 වාර්ෂික වාර්තාවට ඇතුළත් කරනු ලැබ ඇති විගණන වාර්තාවේය.

අදහස් (5)

ගොවි ආයතනයට ඇමැති රැකවලුන්ගෙන් කෝටියක පොල්ලක්

Jeppa Saturday, 08 June 2024 12:35 PM

ඉතින් දුමින්ද දිසානායකගෙන් අහපන්කෝ...

: 0 12

Nimal Saturday, 08 June 2024 01:07 PM

ඔය කරලා තියෙන්නේ

: 0 3

පිටරටවැසියා Saturday, 08 June 2024 01:53 PM

ඔය හිටපු ඇමතිම නේද ඒ කාලේම අමාත්‍යංශයට රාජගිරියෙන් හිස් බිල්ඩිමක් අරගෙන කෝටිගණනාවක් නිළියකට ගෙව්වේ. පස්සේ කිසිම හිරිකිතයක් නැතිව එවකට හිටපු යහපාලන අකමැතිගේ එකවුන්ට් එකට බැරකරලා අතහෝදා ගත්තේ... දැන් වැඩ බලන මහලේකම්කමකුත් දරාගෙන නැවතත් වත්මන් ජනපතිට ජැක් එක ගහන්න සැරසෙන්නේ... මොවුන් ඔක්කෝම මෙලොවදීත් විඳවලාම තමයි අපාගත වෙන්නේ...!!!

: 0 9

Kamal Koyrala Saturday, 08 June 2024 03:33 PM

එවකට සිටි කෘෂිකර්ම අමාත්‍යවරයාගේ වාචික නියෝගය 2015 මැයි මාසයේ සිට 2018 තෙක් කුවිතාන්සියක්වත් නැතුව හෝ එම නියෝගය ලිඛිත අවසරයක් හෝ නොගත් දේශපාලන හෙන්චයියන් තනතුරුවලට පත් වුණාම රජයේ ආයතන වලට වන දේ පාලනය නොදත් එකී කාලය තුළ සහ මෙතෙක් සියලුම නිලධාරින්ගෙන් අය කළ යුතුයි..

: 0 9

Hafeel Saturday, 08 June 2024 03:57 PM

අන්න මෙම කාලයතුළ තමයි සිරිසේන කිව්වා වගේ රට ගොඩ ගිය කාලය කියලා. දැන් සිරිසේනට තේරනවා ඇති කොහොමද ඔහුගේ කාලය තුළ රට ගොඩ ගියාද කියලා...!

: 0 14

ඔබේ අදහස් එවන්න

එසැණ පුවත්

මල්වතුඔයෙන් ටී 56 පතුරම් 120ක් සොයා ගනියි

2024 සැප්තැම්බර් මස 28 173 0

ඇලයාපත්තුව පොලිස් වසමේ අංක 304,ගල්කඩවල,මල්වතු ඔය,ඇනිකට් එක යට තිබු ටී 56 වර්ගයේ ජීව පතුරම් 120 ක් සහිත මැගසින් හතරක් ඇලයාපත්තුව පොලිසිය විසින් අද(28) සිය බාරයට

ජනපති කොළඹ පොත් ප්‍රදර්ශනයට යයි

2024 සැප්තැම්බර් මස 28 1040 3

කොළඹ බණ්ඩාරනායක ජාත්‍යන්තර සම්මන්ත්‍රණ ශාලා පරිශ්‍රයේ 25 වන වරටත් පැවැත්වෙන ’’කොළඹ ජාත්‍යන්තර පොත් ප්‍රදර්ශනය’’ සඳහා ජනාධිපති අනුර කුමාර දිසානායක

පැන්ෂන් ජනපතිලා නඩත්තුවට වසර 3ට කෝටි 27ක් පුදලා

2024 සැප්තැම්බර් මස 28 3716 8

චන්ද්‍රිකා බණ්ඩාරනායක කුමාරතුංග, මහින්ද රාජපක්ෂ, ගෝඨාභය රාජපක්ෂ, මෛත්‍රිපාල සිරිසේන යන හිටපු ජනාධිපතිවරුන් සිවුදෙනා සහ ජනාධිපති රණසිංහ ප්‍රේමදාස ම

ඇමතිවරුන් තිදෙනාට අයිති ආයතන මෙන්න

2024 සැප්තැම්බර් මස 28 2880 2

අමාත්‍යවරුන්ට පැවරෙන ආයතන විෂයන් සහ කාර්යයන් ඇතුළත් ගැසට් නිවේදනය අද නිකුත් කරනු ලැබීය.

හිඟ ආදායම් බදු ගෙවන්න සඳුදා තෙක් කල් දෙයි

2024 සැප්තැම්බර් මස 28 3360 3

2023/ 2024 තක්සේරු වර්ෂය සඳහා ආදායම් බදු ගෙවිය යුතු සෑම තැනැත්තෙක්ම එම තක්සේරු වර්ෂය සඳහා ගෙවිය යුතු සියලුම ආදායම් බදු සැප්තැම්බර් 30 දිනට හෝ එදිනට පෙර ගෙවා අ

හමුදා නිලධාරියාගේ රියේ ගැටුනු අයෙක් මරුට

2024 සැප්තැම්බර් මස 28 1474 1

කොළඹ - මහනුවර මාර්ගයේ යක්කල නගරය ආසන්නයේදී සිදුව ඇති රිය අනතුරකින් යතුරු පැදියක ගමන් ගත් පුද්ගලයෙකු ජීවිතක්ෂයට පත්ව ඇති බව යක්කල පොලීසිය සඳහන් කරයි.