ශ්රී ලංකා ගුවන් හමුදාව විසින් අඛණ්ඩව 14 වැනි වරටත් පවත්වනු ලබන ‘ගුවන් හමුදා පාපැදි සවාරිය’ මෙවර මාර්තු මස 1, 2 සහ 3 යන දින වලදී පැවැත්වීමට නියමිතය.
ගුවන් හමුදාවේ 62 වැනි සංවත්සරය සමරමින් පවත්වනු ලබන මෙම තරගාවලිය මෙවර අදියර 3 කින් පැවැත්වීමට සැලසුම් කර ඇති අතර ඒ සඳහා ප්රමුඛ පෙලේ පාපැදි කරුවෝ 100 කට අධික සංඛ්යාවන් සහභාගී වීමට නියමිතය.
මෙම පාපැදි තරගාවලිය පිරිමි සහ කාන්තා ලෙස කාණ්ඩ දෙකකින් පැවැත්වෙන අතර පිරිමි තරගය කොළඹ ගුවන් හමුදා මූලස්ථානය ඉදිරිපිටින් ආරම්භවී පළමු දින තුළ දඹුල්ල දක්වාත් (කි. මි. 148), දෙවැනි දිනය තුළ දඹුල්ලේ සිට පුත්තලම දක්වාත් (කි. මි. 143) ගමන් කිරීමට නියමිත අතර තුන්වැනි දින පුත්තලමේ සිට නැවත කොළඹ ගුවන් හමුදා මූලස්ථානය දක්වා පැමිණීමෙන් පසු (කි. මි. 129) අවසන් වේ. සම්පූර්ණ තරගයේදී පාපැදි කරුවන්ට කි. මි. 420 ක දුරක් ධාවනයේ යෙදීමට සිදුවේ.
කාන්තා තරගය මාර්තු මස 3 වැනිදා කටුකුරුන්දෙන් ආරම්භවී කොළඹ ගුවන් හමුදා මූලස්ථානය දක්වා පැමිණීමෙන් පසුව අවසන්වේ. එහි දුර ප්රමාණය කි. මි. 56 වන අතර මේ සඳහා පාපැදි තරග කාරියන් 30 කට ආසන්න ප්රමාණයක් සහභාගී වීමට නියමිතය.
පිරිමි තරගයේ ප්රථම ස්ථානය දිනා ගන්නා කී්රඩකයාට රුපියල් ලක්ෂ 3 ක මුදලක්ද, දෙවැනි සහ තෙවැනි ස්ථාන වලට පිළිවෙළින් රුපියල් ලක්ෂ 2 ක් සහ ලක්ෂයක්ද වශයෙන් ත්යාග පිරිනැමේ. පළමු ස්ථාන 25 සඳහා වටිනා මුදල් ත්යාග පිරිනැමීමටද සංවිධායක කමිටුව සූදානමින් සිටී.
පිරිමි කණ්ඩායම් තරගයේ ජයග්රාහකයින් වෙනුවෙන් රුපියල් එක් ලක්ෂ පනස් දහසක් (150,000) සහ අනුශූරයින් වෙනුවෙන් රුපියල් හැත්තෑ පන්දහසක් (75,000) පිරිනැමීමටද කටයුතු සංවිධානය කර තිබේ.
කාන්තා තරගයේ ප්රථම ස්ථානය දිනා ගන්නා කී්රඩිකාවට මුදලින් රුපියල් පනස් දහසක් (50,000 පිරිනැමෙන අතර දෙවැනි ස්ථානයේ සිට 5 වැනි ස්ථාන දක්වාද වටිනා මුදල් ත්යාග පිරිනැමීමට නියමිතය. ඊට අමතරව කාන්තා කණ්ඩායම් තරගයේ ජයග්රාහකයින් වෙනුවෙන් රුපියල් පනස් දහසක මුදලක් (50,000) පිරිනැමීමටද සංවිධායක කමිටුව සැළසුම් කර තිබේ.
අබාන්ස් ආයතනයේ අනුග්රහයෙන් පැවැත්වෙන මෙම තරගාවලිය සඳහා මෙවර ප්රථම වතාවට උතුරු නැගෙනහිර ප්රදේශ වලින්ද පාපැදි කරුවන් සහභාගීවන බව වාර්තාවේ.
ඉන්දීය විදේශ කටයුතු පිළිබඳ අමාත්ය ආචාර්ය සුබ්රමනියම් ජයශංකර් මහතා එක් දින ශ්රී ලංකා නිල සංචාරයක් සදහා (04 ) උදෑසන කටුනායක ගුවන් තොටුපොළ වෙත පැමිණියේ
විදේශීය රටක නිෂ්පාදිත ජීව අත්බෝම්බයක් අත් බෑගයේ දමාගෙන සිය සැමියා සමඟ තීරෝද රථයේ යමින් සිටි කාන්තාවක් අත්අඩංගුවට ගෙන සිදුකළ ප්රශ්න කිරීමේදී රහස් ප
එක්සත් ජාතීන්ගේ සංවර්ධන වැඩසටහනේ (UNDP) නිත්ය නේවාසික නියෝජිත අසූසා කුබෝටා (Azusa Kubota) මහත්මිය ජනාධිපති කාර්යාලයේ දී ජනාධිපති ලේකම් ආචාර්ය නන්දික සනත් කුමා
වාද්දුව පොහද්දරමුල්ල වෙරලේ පිරිමි නිරුවත් මළසිරුරක් පාවෙමින් තිබෙන බව වාද්දුව පොලිසිය පවසයි .
ඉරානය පසුගියදා ඊශ්රායලයට එල්ල කළ බැලස්ටික් මිසයිල ප්රහාරයට පිළිතුරු ලෙස ඉරාන තෙල් පිරිපහදුවලට පහර දීම පිළිබඳව සාකච්ඡා කළ බවත් කෙසේ වෙතත් එම ප්රහා
ප්රබල සූර්ය ගිනිදැල්ලක් හේතුවෙන් අප්රිකාවේත් යුරෝපයේත් සන්නිවේදන කටයුතුවලට බාධා එල්ල විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගුවන් හමුදා පාපැදි සවාරිය 1 - 2 - 3
ගාමිණි Thursday, 21 February 2013 12:48 PM
නියමයි ඒක මහා සවාරියක් (දී)
තුෂාර Thursday, 21 February 2013 02:30 PM
ගුවන් සවාරිය (දී)
ජානුක Monday, 25 February 2013 11:33 AM
මේක තමයි ලංකාවේ තියෙන අංක එකේ පාපැදි සවාරිය. ඒත් ඇයි මේක කදු සහිත මාර්ගයක තියන්නේ නැත්තේ? (නි)
ජනුක Monday, 25 February 2013 11:34 AM
ලංකාවේ නවක දක්ෂයින් තෝරන විශිෂ්ට පාපැදි සවාරිය මෙයයි. (නි)