මැද පෙරදිග රටවල රැකියා සඳහා විදේශගතව එරට හාම්පුතුන්ගේ සහ රැකියා නියෝජිත ආයතනවල හිරිහැර සහ වද හිංසාවලට ලක් වූ තවත් ශ්‍රී ලාංකිකයෝ  81  දෙනෙකු   අද  හිස් අතින්ම යලි දිවයිනට පැමිණියහ.

කටාර් රජයෙන්  පිරිමි පුදගලයෝ 32 ක්, සෞදි අරාබියෙන් 21 ක් සහ කුවෙට් රජයෙන් 28 දෙනෙක් මෙලෙස ආපසු පැමිණ සිටින අය අතර සිටිති.

මින් බහුතරයක්  එරට  රැකියා නියෝජිත ආයතන හා හාම්පුතුන්  විසින්  අදාල රැකියා ගිවිසුම් කඩ කිරීම සහ  වැටුප් නොගෙවීම මත ආපසු  පැමිණි අයවලුන් වෙති.

මේ අතර සිටි තවත් පිරිසක්  තමන් සේවය කළ නිවෙස් වල හාම්පුතුන්ගෙන් වූ කරදර සහ තාඩන පීඩා හේතුවෙන් අසරණ වී නිවෙස් වලින් පැනගොස් ගොස් රැකවරණ පැතූ අයයි.

එරට හාම්පුතුන් විසින් විවධ තාඩන පීඩන වලට  පත් කළ බව කියන කාන්තාවෝද, හදිසි අනතුරු වලට ලක් වූවෝද, විවිධ රෝගාබාද වලට ගොදුරු වුවෝද,  එරට  රැදී  සිටීමට වලංගු ලියකියවිලි නොමැති වීම මත පොලිස් අත්අඩංගුවට පත්ව එරට සිරමැදිරි වල කල් ගෙවූවෝද මේ අතර වූහ.