ඡන්දෙට ගමට ආ අයව බස් කාක්කෝ වවාගෙන කති

(රංජිත් රාජපක්ෂ)

ජනාධිපතිවරණයට ජන්දය ප්‍රකාශ කිරිම සදහා කොළඹ ඇතුළු දිවයිනේ විවිධ ප්‍රදේශවල සිට හැටන් ඇතුළු වතු ආශ්‍රිත ප්‍රදේශයට පැමිණි පිරිසට ආපසු රැකියා ස්ථාන සදහා යාමට ලංගම සහ පෞද්ගලික බස් රථ ප්‍රමාණවත් නොවිම හමුවේ ඇතැම් පෞද්ගලික බස් රථ හිමියන් අධික මුදලක් අය කර එම මගින් කොළඹ දක්වා ප්‍රවාහනය කරන බව මගින් චෝදනා කර කරති.

එසේ පැමිණි වතුකරයේ පිරිස් හැටන් බස් නැවතුම්පොලේ කොළඹ ඇතුළු දිවයිනේ විවිධ ප්‍රදේශවල රැකියා ස්ථාන වෙත යාමට දිගු පොලිම් වල පැය ගණනාවක් රැදි සිටි අතර, හැටන් සිට කොළඹ දක්වා දිනපතා ධාවනය කරන ඇතැම් පෞද්ගලික බස් රථවලින් රුපියල් 450 ක නියමිත ප්‍රවේශපත්‍ර ගාස්තු වෙනුවට රු 1500-2000 වැනි මුදලකට මගින්ව කොළඹ දක්වා ප්‍රවාහනය කරනු ලැබුහ.

රැකියා කළ ස්ථාන වෙත අනිවාර්යෙන්ම (24) දින වාර්තා කළ යුතු නිසා අධික මුදලක් හෝ ගෙවා තමන් රැකියා ස්ථාන කරා යන බව එම පිරිස කියා සිටියේය.

හැටන් සිට කොළඹ දක්වා ධාවනය කිරිමට හැටන් ලංගම ඩිපෝව මගින් බස් රථ ගණනාවක් ධාවනයට එක් කර තිබුණද කොළඹ දක්වා ගමන් කිරිමට විශාල මගින් පිරිසක් එකවර පැමිණිම හේතුවෙන් එක් කර ඇති බස් රථ ප්‍රමාණවත් නොවන බවද ලංගම ඩිපෝවේ නිලධාරියෙකු කියා සිටියේය.

හැටන් පෞද්ගලික බස් නැවතුම්පොලේ සිට කෙටි දුර ධාවනය කරන බස් රථ කිහිපයක් සහ පිට පළාත් වලින් හැටන් දක්වා පැමිණි පෞද්ගලික බස් රථ කිහිපයක් මාර්ග ගමන් බලපත්‍රයක් නොමැතිව මගින් ප්‍රවාහනය කිරිමට සුදානම් වි සිටියදි හැටන් පොලිසියේ රථ වාහන අංශයේ නිලධාරින්ට ලද තොරතුරක් මත එම බස් රථ රියදුරන්ට එරෙහිව හැටන් මහෙස්ත්‍රාත් අධිකරණ හමුවේ නෛතික පියවර ගත් බව පොලීසිය කියයි.

අදහස් (9)

ඡන්දෙට ගමට ආ අයව බස් කාක්කෝ වවාගෙන කති

රම්බොඩ Tuesday, 24 September 2024 12:48 PM

අවස්ථාව අනුව තව අමතර බස්රථ අවශ්‍ය වෙලාවක බාර් බලපත්‍ර හොයලා ඒවා නතර කරලා. මෙවැනි ක්‍රියා නීත්‍යානුකූල ඇති නමුත් ප්‍රායෝගිකව අවාසියි.

: 0 7

ජයනාත් Tuesday, 24 September 2024 12:51 PM

මේවට බස් ගැමුණු වග කියන්න ඕනැ . හෙන ගහනවා මේ වගේ අසාධාරණ ලෙස වැඩ කරන බස් අයිති අයට

: 0 31

අඥ්ඥකොරොස්Tuesday, 24 September 2024 03:57 PM

@රම්බොඩ, ඔයා කියල තියෙන දේ ඔයාට තේරෙනවද?

: 3 7

ජිල්බු Tuesday, 24 September 2024 01:00 PM

තැපැල් ඡන්ද හිමිවිය යුත්තේ ඡන්ද වැඩ වලට යන අයට විතරක් නෙවේ කියලා පේන එක අවස්ථාවක්. නීත්‍යානුකූලව ඉල්ලුම් කරනවානම් අවශ්‍ය ඕනෑම කෙනෙකුට තැපැල් ඡන්දය භාවිතා කිරීමට, නව නීති ගෙනල්ල ඉඩ හදලා දෙන්න ඕනැ. ඒ වගේම විදේශවල ජීවත්වන ලාංකිකයන්ටත්, තානාපති කාර්යාලයට ඇවිල්ලා ඡන්දය දාන්න අවස්ථාව දෙන්න වැඩ පිළිවෙළක් තියෙනවා නම් හොඳයි.

: 0 35

ගමේ එකාලා Tuesday, 24 September 2024 01:16 PM

වවාගෙන කන දූෂිත බස්කාරයන්ට විරුද්ධව නීතීයෙන් කටයුතු කළ යුතුමයි .සමහරු ටිකට් දෙන්නෙත් නැහැ.මාටියා ගහනවා.

: 0 8

Chandra KarunarathnaWednesday, 25 September 2024 07:59 AM

ඒ විතරක්ද නැහැ සෑම නගරයකම බස්වලින් කප්පම් ගන්න එයම ජීවිකාව කරගත් කාළකණ්නියෝ ටිකක් ඉන්නවා. ඔවුන්ව ජීවිතාන්තය දක්වාම හිරගෙදරට යැවීම හෝ ඔවුන් කප්පම් ගන්නා ප්‍රදේශයේ නගර පිරිසිදු කිරීම සදහා යෙදීමට කරන්න පුළුවන් නම් හොදයි.

: 0 0

saman Tuesday, 24 September 2024 01:29 PM

අනුර සහෝදරයා මේ ඔබගේ අවදානය පිනිසයි

: 0 15

karolis Tuesday, 24 September 2024 01:32 PM

ජනසමාජය නම් කිසි කලෙක තම දුර්ගුණ මකා නොගනු ඇත. ක්‍රමය වෙනස් කරන්න දේශපාලන පක්ෂ මාරු කිරීම හිසරදයට කොට්ටය මාරු කිරීමකි.

: 1 8

Prabha Tuesday, 24 September 2024 01:42 PM

කෝ මේ මිනිස්සු ගෙන්න ගන්න විදයක් බලන්න

: 0 6

ඔබේ අදහස් එවන්න

එසැණ පුවත්

ඩීසල් නැව් හතරක් ගන්න කොන්ත්‍රාත්තුව සිංගප්පූරුවට

2024 නොවැම්බර් මස 26 104 0

ඩීසල් (0.05% M.S.) නැව් තොග 4ක් මිල දී ගැනීම සඳහා වන කොන්ත්‍රාත්තුව පිරිනැමීමට කැබිනට් අනුමැතිය ලැබී ඇත.

අයවැය එන දවස ටක්කෙටම කියයි

2024 නොවැම්බර් මස 26 289 0

2025 වර්ෂය සඳහා වන අයවැය සකස් කිරීම සඳහා කැබිනට් අනුමැතිය ලැබී ඇත.

චීනයට එන්නැයි ජනපතිට ආරාධනයක්

2024 නොවැම්බර් මස 26 175 0

චීනයේ නිල සංචාරයකට සහභාගී වන ලෙස ජනාධිපති අනුර දිසානායක මහතාට ආරාධනයක් ලැබී ඇතැයි කැබිනට් මාධ්‍ය ප්‍රකාශක වෛද්‍ය නලින්ද ජයතිස්ස මහතා පැවසීය.

මහ බැංකු වංචාවට අර්ජුන් මහේන්ද්‍රන්ට නොතීසි

2024 නොවැම්බර් මස 26 583 0

2015 වසරේ ශ්‍රී ලංකා මහා බැංකු භාණ්ඩාගාර බැඳුම්කර නිකුත් කිරීමෙන් දූෂණය නම් වරද සිදු කර ඇතැයි කියන හිටපු මහ බැංකු අධිපති අර්ජුන මහේන්ද්‍රන් මහතාට පෙබරව

අර්චුනා රාමනාදන්ට වරෙන්තු

2024 නොවැම්බර් මස 26 1683 0

පාර්ලිමේන්තු මන්ත්‍රී වෛද්‍ය අර්චුනා රාමනාදන්ට යාපනය ජ්‍යේෂ්ඨ පොලිස් අධිකාරී හරහා වරෙන්තු නිකුත් කිරීමට කොළඹ අතිරේක මහෙස්ත්‍රාත් මංජුල රත්නායක මහ

E 8 ගැන සීඅයිඩියට පැමිණිල්ලක්

2024 නොවැම්බර් මස 26 512 0

E8 වීසා ක්‍රමවේදය සම්බන්ධව අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කර ඇති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවසීය.