විශිෂ්ට හොලිවුඩ් නළු ජොනී ඩෙප් සහ මේ වසරේ පෙබරවාරියේ විවාහ වූ ජනප්‍රිය නිළි ඇම්බර් හර්ඩ්ගේ නව විවාහ ජීවිතය මේ වෙද්දි අපූරු රස කතා මවනවා. මේ වනවිට පුවත් මවන නළුවෙකු වී ඇති ඩෙප්, පසුගිය සතියේ තමන්ගෙ බිරිඳ ගැන කිව්වෙ තමන් සහ බිරිඳ නොයෙක් මට්ටම්වලින් සමානයි කියලයි. අනික ඇය නිල් පාටට උනන්දු කෙනෙක්ලු. අනික තමන් ගීතයක් ගායනා කළත්, ඇය තමන්ගෙ තත්ත්වය අවබෝධ කර ගන්නවලු. තමන් සිටින වාතාවරණය හඳුනගන්නවලු. අනික ඇය තමන් වගේම හොඳ පාඨකයෙක්ලු. ඒ වගේම ගොඩක් කරුණාවන්තලු. ඒ අතින් තමන් දැන් හුඟක් වාසනාවන්ත පුද්ගලයෙක් කියලයි ජොනි ඩෙප් කියන්නේ. ඒ වගේම ඔහුගෙන් ඇගේ අලුත්ම චිත්‍රපටය වූ “The Danish Girl” නිර්මාණය ගැන ඇහුවමත් ජොනී ඩෙප් කිව්වේ තමන් ඇය ගැන ආඩම්බර වෙනවා කියලයි. මොකද මෙහි පසුතලය දිවෙන්නේ 1920 දශකයේ කතා පුවතක් පසුබිම් කරගෙනයි. ඇයට මෙම චිත්‍රපටයේ ලැබී ඇති චරිතය ගැන තමන් හුඟක් සතුටුවෙනවා කියලත් ඔහු කියනවා.