2024 නොවැම්බර් මස 28 වන බ්‍රහස්පතින්දා
2024 නොවැම්බර් මස 28 වන බ්‍රහස්පතින්දා
(තිළිණි ද සිල්වා)
කොරෝනා වසංගත තත්ත්වය හේතුවෙන් රැකියා අහිමිවී ජෝර්දානයේ අල්කාරා කැමල්වෙගා කර්මාන්ත පුරයේ සිරවී සිටි ශ්‍රී ලාංකික ශ්‍රමිකයින් පිරිසක් සහ ඔවුන් ගැන සොයා බැලීමට ගිය ශ්‍රී ලංකා තානාපති කාර්යාලයේ නිලධාරීන් අතර ඇතිවූ කලබලකාරී තත්ත්වය පාලනය කිරීමට ජොර්දාන් පොලිසිය අද (27) එම පිරිසවෙත කඳුළු ගෑස් ප්‍රහාරයක් එල්ල කර ඇතැයි ජොර්දානයේ ශ්‍රී ලංකා තානාපති කාර්යාලය ආරංචි මාර්ග සඳහන් කර සිටී.
ශ්‍රී ලංකා තානාපති කාර්යාලයේ නිලධාරීන් පිරිසක් ඔවුන් සමඟ සාකච්ඡා කිරීමට එම කර්මාන්ත පුරයට ගිය අවස්ථාවේ ගැටලුවට නිශ්චිත විසඳුමක් නැතැයි කියමින් ශ්‍රී ලාංකික ශ්‍රමිකයින් 340 කට ආසන්න පිරිසක් එම නිලධාරීන්ව වටකර ගෙන විරෝධය පළ කර ඇති බව ජොර්දානයේ ශ්‍රී ලංකා තානාපති කාර්යාලය ආරංචි මාර්ග කියයි.
එම ස්ථානයට පැමිණි එක් තානාපති නිලධාරියෙකු නිවාස අඩස්සියට පත්කර ගැනීමෙන් පසු ඇතිවූ නොසන්සුන් කාරී තත්ත්වය පාලනය කිරීමට එරට පොලිසිය පැමිණ මෙම කදුළු ගෑස් ප්‍රහාරය එල්ල කර ඇතැයි ද එම ආරංචි මාර්ග වැඩිදුරටත් කියා සිටී.
ඉන් කිසිඳු නිලධාරියෙකුට හෝ ලාංකික ශ්‍රමිකයෙකුට හානියක් සිදුවී නැතැයිද තානාපති ආරංචි මාර්ග කියයි.
මාස පහකට ආසන්න කාලයක් තිස්සේ මෙම ලාංකික ශ්‍රමිකයින් පිරිස රැකියා අහිමිව සිය නේවාසිකාගාර තුළ සිරවී විවිධ අපහසුතාවට පත්ව සිටීම සම්බන්ධයෙන් එම බලධාරීන්ට කරුණු පැහැදිලි කිරීමේදී ඇති වූ අනවබෝධයක් මත ලාංකික ශ්‍රමිකයින් කලබලකාරී ලෙසින් හැසිරීම නිසා තත්ත්වය පාලනයට මෙම කඳුළු ගෑස් ප්‍රහාරයක් එල්ල කළ බව විදේශ සේවා නියුක්ති කාර්යාංශයේ නියෝජ්‍ය සාමාන්‍යධිකාරි සහ කාර්යාංශයේ මාධ්‍ය ප්‍රකාශක මංගල රන්දෙණිය මහතා පැවසීය.
ජෝර්දානයේ අල්කාරා කැමල්වෙගා කර්මාන්ත පුරයේ රැකියා අහිමි වී සිටින ශ්‍රී ලාංකිකයින් 340 කට ආසන්න පිරිසක් රඳවා සිටින ස්ථානයේදී එම කඳුළු ගෑස් ප්‍රහාරය එල්ල කර ඇති බවත් ඉන් කිසිවකුට හානියක් සිදුව නැතැයි මන්දෙණිය මහතා වැඩිදුරටත් කියා සිටියේය.
කොරෝනා වසංගත තත්ත්වය නිසා රැකියා අහිමි වී මාස කිහිපයක් ගතව ඇතත් ආපසු මව්බිමට යාමට නොහැකි වී ඇති බවත් තමන්ට විවිධ දුෂ්කරතා ඇති බවට එම ලාංකික බලධාරීන් අම්මාන් නුවර පිහිටි ශ්‍රී ලංකා තානාපති කාර්යාල බලධාරීන්ට දන්වා ඇති අතර ඒ අනුව එම තානාපති කාර්යාලය නිලධාරීන් තිදෙනෙකු ඔවුන් සිටින ස්ථානයට ගොස් කතා කිරීමේදී ඇති වූ අනවබෝධයෙන් මෙම කලබලකාරී තත්ත්වය ඇති වූ බවද නියෝජ්‍ය සාමාන්‍යධිකාරිවරයා පැවසීය.
කෙසේ වෙතත් මේ වනවිට තත්ත්වය පාලනය කර ඇති අතර එලෙස රැකියා අහිමිව එරට සිරවී සිටි ලාංකික ශ්‍රමිකයින්ට හැකි ඉක්මනින් ලංකාවට ගෙන්වා ගැනීමට විදේශ සේවා නියුක්ති කාර්යාංශය කටයුතු කරන බවද හෙතෙම කීය.
රැකියා අහිමි වී සිටින මෙම ලාංකික ශ්‍රමිකයින් ගැන තානාපති කාර්යාලය නිරන්තරයෙන් සොයා බලන බවද මංගල රන්දෙණිය මහතා කීය.
කළහකාරී ලෙස හැසිරුණු ලාංකික ශ්‍රමිකයින් කියා සිටින්නේ තමන්ට මාස පහක් තිස්සේ සිය සේවා ස්ථාන වලින් නිසි පරිදි වැටුප් නොලැබුණු බවත් මේවන විට තමන්ට ලැබුණුයේ දිනකට කෑම වේල් දෙකක් පමණක් යැයිද කියා සිටිති.
එබැවින් හැකි ඉක්මනින් තමන්ව දිවයිනට ගෙන්වා ගන්නැයිද ඔවුහු රජයෙන් ඉල්ලා සිටිති.
කඳුකර ප්‍රදේශයට ඇදහැලෙන ධාරානිපාත වර්ෂාවත් සමඟ මෙරට පංච මහා ජලාශයන්ගෙන් ප්‍රධානතම ජලාශය වන වික්ටෝරියා ජලාශය වාන්දැමීම ආරම්භ කළ බව එම ජලාශයේ කාර්යභා
මාදිවෙල මන්ත්‍රී නිල නිවාස සංකීර්ණයෙන් නිවාස ලබා ගැනීමට නවක මන්ත්‍රීවරුන් 80 දෙනෙකු අයදුම්පත් යොමු කර ඇතැයි පාර්ලිමේන්තුවේ උසස් නිලධාරියෙක් ලංකාදීප
කෝප් සහ කෝපා ඇතුළු පාර්ලිමේන්තුවේ ප්රධාන කමිටු පිහිටුවන යාන්ත්‍රණය වන තේරීම් කාරක සභාව( committee of selection) සඳහා නාම යෝජනා ඉදිරිපත් කරන ලෙස කතානායක සපුමල් රන්
නිෂ්පාදිත දිනය සහ කල් ඉකුත්වන දිනය වෙනස් කරන ලද කුරක්කන් ටොන් 22ක් සහ කූනිස්සන් කිලෝග්‍රෑම් 975ක් කොටහේන ප්‍රදේශයේදී වෙළඳපලට නිකුත් කරමින් තිබියදී වැටල
සිය නිවසේ දී සිදුවූ විදුලි සැර වැදීමකින් ගල්කිරියාගම පුබ්බෝගම ප්‍රදේශයේ කාන්තාවක අද (27) මියගිය බව ගල්කිරියාගම පොලිසිය පවසයි.
පරිසර අමාත්‍යාංශයේ ලේකම්වරයා ලෙස කේ.ආර්. උඩුවාවල මහතාත්, විද්‍යා හා තාක්ෂණ අමාත්‍යාංශයේ ලේකම්වරයා ලෙස වයි.එල්.මොහොමඩ් නවාවි මහතාත් ජනාධිපති අනුර දිස
2024 නොවැම්බර් මස 05
563
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
766
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජෝර්දානයේ සිරවී සිටින ලාංකිකයින් පිරිසකට කඳුළු ගෑස් ප්‍රහාරයක්
ජයන්ත මිලානො Monday, 27 July 2020 06:47 PM
රට විරුවන්ගේ දෙමාපිය නෑදෑ හිතමිතුරනි, බියනොවී තුනෙන් දෙකේ බලය ඔවුන්ට දෙන්න. ඊටපසු ඒ බලය නිසා ඔබේ දරුවන් ගෙන ඒම ඔවුන්ට පහසුවෙනවා නොඅනුමානයි.
Sanath Kandy Monday, 27 July 2020 07:18 PM
මාස 5ක් තිස්සේ මේ අසරණ මිනිස්සු විඳින දුක අපේ රටේ පාලකයින්ට පේන්නේ නැහැ. ජවිපයේ විතරයි මේ මිනිස්සු ගැන හඬක් නගන්නේ...
සේන Monday, 27 July 2020 07:33 PM
තත්ත්වය හරියටම පැහැදිලි නෑ. පොදු ගුණාකාරයක් හැටියට ගතහොත් තානාපති කාර්යාලවල නිලධාරින් පුනරුත්ථාපනය කරලා ගන්න ඕනෑ. පුදුම මාන්නයක් තියෙන්නේ. මානව හිතවාදී කමක් ගෑවිලාවත් නෑ. අකුරට වැඩ. හැබැයි පුලුවන් තරම් හම්බ කරන විදි තමා හොයන්නේ...
sk Tuesday, 28 July 2020 01:13 AM
මෙයාලා යනකොට නම් අපිට කොකා පෙන්නලා යනවා. අන්තිමට අපට කොකා පෙන්වනවා දැන්...
69 lakshen ekek Tuesday, 28 July 2020 01:30 AM
නිරන්තරයෙන් සොයා බලනවා. අනේද කියන්නේ..? විදේශ අමාත්‍යාංශයේ ‘විදෙස්ගත ශ්‍රී ලාංකිකයින්‘ සඳහා රෙජිස්ටර් වෙන්න නිර්මාණය කළ දොරටුවෙන් රෙජිස්ටර් වුණ අයට උන්නද? මළාද? කියලා බලන්න කෝල් එකක් තියා නිකම්ම මේල් එකක් එවපු නැති අයට, එහෙම අදහසක්වත් නැති නිකම්මු බලයට පත්කළාම වෙන මොනවා බලාපොරොත්තු වෙන්නද? කරන්න පුළුවන් එකම දේ තමයි මීටින් එකක් කැඳවලා ‘පාලු වළං බිඳින‘එක.. කරන්න පුළුවන් ලොකුම දේ තමයි සාකච්ඡාවක් කැඳවලා හිස් වැදගැම්මකට නැති කොමිසමක් හෝ කමිටුවක් හෝ පත්කරන එක... මාර සනීපයක් දැනෙන්නේ...
ලුම්බිණි Tuesday, 28 July 2020 01:34 AM
රට සල්ලි ලැබෙනකම් රට විරුවෝ. කරදරයට පත්වුණාම අපේ රටට, අපේ නායකයින්ට මතක නැහැ. කාට කියන්නද?
සමිත සේනක අලුත්ගමගේ. Tuesday, 28 July 2020 01:58 AM
බොහෝවිට තානාපති සේවය සඳහා පත්කරනු ලබන්නේ ඊට නිසි සුදුසුකම් නොලත්, දැනුම නොලත්, දේශපාලන හිතවතුන්ය. මේ නිසා ඔවුන් තම තමන්ගේ වැඩක් බලාගෙන, තිබෙන වරප්‍රසාද ටිකත් ලබාගෙන යහතින් සිටින එක තමයි මෙතෙක් කල් කෙරුණේ. මේ හේතු නිසා තානාපති සේවයෙන් පිටරට සිටින අපේ මිනිසුන්ගේ ප්‍රශ්න කරදර ගැන සොයාබැලීමට නිසි ක්‍රමවේදයක් තිබුණේ නැහැ. එසේ සේවයක් කිරීමට දේශපාලන සුදුසුකම් පමණක් ප්‍රමාණවත් නැහැ. මේ වැනි හේතූන් නිසා තානාපති සේවය පිරිහුණා. මේ හිරවෙලා දුක්විඳපු මිනිසුන්ගේ ප්‍රශ්න ගැන, දුක ගැන, හරිහැටි සොයා නොබැලීම නිසා මේ තත්වය සිදුවූ බව පෙනේ. කෙසේ වෙතත්, මෙවන් දේ සිදුනොවීය යුතු දේවල්...
Sachin Tuesday, 28 July 2020 02:33 AM
ලංකා එම්බසි එකෙන් පොලිස් ආරක්ෂාව ඉල්ලලා තියෙන්නේ. ඉතින් ඔතන උද්ඝෝෂණය කරන්න කඳුලු ගෑස් ගහනවා.
pradeepa Tuesday, 28 July 2020 07:14 AM
අද රට විරුවට වුන දේ, තමන්ගේ රටට එන්න බැහැ තමන්ට ඕන වෙලාවට.
බද්රානි Tuesday, 28 July 2020 08:31 AM
ලෝකෙන් උතුම් රටේ, රට විරුවන්ට නේද ජෝර්දාන් පොලිසිය ලව්වා සංග්‍රහයක් කරලා තියෙන්නේ? පිටරටවල් වල දුක් විඳිමින් කඹුරලා ජීවිතය ගැට ගහ ගනිමින් ලංකාවේ පාලකයින්ට ආවඩන වහල් රට විරුවන්ට ඔහොම වෙලා මදි? ඔලු ගෙඩි තලන්න ඕනා මොළේ පෑදෙන්න .
සපුමල් (Sapumal)Wednesday, 29 July 2020 09:53 AM
මේ තීරයේ ලියන හැමෝම මේ භද්‍රානිගේ උපදෙස් අරන් තමයි ලියන්න ඕනේ හොඳද? මුඩුක්කු වචන සෙට් එක නොවරදවාම ගන්න අමතක කරන්න එපා හොඳේ. මෙයා තමාගේ ගෙදර මනුස්සයාට දාන පාට් තමයි මේ දාන්නේ. ඒ මනුස්සයා පව් නේද?
සමරසේකර - ගම්පහ Tuesday, 28 July 2020 09:09 AM
පිඩාවට පත්වී ඇති සියලුදෙනාගේම මෙරට ඥාතීන් සජිත් ප්‍රේමදාසට සහයෝගය දක්වන්න. එතුමා පමණයි එදා සිටම මේ සිරවී ඇති අයව ගෙන්නාගන්න කෑ ගහන්නේ. ඔබලාගේ බලය අසීමිතයි. එය පාවිච්චි කරන්න.
sunil Tuesday, 28 July 2020 03:08 PM
සෑම සේවකයෙකුටම ශ්‍රී ලංකාවේ විදේශ රැකියා නියුක්ති කාර්යාංශයේ රක්ෂණ ආවරණයක් ඇත .... කම්කරුවන් නැවත මෙරටට ගෙන්වා ගැනීමට ජෝර්දාන් රජය ද කැපවී සිටී. දෙපාර්ශ්වය අතර සම්බන්ධතාවය ශ්‍රී ලංකන් තානාපති කාර්යාලය විසින් පලා නොයා ස්ථාපිත කළ යුතුය. මේ නිසා රාජ්‍ය තාන්ත්‍රිකයින් බහුතරයක් නිදාගෙන සිටිති.