(විමුක්ති එස් රුද්‍රිගු)
ඇමෙරිකානු ජනාධිපති ඩොනල්ඩ් ට්‍රම්ප්ගේ රන් ආලේපිත ප්‍රතිමාවක් ප්‍රංශයේ ස්ට්‍රාස්බර්ග් නුවර යුරෝපා පාර්ලිමේන්තු ගොඩනැගිල්ල තුළ ප්‍රදර්ශනයට තබා ඇත. අඩි 8.5ක පමණ උසින් යුත් මෙම උපහාසාත්මක නිර්මාණය ඩෙන්මාර්ක කලාකරු යෙන්ස් ගැල්ෂියට් විසින් නිර්මාණය කර තිබේ. ‘ඔරේන්ජ් ප්ලේග්’ ලෙස නම් කර ඇති එය ‘අයුක්තියේ රජු’ ලෙසද හැඳින්වේ.
මෙම ප්‍රතිමාවේ ට්‍රම්ප් ඇඳුම් ඇඳ නොසිටින අතර කැරට් 23 රන් පත්‍රවලින් ප්‍රතිමාව ආවරණය වී ඇත. කුඩා මිනිසකුගේ උරහිස් මත හිඳගෙන සිටින ට්‍රම්ප්, යුක්තියේ තරාදියක් සහ දිගු ගොල්ෆ් පිත්තක් අතැතිව සිටින අයුරු ප්‍රතිමාවෙන් දැක්වේ.
එහි ගොල්ෆ් පන්දුව ලෝක ගෝලයක හැඩයෙන් නිර්මාණය කර ඇත. යුරෝපා පාර්ලිමේන්තු ගොඩනැගිලි දෙකක් සම්බන්ධ කරන කාර්යබහුල ස්ථානයක තබා තිබූ මෙම ප්‍රතිමාව ප්‍රදර්ශනය කිරීම අද (08) අවසන් වීමට නියමිතව තිබූ බව ‘ද ටෙලිග්‍රාෆ්’ පුවත්පත වාර්තා කළේය.
COMMENTS
Reply To:
Sisira - cb chds hcdsh cdshcsdchdhd
මෙවැනි ලැජ්ජා නැති, ඇමරිකානු ජනතාව වැරදීමකින් තොරා ගත්, කයිය ඇතත්, රටට කිසිදු ප්‍රයෝජනවත් වැඩක් නොකර සිය අසීමිත බලතල සහ ධනය රැස් කරමින් සිටින මෙවැනි පුද්ගලයෙකුගේ ප්‍රතිමා ඔහුව සමච්චලයට පත්කිරීම සඳහා නිර්මාණය කළ ඒ නිර්භීත කලාකරුවාට අපෙ උපහාරය !! ට්‍රම්ප් ගැන කියනවා නම්, ජනාධිපති අපේක්ෂකයා ලෙස, ඔහු ඇමරිකානු ජනාධිපතිවී පැය 24 න් ඔහුගේ ගජ මිතුරු මිනීමරු, ජීවිතාන්තය දක්වා රුසියානු ජනාධිපති විදියට සිටීමට බලාපොරොත්තුවන ඒකාධිපති පූටින් පටන් ගත් යුක්රේන දෙශසීමා යුද්ධය නිමා කිරීමට වහසි බස් දෙඩූ, එමෙන්ම ට්‍රම්ප් පටන් ගත් ඉරාන යුද්ධය අවසන් කිරීමට තවමත් තටමන ට්‍රම්ප් ලජ්ජා නැති පළමු ඇමරිකානුවා කීම අතිශොක්තියක් නොවේ ...