උතුරුමැද නියෝජ්‍ය පොලිස්පති පද්මලාල් සඳුන්ගහවත්ත පුත්තලම ජ්‍යෙෂ්ඨ පොලිස් අධිකාරීව සිටියදී 2014 දී පුත්තලම පොලිස් අධිකාරී කාර්යාලයේ නවීකරණ කටයුතු වෙනුවෙන් රුපියල් ලක්ෂ 21.5ක් වංචා කළැයි ඔහු හා තවත් තිදෙනෙකුට එරෙහිව පැමිණිල්ලක් ගොනු කර ඇත.

පුත්තලම පොලිස් අධිකාරී කාර්යාලයේ ගණකාධිකාරී තිලක් වසන්ත කුමාර සැරයන් ක්‍රිස්ටෝපර් සීමන් තමෙල් හා පොලිස් කොස්තාපල් රාජපක්ෂ ලබන 25 වැනිදා තෙක් රිමාන්ඩ් කරනු ලැබ සිටිති.

ජ්‍යෙෂ්ඨ පොලිස් අධිකාරී මෙවන් සිල්වා මහතා යටතේ පවත්නා පොලිස් විශේෂ විමර්ශන ඒකකය අධිකරණයට දන්වා ඇත්තේ මෙම හිටපු පොලිස් අධිකාරී සඳුන්ගහවත්ත ව්‍යාජ ලේඛනවලට අත්සන් තැබීමෙන් එම වංචාවට ආධාර හා අනුබල දී ඇති බවයි.

කොළඹ පොලිස් විශේෂ විමර්ශන ඒකකය සඳුන්ගහවත්තගෙන් අද (18) පැය 8ක් පමණ ප්‍රශ්න කළ අතර සිකුරාදා ද ප්‍රශ්න කිරීමට නියමිතය.