ඉදිරි දිනකදී රූපගත කිරිම් ආරම්භ කිරීමට සූදානම් කර ඇති සංජය ලීලා බන්සාලිගේ "පද්මාවති" චිත්‍රපටය සඳහා දිපීකා පදුකෝන් ඉන්දීය රුපියල් කෝටි 12.65ක මුදලක් අය කරන බව බොලිවුඩ් සිනමා තොරතුරු සඳහන් කර සිටියි.

මෙය බොලිවුඩ් සිනමා නිළියක් චිත්‍රපටයක් සඳහා අය කරන ඉහළම මුදල ලෙස වාර්තා වේ. මීට පෙර බොලිවුඩ් චිත්‍රපට රංගනයක් සඳහා ඉහළම මිලක් අය කර තිබුණේ කංගනා රනවුත් වන අතර, ඒ "ටනු වේඩ්ස් මනු රිටන්ස්" චිත්‍රපටය සඳහායි. දිපීකා රඟපෑ සංජය ලීලා බන්සාලිගේ "රාම් ලීලා" හා "බජිරාඕ මස්තානි" චිත්‍රපට ආදායම් උපයා ගැනීම අතින් අතිසාර්ථක වූ නිසා ඔහුද මේ මුදල දිපීකාට ගෙවන්නට කැමැත්ත පළ කර තිබෙන බව සඳහන් වේ.

දැනට ගණන් බලා ඇති අන්දමට බන්සාලිගේ මම චිත්‍රපටය සඳහා අවම වශයෙන් ඉන්දිය රුපියල් කෝටි 150ක මුදලක් වැය වන බව සඳහන්. "පද්මාවති" චිත්‍රපටය සඳහා දීපිකාට අමතරව ඇගේ සැබෑ පෙම්වතා රන්වීර් සිං, පාකිස්තානු සිනමා නළු පවඩ් අලී ඛාන්ද රංගනයෙන් දායක වෙයි.