යුද්ධයේ අවසන් අදියරේදී සිදු වූවා යැයි කියන මානව හිමිකම් කඩවීම් හා යුද අපරාධ සම්බන්ධයෙන් සොයා බැලීම සඳහා වන දේශීය යාන්ත්‍රණය සැකසීමේ කටයුතු රජය විසින් ලබන ඔක්තෝබර් මාසයේ මැද සිට ආරම්භ කරන බව විදේශ   අමාත්‍ය මංගල සමරවීර මහතා අද (17) කොළඹ  ප්‍රවෘත්ති සාකච්ඡාවකදී පැවසීය.

එම යාන්ත්‍රණය සැකැසීමේ කටයුතු සම්බන්ධයෙන් රටේ සියලූ දේශපාලන පක්ෂ , ආගමික හා සිවිල් සංවිධාන යන සියලූ පාර්ශවවලින් අදහස් විමසීමක් සිදු කිරීමෙන් පසු ලබන ජනවාරි මාසයේදී දේශීය යාන්ත්‍රණයේ අවසන් සැලැස්ම ඉදිරිපත් කොට එතැන් පටන් මාස 18ක් ඇතුළත එම යාන්ත්‍රණය ක්‍රියාත්මක කර අවසන් කරීමට රජය බලාපොරොත්තු වන බවද   සමරවීර මහතා කීය.