වී අලෙවි මණ්ඩලයේ සිටින නිලධාරීන් වී අලෙවි මණ්ඩල පනත ගැන කිසිවක් නොදන්නා බව සමස්තා ලංකා ගොවිජන සම්මේලනයේ ජාතික සංවිධායක, පළාත් සභා මන්ත්‍රී නාමල් කරුණාරත්න මහතා අද (10) කීවේය. 

වී අලෙවි මණ්ඩල පනත නොදන්නා නිලධාරීන් පිරිසක් සමඟ මෙරට ගොවි ජනතාවට කටයුතු කිරීමට සිදු ව ඇති බව කී කරුණාරත්න මහතා ගොවිජනතාව හා පාරිභෝගිකයන් ආරක්ෂා කිරීමට පිහිටවූ වී අලෙවි මණ්ඩලය එම දෙපාර්ශවයම සූරා කන බව ද පැවසීය. 

ගොවි ජනතාව මුහුණ දී සිටින වී අලෙවි මණ්ඩලයේ නිලධාරීන් පිළිතුරු නොදෙන්නේ ඇයි දැයි ප්‍රශ්න කිරීමට මරදාන යුනියන් පෙදෙසේ පිහිටි වී අලෙවි මණ්ඩලයට පැමිණීමෙන් අනතුරුව මාධ්‍ය හමුවේ අදහස් දක්වමින් ඔහු එලෙස සඳහන් කළේය.

මේ අතර සමස්ත ලංකා ගොවිජන සම්මේලනයේ පිරිසක් වී අලෙවි මණ්ඩලයට ද ගියහ.

1(10) 3(60) 4(8)

(වීඩියෝව ශාන්ත රත්නායක)