(යොහාන් භාසුර)

පාන් මිල වැඩි නොකරන්නේ යැයි සමූපකාර සේවා, අළෙවි සංවර්ධන සහ පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතා අද (01) පස්වරුවේ පැවසීය.

පාන් ගෙඩියක් පැවැති මිල වන රුපියල් 60 ට තව දුරටත් අළෙවි කරන බවත් ශ්‍රී ලංකා බේකරි හිමියන්ගේ සංගමයේ නිලධාරීන් සමඟ පැවැති සාකච්ඡාවකින් පසුව මිල වැඩි නොකිරීමට එකඟ වූ බවත් රාජ්‍ය අමාත්‍ය අලගියවන්න පැවසීය.

බේකරි හිමියන් මුහුණ දෙන පාම් තෙල් සහ තවත් ද්‍රව්‍ය කීපයක් සම්බන්ධයෙන් සමූපකාරය හරහා විසඳුම් ලබාදීමට ද මෙහිදී එකඟ වූ බවත් පාන් මිල වැඩි වීම ජනජීවිතයට සෘජු බලපෑමක් කරන නිසා රජය මැදිහත් වූ බවත් රාජ්‍ය අමාත්‍යවරයා කීය.

පාන් පිටි මිල ඉහළ යෑම නිසා පාන් ගොඩියක මිල රුපියල් 10 කින් ඉහළ දමන බව ශ්‍රී ලංකා බේකරි හිමියන්ගේ සංගමය ඊයේ (30) පවසා තිබුණි.