සිංහල සිනමාවට මෙතෙක් පහළ වූ විශිෂ්ටතම රංගන ශිල්පියකු හා සිනමාවේදියකු වූ ගාමිණී ෆොන්සේකා අපෙන් සමුගෙන එළඹෙන 30 වැනි දිනට වසර 12ක් ගතවන අතර ඔහු අතින් නිර්මාණය වූ මුල්ම සිනමා කෘතිය වන “පරසතුමල් චිත්රපටයට හෙට දිනයේදී එනම් සැප්තැම්බර් 26 වැනි දිනට වසර 50ක් පිරෙනු ඇත.
1966 සැප්තැම්බර් මස 26 වැනි දින "පරසතුමල්" චිත්රපටය මුලින්ම තිරයේ පතිත විය. එය අධ්යක්ෂණය කරන විට ගාමිණී 28 වියැති තරැණයෙකි. ඒත් ඔහු චිත්රපටය අධ්යක්ෂණය කරමින් රංගනයෙන් දායක වූයේ බොනී මහත්තයා නම් වූ මැදිවියේ චරිතයක් වීම සුවිශේෂී කාරණයකි.
අප කවුරැත් දන්නා පරිදි ගාමිණී සිනමා ලොවට අවතීර්ණ වූයේ රංගන ශිල්පියකු ලෙසට නොවේ. ආචාර්ය ලෙස්ටර් ජේම්ස් පීරිස්ගේ රේඛාව චිත්රපටයට ගාමිණී සම්බන්ධ වූයේ කාර්මික ශිල්පියකු ලෙසටය. ඔහු කාර්මික සහායකයකු මෙන්ම නිෂ්පාදන කළමනාකරැ ලෙස ද රේඛාව චිත්රපටයට දායක විය.
එම කාල වකවානුව තුළම නිර්මාණය වූ ඩේවිඩ් ලීන්ගේ “බ්රිජ් ඔන් ද රිවර් ක්වායි* චිත්රපටයේද ඔහු කාර්මික ශිල්පියකු ලෙස සිය දායකත්වය ලබාදෙමින් සිනමාකරණය පිළිබඳ දැනුමක් අත්පත් කර ගත්තේය.
"පරසතුමල්" සාර්ථකත්වයට ගාමිණී තුළ තිබුණු ඒ කාර්මික දැනුම් සම්භාරය ඉවහල් වන්නට ඇතැයි බොහෝ විචාරකයින්ගේ අදහස විය. පී.කේ.ඩී. සෙනෙවිරත්න විසින් රචිත තිරනාටකයද චිත්රපටයේ සාර්ථකත්වයට උරදුන් තවත් සාධකයකි. ගාමිණී ෆොන්සේකා මෙන්ම පරසතුමල් චිත්රපටයට අනුලා කරැණාතිලක, ටෝනි රණසිංහ, ඩී.ආර්. නානායක්කාර, පුණ්යා හීන්දෙනිය, සිරිමති රසාදරී ඇතුළු අති දක්ෂ නළු නිළියන් ද රංගනයෙන් දායක වූහ.
චිත්ර බාලසූරිය නිෂ්පාදනය කළ පරසතුමල් චිත්රපටය එදා මෙදා තුර තිරගතවූ විශිෂ්ටතම සිංහල චිත්රපට 10න් එකක් වීම චිත්රපටයේ සාර්ථකත්වය තවත් ඉස්මතු කරන්නකි. සිය කුළුදුල් සිනමා නිර්මාණය තුළ ප්රධාන චරිතයද පිළිබිඹු කරමින් ගාමිණී පෑ ප්රතිභාව වෙනුවෙන් ඔහු 1967 දී හොඳම නළුවා ලෙස සරසවි සම්මානය දිනා ගත්තේය. එම වසරේ ජනප්රියම නළුවාගේ කිරැල හිමිවූයේද ඔහුටය.
ලයනල් අල්ගම පරසතුමල් චිත්රපටයේ සංගීත අධ්යක්ෂකවරයා වූ අතර එහි ගීත රචනා කළේ මහගමසේකරය. පරවුණු මල්වල සුවඳ අතීතේ............ ගීතය සුජාතා අත්තනායක ගායනා කළ අතර “අද පමණයි ඉතිරිව පවතින්නේ* හා සඳකැන් පිනිදිය ගීත ගායනා කළේ පණ්ඩිත් ඩබ්.ඩී. අමරදේවය.
පරසතුමල් චිත්රපටයේ කැමරාකරණය සුමිත්ත අමරසිංහ විසින් මෙහෙයවන ලදී
රමේෂ් උවයිස්
ව්යාජ උප්පැන්න සහතිකයක් ඉදිරිපත් කර අවිධිමත් රාජතාන්ත්රික විදේශ ගමන් බලපත්රයක් ලබා ගත්තේ යැයි කියන හිටපු අමාත්ය වරයකුගේ බිරිඳ වන ශෂී වීරවංශ මහත
එක්සත් ජාතීන්ගේ සංවිධානයේ වරලත් ඉංජිනේරුවකු, ලෝක බැංකුවේ ශ්රී ලංකා ශාඛාවේ තාක්ෂණික ඉංජිනේරු ලෙස කටයුතු කළ සමන් විජේසිරි මහතා මීට වසර හයකට පෙර සූක්ෂ
ලෝක ගුරු දිනය වෙනුවෙන් අම්බලන්ගොඩ ධර්මාශෝක විදුහලේ 1990 සාමාන්ය පෙළ හා 1993 උසස් පෙළ ආදි සිසු කණ්ඩායම තමන්ට වෛදයවරුන්,හෙදියන් ඇතුලු සෞඛ්ය කාර්ය මණ්ඩල සා
මහ මැතිවරණයට අදාළ තැපැල් ඡන්ද අයදුම්පත් භාර ගැනීම අද (8) මධ්යම රාත්රී 12 ට අවසන් වීමට නියමිතව තිබූ අතර එය අනිද්දා (10) මධ්යම රාත්රී 12 දක්වා දීර්ඝ කර ඇතැයි
පොළොන්නරුව වැලිකන්ද නගරයේ රාජ්ය බැංකුවක අද(08) වෙනි දා සවස 6.00 ට පමණ ආරක්ෂකයෙකු සතුව තිබූ ගිනි අවිය පත්තු වීමෙන් ඔහු එම ස්ථානයේ දී මියගොස් ඇති බව වැලිකන්
ඇල්පිටිය මහජන ක්රිඩාංගණය අසල ළිඳක තිබී අද (08) සවස මළසිරුරක් හමුවූ බව ඇල්පිටිය පොලිසිය පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
පරසතුමල් 50 ඇවිත්...