මාතර තරුණියක (22) වෙඩිතබා මරා දමා ඇතැයිද ඇයගේ පෙම්වතා බවට සැකකෙරෙන තංගල්ල නාවික හමුදා කදවුරේ භටයෙකුද වෙඩිවැදී මියගොස් ඇතැයිද පොලිසිය කියයි.ඔහු තමන්ටම වෙඩි තබාගන්නට ඇත්දැයි සැක බවත් පොලිසිය පවසයි.

මාතර - ගන්දර, හෙරොයින් කුඩු ළඟ තබාගෙන සිටි පුද්ගලයෙක් අත්අඩංගුවට ගත්බව පොලිසිය පවසයි.

පොළොන්නරුව පරාක‍්‍රම සමුද්‍රයේ ගිලී මියගිය කොළඹ බැංකු සේවකයෙකුගේ සිරුර ගොඩගත් බව පොලිසිය පවසයි.

මත්තල ගුවන්තොටුපොළ හංදියේ දී ටිපර් රියක් යතුරු පැදියක හැපී යතුරුපැදිකරු හා අනෙක් පුද්ගලයා මිය ගිය බව පොලිසිය කියයි.

දෙදෙනාම (24,16) පහල අන්දරවැව පංචිකරුවෝ ය.මල්ලී ටියුෂන් පන්තියකට රැගෙන යද්දී මේ අනතුර සිදු වී ඇත.

සිලාවතුර සවරියන්පුර දී කේරල ගංජා කිලෝ 10ක් සමඟ පුද්ගලයකු (58) අත්අඩංගුවට ගත් බව පොලිසිය කියයි.

හබරණ - පොළොන්නරුව මාර්ගයේ පහේ ගල උඩදී මිතුරන් දෙදෙනෙකු අතර ඇතිවූ ගැටුමකින් එක් මිතුරෙක් පිහිපහරකින් මරුමුවට පත්ව අනෙක් මිතුරා තුවාළ ලබා රෝහල් ගතකර ඇතැයි පොලිසිය කියයි.

ඡායාරූප - සංජය මධුෂාන්

යාපනය පේදුරුතුඩුව ඩිපෝවේ බසයක කොන්දොස්තරවරයකු වවුනියාව බස් නැවතුම්පොළේදී සෙනග වැඩි බව කියමින් පාසල් දැරියන් හත් දෙනකුට බසයට ගොඩවීමට ඉඩ නොදුන්නැයි වව්නියාව පොලිසියට පැමිණිලි කර ඇත.

එක් දැරියක බිම වැටී සුළු තුවාල ලැබූ බව කියති. වව්නියාව ඩිපෝ කළමනාකරු එච්.එම්.සොයිසා මහතා පැවසූයේ මේ ගැන පරීක්ෂණයක් පවත්වන බවයි.