බුලත්සිංහල ඈගල්ඔය ගිනි තැබූ පාරමිතා විශ්ව සමාධි ධර්මායතනය යළි ඉදි කිරීමට විරෝධය පළ කරන අයට අවශ්‍ය වන්නේ එතැන ගණිකාමඩමක්, තැබෑරුමක් හෝ පල්ලියක් ඉදිකිරීමදැයි අද සංහල රාවය සමග එහි ගිය හිටපු පාර්ලිමේන්තු මන්ත්‍රී අක්මීමන දයාරතන හිමියෝ අද එහිදී පැවසූහ.

එහි විහාරස්ථානය යළි ගොඩනැගීමට තම සහාය දක්වන බව ද ඒ හිමියෝ කීහ.

එම පන්සලට එරෙහිව හිමිවරුන් තුන් නමක් උපවාසයක් පවත්වන සුනන්දාරාමයට තවත් පිරිසක් සමග යන්නට ආ දයාරතන හිමියනට එහි දායක සභාව පැවසා ඇත්තේ පන්සලට ඇතුළුවීමට ඉඩ නොදෙන බවයි.

පසුව දයාරතන හිමියන් ඇතුළු දෙදනකුට එහි ගොස් විහාරාධිපති නවදගල ධම්මසිරි හිමියන් සමග සාකච්ඡා කිරීමට ඉඩ ලැබිණි.

ධම්මසිරි හිමියෝ ද පාරමිතා විශ්ව සමාධි ධර්මායතනයට එරෙහිව උද්ඝෝෂණය කරන හිමිවරුන්ගෙන් එක් නමකි.