‘‘ ජනපතිට කියන්න“ නව සේවාව ආරම්භ කර ගතවූ පැය 24ක කාලයේ දී 1919 දුරකථන මාර්ගයෙන් හා අන්තර්ජාලයේ tell.president.gov.lk මගින් පැමිණිලි 3200ට වැඩි ප්‍ර‍මාණයක් ලැබී ඇතැයි ජනාධිපති ලේකම් කාර්යාලය පවසයි.

ඕනෑම පුද්ගලයකුට තම පැමිණිලි, දුක් ගැනිවිලි, චෝදනා, යෝජනා හා අදහස් ජනාධිපතිවරයා වෙත සෘජුව යොමු කිරීමට පහසුකම් සපයමින් ‘‘ජනපතිට කියන්න“ සේවය අාරම්භ කරන ලද්දේ සිකුරාදා දිනයේ දී ය.

නවීන තාක්ෂණය භාවිතා කරමින් ඕනෑම ස්මාර්ට් දුරකථනයකින් ‘‘ජනපතිට කියන්න“ ස්මාර්ට් යෙදවුම බාගත කර ගැනීමෙන්, 1919 වෙත දුරකථන ඇමතුමක් දීමෙන්, tell.president.gov.lk වෙත යොමු වී අදාල පණිවිඩය යැවීමෙන් [email protected] වෙත විද්‍යුත් ලිපියක් යොමු කිරීමෙන් හෝ තැපැල් පෙට්ටිය 123 කොළඹ ලිපිනයට සාමාන්‍ය තැපෑලෙන් ලිපියක් එවීමෙන් තම පණිවිඩය ජනාධිපතිවරයා වෙත සෘජුව යොමු කිරීමට ජනතාවට පහසුකම් ලබා දී ඇත.

ජනාධිපති ලේකම් කාර්යාලය පවසන්නේ මෙලෙස ලැබෙන සියළු පණිවිඩ සඳහා කඩිනම් ප්‍ර‍තිචාර දක්වන බවයි.