බ්‍රිතාන්‍යයේ ශ්‍රී ලාංකික විහාරස්ථාන සහ කලා සහ සංස්කෘතික සංවිධාන ඉදිරිපත් කරන සිංහල සහ දෙමල අවුරුදු උත්සව බ්‍රිතාන්‍යයේ සියලුම ප්‍රධාන නඟරවලදී අප්‍රේල් මාසයේ සෑම සති අන්තයකම පැවැත්විමටයි.

මෙහි මුලාරම්භය වුයේ පසුගියදා ලන්ඩන් නුවර හවුන්ස්ලෝ ජනහඬ පදනම මඟින් උත්කර්ෂවත් අන්දමින් පවත්වනු ලැබූ බක්මහ සැණකෙලියයි.

මෙවර බක්මහ සැණකෙළිය පැවැත්වුනේ ලන්ඩන් බෞද්ධ විහාරාධිපති මහා බ්‍රිතාන්‍යයේ ප්‍රධාන සංඝනායක පුජ්‍ය බෝගොඩ සිලවිමල නාහිමියන්ල එම විහාරවාසී පුජ්‍ය කෝන්වැවේ අරිය රතන හිමියන්ලහවුන්ස්ලෝ පාර්ලිමේන්තු මන්ත්‍රී ශීමා මල්හොත්‍රාල නගරාධිපති හා නාගරික මන්ත්‍රීවරුන්ගේ ප්‍රධානත්වයෙනි.

උත්සවය සඳහා ශ්‍රී ලාංකික මෙන්ම අන්ජාතිකයි විශාල පිරිසක්ද සහභාගී වුහ.

දහවල් 2 කේ සිට එලෙමහනේ සම්ප්‍රදායික අවුරුදු කෙලි සෙල්ලම් සහ තරඟ සහ සවස 6 හේ සිට ශ්‍රී ලාංකික නර්තන අංගයන්ගෙන් සමන්විත සංස්කෘතික සංදර්ශනයක් පැවැත්විණි.

ජනහඬ පදනම ප්‍රජා කොමිටිය විසින් දසවනි වරටත් සංවිධාන කරන ලද මෙවර අවුරුදු උළෙල පිලිගනිමින් සභාව ඇමතූ සභාපති ශ්‍රී ලාල් ඩයස්  වසර10 ක් තිස්සේ තමන් ඇතුලු ජනහඬ පදනම ප්‍රජා කොමිටි සමාජිකයින් පිරිස උත්සාහ ගන්නේ විදෙස් ගතව සිටියත් අපගේ සංස්කෘතික ගති සිරිත් පිළිබඳව අපගේ අනාගත පරපුරට කිසියම් අවබෝධයක් ලබාදී එ පිලිබඳ උනන්දුවක් ඇතිකිරීම බව කිවේය. එමන්ම  සියලුම දෙනා එක්ව කටයුතු කරන මෙවන් ජාතික වැදගත් කමක් ගෙන දෙන උත්සව පැවත්වීමෙන් ජාතින් අතරේ සමගියක් ඇතිකිරීමට අවස්තාවක් උදාවන බවද ඔහු මෙහිදී පැවසීය.  පාර්ලිමේන්තු මන්ත්‍රිනී ශීමා මල්හොත්ත්‍රි ජගිත් ශර්මා ඇතුලු නගර සභා මන්ත්‍රීවරුන් රැසක් ඇතුලු නිතීඥ සූරියා සමරසේකර ද කෘතවේදී අදහස් දක්වා  සිටියේය.

ජනහඬ පදනම විසින් සංවිධානය කරන ලද මෙම 10 වනි අලුත් අවුරුදු උළෙලෙහි සංගීත ප්‍රසංගයක්ද පැවැත්වුන අතර එහා ඉදිරිපත් කලේ සංජීව හා ලිලානි පෙරෙරා  ඇතුලු  ලන්ඩනයේ වෙසෙන දක්ෂ සංගීත  ශිල්පීන් රැසකගේ මුලිකත්වයෙනි.