මහියංගන ගිරාදුරුකෝට්ටේ  ගල්පෝරුයාය  කඹේදැම්මගල ( රන් කඹේ දැම්ම ගල) නම් ඓතිහාසික පුරාවිද්‍යාත්මක වටිනාකමක් ඇති  ස්ථානයක මාස කිහිපයක් තිස්සේ නිදන් හාරමින් සිටි බව කියන සිද්ධියක තොරතුරු ලැබ බොදුබල සේනාවේ ලේකම් ගලගොඩ අත්තේ ඥාණසාර හිමියන් ප්‍රමුඛ සංඝරත්නය එහි වැඩම කළහ.

වනාන්තරයේ ගස් කපා, ගල්වෙඩි දමා නිදන හාරන බවට ප්‍රදේශවාසීහු ‍අවස්ථා කිහිපයකදී පැමිණිලි කළත් බලධරයින් කිසිත් නොකළ බව ගැමියෝ කියති.

කඹේදැම්මගල කැලයට බොදුබලසේනාව ළගාවන විට නිදන් හාරමින් සිටි පිරිස පලාගොස් සිටි බවත් බොදුබළසේනාව එන බව දැන ඊට ප්‍රථම එම ස්ථානයට ගොස් ගිරාදුරුකෝට්ටේ පොලිසිය උපකරණ කිහිපයක් අත් අඩංගුවට ගෙන ඇති බවත් කියති.

මාස කිහිපයක් තිස්සේ යන්ත්‍ර සුත්‍ර භාවිතා කරමින් ප්‍රදේශයේ  ජනතාව බියවද්දමින් ඉහළ පෙළේ ඇතැම් නිළධාරින්ගේ සහය ලබාගනිමින් මහියංගනය  ව්‍යාපාරිකයන් බව කියන පිරිසක් සේවකයන් යොදා ගනිමින් කැලය වනසා ඇති බව ඥාණසාර හිමියෝ  කියති.