ටිපර් රථයක් සිය මෝටර් රථයේ වැදුණේයැයි කියන සිද්ධියකින් පසු  විශ්‍රාමික බි‍්‍රගේඩියර්වරයකු  පහරදුන්නේ යැයි ටිපර් රථ  රියදුරෙක් හා ඔහු බේරාගැනීමට පැමිණ පහර කෑමට ලක්වූ එම  ලිපිකරුවෙක් හෝමාගම පොලිසියට පැමිණීලි කළහ.

පොලිසිය බලා සිටියදීම කළ මෙම පහරදීම තම ජංගම දුරකතනවලින් වීඩියෝ කළ අයටද බි‍්‍රගේඩියර් හා ඔහු සමග සිටි මේජර්වරුන් දෙදෙනෙකු පහරදුන් බවද පහරකෑමට ලක්වූ රියදුරා පවසයි.

 වැලිපිල්ලෑවේ පෞද්ගලික ආයතන රියදුරකු වන පාදුක්කේ ගුණවර්ධන ලියනගේ ප‍්‍රියන්ත හා  හා ඔහු සේවය කළ ආයතනයේ ලිපිකරු  මොරගහහේනේ  නාවලගේ ශාන්ත කුමාර මහතා මේ ප්‍රහාරයට ලක් වුහ.

බි‍්‍රගේඩියර්වරයා හා ගත් මේජර්වරුන් දෙදෙනා  පහරදුන් බවත්, පසුව පනාගොඩ කඳවුරට දුරකථනයෙන් අමතා තවත් නිල ඇඳුම් ඇඳගත් නිලධාරීන් දෙදෙනෙක් හා සිවිල් ඇඳුමෙන් සිටි කිහිප දෙනෙක්ද ගෙන්වා ඔවුන් ද පහරදුන් බව පහර දුන් බව ඔවුහු කියති. අනතුරෙන් මෝටර් රථයට එතරම් හානියක් සිදුව නැති බව පොලිසිය කියයි. කට උත්තර ලබාගැනිමෙන් අනතුරුව පොලීසිය වාහනය මුදා හළේය.

ලිපිකරු මෙසේ කියයි

අපේ රියදුරු ප‍්‍රියන්ත කතා කරලා කිව්වා ටිපර් එක හමුදාවේ මහත්තයෙක්ගේ වාහනයේ යම්තමට ගෑවුණු බව .දැන් එයාලා තමන්ට ගහනවා කියලා කිව්වා. මම වහාම එතනට ආවා. ඒ එනකොට අපේ රියදුරුට හොඳටම පහරදීලා තිබුණා. මම ආවම මගෙන් ඇහුවා උඹට තියෙන අමාරුව මොකක්ද කියලා. මට උත්තර දෙන්න ඉඩ නොදී හමුදා නිලධාරින් මා පැත්තකට අරන් ගිහින් වාහනයේ ඔළුව හප්පා හොඳටම ගැහුවා. පොලිසියේ රථවාහන අංශයේ නිලධාරීනුත් එතන හිටියා. එයාලා වීඩියෝ කර කර හිටියා මිසක් කිසිවක් කළේ නැහැ. අපට ගහලා තියෙද්දිත් කට උත්තර අරන් හමුදාවේ අය යැව්වා. අපිට රෝහල් ගත වෙන්න කියලා තුණ්ඩුවක් දුන්නා. එතන හිටපු සමහරුන් මේක වීඩියෝ කළාම ඒ ජංගම දුරකතනයත් උඳුරාගත්තා.එයාලත් පොලිසියට පැමිණිලි කළා.

හෝමාගම සහකාර පොලිස් අධිකාරී බැසිල් ක‍්‍රිෂාන්ත මහතා කීවේ එවැනි පහරදීමක් ගැන පැමිණිල්ලක් ලැබී  ඇති බවයි ‘ අපි ඒ ගැන පරීක්ෂණ කරනවා‘.