අරලගංවිල මහවැලි  ඉඩමකින් බොරළු කපා වසර කිහිපයක් තිස්සේ ප්‍රවාහනය කිරීමෙන්  දිය උල්පත් හා ළිං ජලයද සිඳී පාර ද අබලන් වී ඇතැයි කියමින් අරලගංවිල යාය හයේ ගැමියෝ  අද  විරෝධතාවක් පැවැත්වුහ.

ටිපර්  රථ වලට පස් රැගෙන යාමට නොහැකි වන සේ ගල් හා කොට දමා පාර අවහිර කිරීම  කැර තිබිණි.

පාර කිලෝ මීටර් දෙකහමාරක් දුරට අබලන් වී ඇතැයි ගැමියෝ කියති.

 ප්‍රාදේශිය දේශපාලනඥයකු හා  එක්තරා සමාගමක් මීට වගකිව යුතු යැයි උද්ඝෝෂකයෝ කියති.

එම සමාගම ලවා පාර පිළිසකර කැර දෙන ලෙස නිලධරයින්ට උපදෙස් දුන් බව මාදුරු ඔය මහවැලි බී කළාපයේ  නේවාසික කළමණාකරු පී ජී දයානන්ද මහතා කියයි.