කොළඹ නගරයේ මගී ප‍්‍රවාහන බස්රථ ධාවනය සඳහා මාර්තු මාසයේ සිට මංතීරුවක් වෙන්කිරීමට කටයුතු කරන බව ප‍්‍රවාහන හා සිවිල් ගුවන්සේවා අමාත්‍ය නිමල් සිරිපාල ද සිල්වා මහතා පැවසීය.

මේ වෙනුවෙන් වැඩපිළිවෙලක් සකස් කිරීම සඳහා විශේෂ කමිටුවක් පත් කරන බව ද ඇමැතිවරයා කීවේය.

අමාත්‍යවරයා මේ බව පැවසුවේ බත්තරමුල්ල, සෙත්සිරිපායේ පිහිටි එම අමාත්‍යාංශ ශ‍්‍රවණාගාරයේ දී අද පැවති මෙගා පොලිස් වැඩසටහන සම්බන්ධ සාකච්ඡාවකට එක්වෙමිනි.

දැනට බස් ඇතුළු බර වාහන වමෙන් පැදවිය යුතු යැයි පොලිසිය කියන නමුත් බොහෝ රියදුරන් එම උපදෙස් නොපිළිපදින බව මගීහු කියති.