බැසිල්ගේ තව නඩුවක් කල් යයි

කෝනාර, කාලිංග සහ කසුන් කියන දෙයට මම 100% ක් එකඟයි. මේක තමයි අපේ රටේ තත්වය. හැමතැනම තැළෙන්නේ සාධාරණ මනුස්සයා. (නි)

නඩුවක් කල්දාන්න පුළුවන් උපරිම කාලය කොපමණද ? දන්නා කෙනෙක් ඉන්නවනම් දැනගන්න කැමැතියි. (ම)

මේ අනුව 1977 සිට පැවති යුඑන්පී ආණ්ඩු කාල තුලදී සිදුවූ මෙවන් වැරදි බොහෝ ඇත .ඒවත් සොයා බැලුවොත් ඉතා අගේ කරමු.(ම)

ඉඩම්/පාරවල් වල ඇත්ත අයිතිකරුවන් නඩු දාන්න කැමති නැහැ. මොකද කල්යන නිසා තමන්ට අසාධාරනයක් වෙන නිසා. මේවගේ නඩු දාන තරමක් දාන්නේ හොරට අනුන්ගෙ ඉඩම්/පාරවල් අයිති කරගන්න දඟලන අය. නඩුව දාලා කරන්නේ අදින එක. ඒක තමයි අපේ රටේ කලාව. (නි)

නීති හදලා තියෙන්නේ සාධාරණ මනුස්සයට සාධාරණය ඉටු කරගන්නයි. නමුත් ලංකාවේ වෙන්නෙ ඒකෙ අනිත් පැත්ත. නීතියේ ඇති හිඩැස් නිසා අසාධාරණ කෙනා නඩු දාලා අනෙක් කෙනාව තලනවා බොහෝවිට. (නි)

"විශේෂ" යන ශීර්ෂය යටතේ නඩු දාන 90% ක්ම කපටියි. කවුරුහරි අසරණයෙක් තමයි තැලෙන්නෙ මේ නිසා. (නි)

සමහර නීතිඥවරු ඉන්නවා අද ඇවිත් දිනයක් ගන්නවා. මාස 4 ට පමණ පසු එන ඊළඟ නඩු දිනෙත් ඇවිල්ලා මම අද ලෑස්ති නැහැ කියලා තවත් මොකක්හරි කියලා තව දිනයක් අරගෙන යන. මෙහෙම වුණාම සාධාරන මනුස්සයාට දැනෙන පීඩනය, දුක, ගැන අපේ රටේ කාටවත් තේරෙන්නේ නැති එකයි දුක. (නි)

රස්සාවක් කරන කෙනෙකුට හාෆ් ඩේ එකක් දාලා උසාවි ගිහින් එන්න බැහැ. මොකද තමාගෙ නඩුව කතා කරන නියමිත වෙලාවක් නැහැ. උදේ 9 සිට සවස 4 වනතුරු දැන් කතා කරයි දැන් කතා කරයි කියලා බලා ඉන්න ඕනෑ. සමහර දාට 4ට ළංවෙලා කියනවා දැන් කාල වේලාව නැහැ. පසු දිනයකට කල් දානවා කියලා. අමාරුවෙන් හොයාගත් නීතිඥ ගාස්තුව ගෙවලා තව මාස 4 ට විතර පසු එන දිනයක් අරගෙන හූල්ල හූල්ලා ගෙදර එනවා. ඇයි මේ ගැන නොසිතන්නේ? (නි)

විමසිම් කරනවිට යතුරැ ලියනය කළාට ඒවා බොහොමයක් වැරදියටයි සටහන් වෙන්නේ. මේවා නිවැරදි කරන්නත් කාලය යනවා. හරියට නිවැරදි වෙන්නෙත් නැහැ. ඇයි මේ වොයිස් රෙකෝඩර් වගේ පහසුකම් අපේ රටේ අධිකරණ විසින් ප්‍රයෝජනයට නොගන්නේ. බොහොම ලාබයි. (නි)

"විශේෂ" යන ශිර්ෂය යටතේත් නඩු දාලා තියෙන නඩු ගැන සැළකිලිමත් වෙලා ඒවා හැකිතාක් ඉක්මනින් විසඳන ක්‍රියාපිළිවෙලක් හදන්න. මොකද බොහෝ වෙලාවට මෙහෙම නඩු දාන්නේ ඇත්ත නිමිත්තක්වත් නැති නිසා තමයි. මේ ගැන සමික්ෂණයක් කළොත් මම කියන දෙය තවත් තහවුරු වෙයි. (නි)

කිසියම් නඩුවක් කතා කිරීමට පෙර, එම නඩුවේ දින කීයක් පැමිණිල්ල විසින් මඟහැර දින ගෙන තිබේද, විත්තිය විසින් මඟහැර දින ගෙන තිබේද යන්න ප්‍රසිද්ධියේ කියා පටන් ගන්නවා නම් බොරුවට කල් අදින නීතිඥයන්ට සහ සේවාදායකයන්ට ලැජ්ජා හිතෙනවා. විනිසුරුවරයාටත් තේරුම් යනවා කවුද බොරුවට අදින්නේ කියලා. (නි)

නඩු කාරයන් ලංකාවේ නැතිනම් හිඟ නම් පිට රටින් හෝ නඩුකාරයෝ ගෙනත් වැරදි කරුවන්ට දැඩි දඩුවම් දීලා ඒ මුදල් ජනතා සතු කරන්න.(හේ)

කිසියම් නඩුවක විමසීම් පටන්ගත්තාට පසු මාස ගණන් ඈත දින නොදී ළග ළඟ දින දෙනවා නම් නඩු කල්යාම සෑහෙන දුරකට අඩු කළහැකියි. අනෙක් කාරණය විමසීම් කරන විට විනාඩි 10-15 නොදී පැය 2-3 ක් හෝ දුන්නා නම් ඊළඟ දිනය දීමට අවශ්‍ය වන්නේත් නැහැ පොඩි නඩුවල. විනිසුරුවරුන් ප්‍රායෝගික වෙනවා නම් අද වෙනකොට උසාවි වල මේ තරම් ඉඩම් සහ දිකකසාද නඩු ගොඩගැහෙන්නෙ නැහැ. (නි)

දවසකට විත්තියෙ නිතිඥවරයා නැහැ‍. ඊළඟ දවසේ පැමිණිල්ලේ නිතිඥවරයා නැහැ‍. මේවට කිසිම අවවාද කිරීමක් දඬුවමක් නැහැ. දෙන්නම ආවදාට විනිසුරුතුමා නිවාඩු. විමසිම් පටන්ගත්තත් දින දෙන්නේ මාස 5-6 පන්නලා. පළවෙනි දවසෙ කියපුවා කාටවත් මතක නැහැ. තීන්දුව ළංවෙනකොට විනිසුරුතුමා මාරුකරලා. ඔහොම තමයි කල්යන්නේ ලංකාවෙ නඩු. (නි)

මෙයාට රටේ තියෙන හැම උසාවියකම නඩු. ර‍ට පුරාම ඉඩම් සහ ගෙවල්. වාර්ථාවක් තියන්න පුළුවන් මම හිතන්නේ. (නි)

මිලියන 33 ක සෙවිලි තහඩු? (නි)

සමහරු කපටි මිනිසුන් ඉන්නවා නඩුවක් දාන්න නිමිත්තක්වත් නැහැ. ඉඩම් සම්බන්ධව පටලවලා නඩු දාන්න ගියාට ඒ නඩුවේ ශීර්ෂයට නමක් නැතිනිසා "විශේෂ" යන ශිර්ෂය යටතේත් නඩු දාලා අසරණ නිවැරදි අයට කරදර කරනවා. මේවා ගැන මීට වඩා අපේ රටේ විනිසුරුවරුන් අවධානය යොමුකරනවා නම් මෙවැනි නඩු කල්නොයවා ඉක්මනින් තින්දු ලබා දෙනවානම් සාධාරණ මනුස්සයට කරන යහපතක්. (නි)

අනුන්ගෙ ඉඩම්/පාරවල් බලෙන් අයිතිකරගෙන සිටින අය තමයි දාන තරමක් නඩු දාන්නේ. හේතුව තමයි නඩුව ඇද ඇද හැකිතාක් අනුන්ගේ දේවල් භුක්ති විදින්න. මේවා ගැන විනිසුරුවරු කල්පනා කරනවා නම් හොඳයි. (නි)

මාර්තු 15 කියන්නේ තව මාස 5 ට කල්යවලා. ඇයි මේ? මිනිසාගේ ආයු කාලය වසර 500 ක් නෙමෙයි. (නි)

අනුන්ගෙ ඉඩම්/පාරවල් බලෙන් අයිතිකරගෙන සිටින අය ඉඩම් නඩු කල්යනවට ආසයි. පළිගැනිමට කැමති, අය දික්කසාද නඩු කල්යනවට ආසයි. මුල්‍යමය චෝදනා ඇති අය ඒ නඩු කල්යනවට ආසයි. බහුතර නීතිඥවරු ඔය කොයි නඩුවත් කල්යනවට ආසයි. (නි)

මෙයාගේ නඩුවලට පමණයි වෙනම උසාවියක් ඔන වේවි වගේ. (ර)

අනේ දුප්පතාගේ තහඩු ටිකටත් වැඩේ දීලා වගේ. (ර)