මොරටුව ගාලුපාර එගොඩ උයන මාර්ගය දෙපස මාස ගණනාවක සිට අක්‍රීය වී ඇති එල් ඊ ඩී විදුලි පද්ධතියේ වගකීම බාර ගෙන පිළිසකර කිරීමට කිසිදු වගකිව යුතු ආයතනයක් මෙතෙක් ඉදිරිපත් වී නැතැයි මොරටුව පොලිසිය කියයි.

මර්ග සංවර්ධන අධිකාරිය, ලෙකෝ පෞද්ගලික සමාගම, ශ්‍රී ලංකා විදුලි බල මණ්ඩලය හා මොරටුව මහ නගර සභාවේ නිලධාරීන් හමුවට මොරටුව පොලිසියේ නිලධාරීන් ගිය ද ඒ කිසිවෙකු වගකීම බාර නොගන්නා බව පොලිසිය පවසයි.

මේ සම්බන්ධයෙන් අධිකරණයට කරුණු වාර්තා කරන බව පොලිසිය කියයි.