රංගන ශිල්පිනියක සහ නිරූපණ ශිල්පිනියක වන මධුගේ සිහිනය වන්නේ ලංකාවේ රසිකයන්ගේ ආදරය දිනා ගත් රංගන ශිල්පිනියක් වීමයි. ඇයගේ ඉදිරි කලා කටයුතු සහ මේ ක්ෂේත්රය පිළිබඳව ඇය දරන්නේ මෙවැනි අදහසකි. ඒ පිළිබඳව කතාබහ කිරීමට මධූ කුලතුංග ‘සාරවිට’ සමග එකතු වූ මොහොතකි මේ.
ඔයාගේ නම කිව්වොත්?
මගේ නම මධූ කුලතුංග. යාළුවෝ ඒන්ජල් කියලත් කතා කරනවා.
මොකද කරන්නේ රැකියාවක් කරනවාද?
ඔව්, මං රැකියාවක් විදිහට රමනි ප්රනාන්දු සැලොන් එකේ තමයි කටයුතු කළේ. ඒත් මොඩ්ලින් කරන්න පටන් ගත්තට පස්සේ ඒකෙන් අයින් වුණා. දැන් නිරූපණය සහ රංගනය කරගෙන ඉන්නවා. Part time job එකක් විදිහට apex aura එකේ කටයුතු කරනවා.
නිරූපණයට එකතු වෙන්නේ කොයි කාලේද?
මං නිරූපණයට එකතු වුණේ 2015 මුල් කාලේ. දැනට අවුරුදු දෙකකට කිට්ටුයි.
දැනට දායක වෙලා තියෙන වැඩ කටයුතු ගැන කිව්වොත්?
රෑම්ප් ෂෝ වගේම ෆෝටෝ ෂූට්ස්, මියුසික් වීඩියෝ තුනක් විතර කරලා තියෙනවා. චිත්රපට සඳහා දායක වෙලා තියෙනවා. ඒ අතර ඩීවීඩී දෙකක් කරලා තියෙනවා. වේදිකා නාට්ය දෙකකට දායකවෙලා තියෙනවා. වීඩීවි ෆිල්ම් දෙකෙත්, වේදිකා නාට්ය දෙකේත් ප්රධාන චරිත තමයි මං පණ පෙව්වේ. ඊට අමතරව ඉස්සරහට තව වැඩ ටිකකට ආරාධනා ලැබිලා තියෙනවා.
දායක වූ චිත්රපට මොනවාද කිව්වොත්?
නලින් මාපිටිගමගේ අයියාගේ ෆිල්ම් එකකත්, සෝමදාස දිසානායක සර්ගේ ෆිල්ම් එකෙත්, සුරේෂ් කුමාරසිංහ අයියාගේ ඩීවීඩී ෆිල්ම් දෙකකට තමයි දැනට දායක වෙලා තියෙන්නේ.
ඒ කියන්නේ දැන් වෘත්තීමය වශයෙන් නිරූපිකාවක් වගේම රංගන ශිල්පිනියක්?
ඔව්, එහෙම කියන්න පුළුවන්.
ක්ෂේත්රය පිළිබඳව පැහැදීමක් තියෙනවාද?
හ්ම්ම්... ඒ ගැන නම් කියන්න කනගාටුයි. දක්ෂකම් හැකියාවන්වලට ඉඩ ලැබෙන තරම හරිම අඩුයි. මේ ක්ෂේත්රයේ මං මේ කරලා තියෙන වැඩවලට අමතරව මට තව ගොඩක් වැඩවලට ආරාධනාවල් ලැබිලා තිබුණා. කියන්න කනගාටුයි, ඒ ගොඩක් වැඩවලට මූලික දේ වුණේ ලිංගික අල්ලස්. ඒනිසා ගොඩක් වැඩ මං අතහැරලා දැම්මා. විශේෂයෙන් චිත්රපටවලට. මං ගොඩක් ආස සිනමා නිළියක් විදිහට රසිකයන්ගේ සිත් දිනාගැනීමටයි. ඒත් ඒ ගමන යන්න හරිම අමාරුයි. මේ තියෙන බාධක එක්ක මොඩ්ලින්වල නම් ඔය දේවල් අඩුයි. කලාව කියන්නෙ පිරිසුදු දෙයක්. ඒත් දැන් තියෙන කලාව ගොඩක් අපිරිසුදුයි. ඒත් කවදා හරි මං හොඳ රංගන ශිල්පිනියක් වුණු දවසට මම හැමෝටම උදවු කරනවා. පිරිසුදු කලාව ඇතුළත ඉදිරිය හරිම පැහැදිලියි.
කලාව තුළ හැකියාවට වඩා ලිංගික අල්ලස් කියන දේ තුළ විශාල නිර්මාණ සඳහා දායක වෙන්න පුළුවන්කමක් තියෙනවාද?
වෙන්න පුළුවන්, මොකද ඒ නිර්මාණයට දායක වෙන කෙනත්, ඒකට ආරාධනා කරන කෙනත් මත ඒක තීරණය වෙන්නේ.
රංගනයෙන් සම්මානයක් කරා යන්න හීනයක් නැද්ද?
අනිවාර්යයෙන්ම තියෙනවා. මං ගොඩක්ම කැමති සම්මානය තමයි රසිකයන්ගේ ආදරය. රසිකයන්ගේ ආදරය දිනාගන්න පුළුවන් කියන්නෙ මං සම්මානයක් කරා ළඟා වෙන්න සුදුසුයි කියන එක තමයි. ජීවිතේ ලොකුම හීනය හොඳ රංගන ශිල්පිනියක් වගේම හොඳ දක්ෂ නිරූපිකාවක් වෙන්නයි.
ඉදිරි බලපොරොත්තු මොනවාද කිව්වොත්?
ආරාධනා ලැබිලා තියෙන වැඩ වගයක් තියෙනවා. ඊට අමතරව ෆොටෝ ෂූට් ටිකක් තියෙනවා. හොඳ නිරූපණ ශිල්පිනියක් වගේම රංගන ශිල්පිනියක් විදිහට කටයුතු කරගෙන ඉන්න තමයි බලාපොරොත්තුව.
කවුරුහරි මතක් කරන්න පිරිසක් ඉන්නවාද ඔයාගේ ගමනට අතහිත දුන්න අයව?
අනිවාර්යයෙන්ම ඉන්නවා. පළමුවෙන් මම අදහන දෙවියන්, දෙවනුව මගේ ළඟින් ඉඳන් ගොඩක් වැඩවලට උදවු කරන තරිඳු ජයලත් මගේ හොඳම යාළුවා. ඩිලෝන් ජොන්සුන් සහ මගේ පළමු කලා නිර්මාණයට අත දුන් කපිල මැද්දේගොඩ අයියා. මගේ දෙවැනි සිනමා ගමනට අතදුන් දර්ශන රුවන් දිසානායක අයියා, ‘හීනයක ප්රේමයක්’ ගීතයේ රංගනයෙන් දායකවීමට ආරාධනා කළ රහල් අල්විස් අයියටද, ඩීවීඩී ෆිල්ම් එකට මාව සම්බන්ධ කරලා දුන්නු සහෙන් අයියා සහ එහි නිෂ්පාදක සුරේෂ් කුමාරසිංහ අයියද, Sri Lanka National Costume Designer වෙන අමිල උදය පෙරේරා අයියත්, හිරන්ත අයියත්, මොඩ්ලින්වලින් මුලුකුරු කියාදුන් රොසෑන් ඩයස් ලියනගේ මිස්, වේදිකා නාට්යවලින් මුලකුරු කියාදුන් පද්මසිරි සර්ත් මං ආදරයෙන් මතක් කරනවා. ස්තූති කරනවා එයාලා නිසා තමයි අද මම මෙතැන ඉන්නේ.
ඩිලාන් ක්රිෂාන්ත
මහමැතිවරණයේ තැපැල් ජන්ද අයදුම්පත් භාර ගැනීම අද (10) මධ්යම රාත්රී 12 න් අවසන් වන බව මැතිවරණ කොමිෂන් සභාව සදහන් කරයි.
පාසල් ළමුන් සහ තරුණ ප්රජාව ඉලක්ක කරගනිමින් අලෙවි කිරීමට සුදානම් කළ රුපියල් කෝටි 06ක වටිනාකමක් සහිත නීතිවිරෝධී මත්කරල් 599,000 ක් ජාවාරම් කිරීම සදහා ප්ර
ශ්රී ලංකන් ගුවන් සේවය සඳහා සාමාජිකයින් අටදෙනෙකුගෙන් යුතු නව අධ්යක්ෂ මණ්ඩලයක් පත් කර තිබේ.
දිවයින ආශ්රිත වායුගෝලයේ වර්ධනය වන කැළඹිලි ස්වභාවයක් හේතුවෙන්, දිවයිනේ නිරිත දිග කොටසේ වැසි තත්ත්වයේ තරමක වැඩිවීමක් අද (10) දින සිට ඉදිරි දින කිහිපයේදී
ඉන්දීය ටාටා සමූහ ව්යාපාරයේ හිටපු සභාපති රතන් ටාටා දිවි ගමන අවසන් කළේය. ඉන්දීය මාධ්ය වාර්තා කළේ මියයනවිට ඔහුගේ වයස 86 ක් බවය.
ශ්රී ලංකා මහවැලි අධිකාරිය මගින් පාලනය කරන කණ්ඩලම ජලාශයේ වම් ඉවුරේ ඉතා රමණීය අසිරිමත් විශාල වන ලැහැබ සහ අක්කර දෙකක පමණ තුරුලතා වියන, ඉදිකරමින් පවතින
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මං හොඳ රංගන ශිල්පිනියක් වුණු දවසට මම හැමෝටම උදවු කරනවා