තරු පිරිස් අතර වඩාත් ජනප්රිය ටෙලි නාට්යය හා සිනමා නිළි තාරුකා වන්නිආරච්චි සමගින් අද "සාරවිට" තරු කතා බහ අපි දිගහැරියෙමු. මේ දිනවලද ටෙලි නාට්ය කිහිපයකින්ම ඔබ හමුවට එන ඇය ඉදිරියේදී තවත් සිනමා නිර්මාණ කිහිපයකින්ද ඔබ හමුවට පැමිණීමටද නියමිතව සිටින්නීය.
පසුගිය කාලයේදී ඔබ විදෙස් ගත වෙලා හිටියා කියලා ආරංචියි?
ඔව්, සුනිල් ආරියරත්න මහත්මයාගේ අලුත් චිත්රපටයක රූපගත කිරීම් කටයුත්තක් සඳහා තායිලන්තයට ගියා. මීට දින කිහිපයකට පෙර තමයි ලංකාවට ආවේ. තවත් නොබෝ දිනකින් මේ චිත්රපටයේ ඉදිරි රූපගත කිරීම් කටයුතුවලට නැවතත් දායක වෙනවා.
චිත්රපටය ගැන සඳහනක් කරනවා නම්?
චිත්රපටය නම් කරලා තියෙන්නේ "අලි කතාව" කියලා. මෙය ඓතිහාසික කතා පුවතක් රැගත් චිත්රපටයක්. නමුත්, චිත්රපටය ලේබල් ගත කරලා තියෙන්නේ ළමා චිත්රපටයක් කියලා. මෙහි මා නැවතත් රජ බිසවකගේ චරිතයක් නිරූපණය කරනවා. මීට පෙර මම "මහරජ ගැමුණු" චිත්රපටයේ විහාර මහා දේවි කියන වීර චරිතයට පණ පෙව්වා. මේ දිනවල විකාශය වන ජැක්සන් ඇන්තනි මහත්මයාගේ "සිරි රජ" ටෙලි නාට්යයේ "පුන්නා" කියන බිසවගේ චරිතයට දායක වෙලා තියෙනවා.
"සිරි රජ" කියන්නේ ඔබට විශේෂිත ටෙලි නාට්යයක්ද?
ඇත්තටම ඔව්. මොකද මා දැනට ටෙලි නාට්ය 43කට අධික ප්රමාණයක රඟපාලා තියෙනවා. ඒ නාට්ය අතරින් මා අභියෝගාත්මක රංගනයේ යෙදුණ චරිතයක් තමයි "සිරි රජ" හි "පුන්නා" බිසවගේ චරිතය. මෙහි සටන් ජවනිකා පවා තියෙනවා. මා පළමු වතාවට තමයි එවැනි සටන් ජවනිකා ඇතුළත් චරිතයක් රඟපෑවේ. ඒ වගේම ජැක්සන් ඇන්තනි මහත්මයා වගේ ප්රවීණයෙකුගේ නිර්මාණයකට දායක වෙන්න ලැබීමත් මා ලැබූ භාග්යයක්.
මේ දිනවල ඔබව ටෙලි නාට්ය කිහිපයකින්ම අපි දකිනවා?
ඔව්. සමන් කුමාරගේ "එරන් ලන්දු" ටෙලි නාට්යය ජාතික රූපවාහිනියේ විකාශය වෙනවා. එහි මා රඟපාන්නේ "නදී" කියන චරිතය. ඒ නාළිකාවෙම විකාශය වන චන්දන සමරසේකරගේ "සමනලියක් ඉකිබින්දා" ටෙලි නාට්යයේ "සෙව්වන්දි" කියන චරිතය මම රඟපානවා. ස්වර්ණවාහිනි නාළිකාවේ විකාශය වන ජැක්සන් ඇන්තනිගේ "සිරි රජ" නාට්යයෙත් මා රඟපානවා. එහි මා චරිත නිරූපණය කරන්නේ "පුන්නා" කියන රජ බිසවගේ චරිතය.
තවමත් ඔබ රඟපෑ "දේවි" කියන චරිතය බොහෝදෙනෙකුගේ මතකයේ තියෙනවා?
ඔව්. එයට හොඳම උදාහරණය තමයි මා සංචාරය කළ තායිලන්ත සංචාරයේදී පවා බොහෝදෙනෙකු හමුවෙලා මා සමගින් ඒ චරිතය ගැන කතා කළා. සමහරක් අය මාව අඳුනා ගත්තෙත් "දේවි" කියන නමින්. මා රඟපෑ ටෙලි නිර්මාණ අතරින් මගේ සිත්ගත් චරිතය තමයි "දේවි" කියන්නෙ.
ඔබ දැන් නර්තනය අත්හැරලාද?
නැහැ. ඉදිරියේදී නැවතත් මාව නර්තන ශිල්පිනියක් විදිහට දැකබලා ගන්න පුළුවන් වේවි. මොකද, ඉදිරියේදී හිරු රූපවාහිනි නාළිකාව විසින් සංවිධානය කරන රියලිටි තරගයකට මාව තෝරා ගෙන තියෙනවා. ඊට අමතරව සුරාජ් මාපා අයියගේ ප්රසංගයක් සඳහාත් මම පසුගිය කාලයේදී නර්තන ශිල්පිනියක් විදිහට දායක වුණා.
බුද්ධික සේනාධීර / ඡායාරූප - චානුක කුලසේකර
ප්රසිද්ධ නිරූපණ ශිල්පිනි පියුමි හංසමාලි හිමිකාරීත්වය දැරූ බි එම් ඩබ්ලිව් මෝටර් රථයක් සම්බන්ධව සහ ඇයගේ වත්කම් සම්බන්ධයෙන් සිදු කරන විමර්ශන වලට අදා
බාල සහෝදරයා සමඟ ආරවුලක් ඇති කරගත් වැඩිමහල් සහෝදරයාට පොරෝවකින් පහරදී අද (06) ඝාතනය කිරීමේ සිද්ධියක් සම්බන්ධයෙන් කුච්චවේලි පොලිසිය පරීක්ෂණයක් ආරම්භ කර ත
අර්තාපල් සඳහා වන විශේෂ ආනයන බද්ද රුපියල් 10කින් සහ ලොකු ලූනු ආනයන බද්ද රුපියල් 20කින් වැඩි කර තිබේ.ඒ අනුව රුපියල් 50ක්ව තිබූ අර්තාපල් කිලෝවක ආනයනික වෙළෙඳ භ
කුඹුර අසල මී ගසක අතු පාහිමින් සිටි වාරියපොල කෝන්ගොල්ල ගම්මානයේ ගොවියකු ඔහු ඇද සිටි ටී ෂර්ටයට ගෙල සිරවීමෙන් මියගොස් ඇතැයි වාරියපොල පොලිසිය පවසයි.
රුපියල් ලක්ෂ හැත්තෑ පහක් පමණ වටිනා ස්වර්ණාභරණ තොගයක් තීරු බදු නොගෙවා කටුනායක ගුවන් තොටුපොළෙන් පිට කර ගෙන යමින් සිටි ගුවන් මගී කාන්තාවන් දෙදෙනෙකු ගුව
අනුරාධපුර ප්රාදේශීය සභාවක හිටපු ප්රාදේශීය සභා සභාපතිවරයෙකුගේ නිවසේ තිබී රුපියල් ලක්ෂ පහකට වැඩි අයිස් මත්ද්රව්ය තොගයක් හමුවූ අනුරාධපුර කොට්ඨා
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මගේ සිත්ගත් චරිතය තමයි 'දේවි'