රාජධානියක මෙන්ම පුරාවස්තුවලින් ගහණ ප්‍රදේශයක සිට නිරූපණ ක්‍ෂේත්‍රයට පිවිසි ඇය ස්ත්‍රී ලාලිත්‍යයකින් හෙබී රුවත්තියකි. සංගීතයට වඩාත් ඇලුම් කරන ඇය කලා උපාධිධාරිනියක වීමට පියවර මනිමින් සිටින්නීය. මිචෙල් සඳරේඛා නම් වන ඇය, නිරූපණය පිළිබඳ හදාරා ක්‍ෂේත්‍ර‘යෙහි දිගු ගමනක් යෑමට සිහින දකිමින් සිටින්නීය. "සාරවිට" අප සමගින් මෙලෙස පිළිසඳරක නිරත වූවාය.

ඔබ ගැන විස්තර කිව්වොත්?

මගේ නම මිචෙල් සඳරේඛා. ගම දඹුල්ලේ. වයස අවුරුදු 22යි.

කොහොමද නිරූපණයට එකතු වුණේ?

මම එකතු වුණේ මහරගම ශ්‍රී ලංකා තරුණ සේවා සභාවෙන් පටන් ගත්තා මොඩලින් ඇකඩමි එකක්. ඒකට අයදුම් කරලා ඒ අතරින් තේරුණා. රජයෙන් පවත්වපු ජාත්‍යන්තර දේවල්වලට අපේ කණ්ඩායමක් සම්බන්ධ වුණා. රොසෑන් ඩයස් මිස් විසින් තමයි අපිව පුහුණු කළේ. ඒ හරහා විවිධ දේවල්වලට සම්බන්ධ වෙන්න අවස්ථාව ලැබුණා. එහෙම තමයි නිරූපණයට එකතු වෙන්න අවස්ථාව හිමිවුණේ.

ඇයි නිරූපණය කියන ක්ෂේත්‍රයට යොමුවෙන්නේ?

නිරූපණයට පැත්තට යොමුවෙන්න කිසිම අදහසක් තිබුණේ නැහැ. මම උසස් පෙළට හැදෑරුවේ සංගීතය. ගායනය පැත්තෙන් මට හැකියාව තියෙනවා. ඒ පැත්තෙන් ඉදිරියට යන්නයි හීනයක් තිබුණේ. අහඹු දෙයක් තමයි නිරූපණයට එන්න ලැබීමයි. මොඩලින් කරන්නත් හැමෝටම බෑ. මේක මම ආසාවෙන් කරන දෙයක්.

නිරූපණය දැන් රැකියාවද?

නෑ. මේක මං කරන්නේ ආස නිසා. ජොබ් එක නෙවේ. මම කැලණිය විශ්වවිද්‍යාලයේ කලා උපාධිය හදාරනවා. ඒ වගේම සැලොන් එකක් පටන් ගන්න ඉන්නේ.

නිරූපණය ගැන ඔයාගේ අදහස?

නිරූපණය කියන්නේ හැම කෙනෙක්ටම කරන්න බැරි දෙයක්. නියමිත පුහුණුවක් තියෙන්නම ඕනේ. කැමරාවක් ඉදිරියට ගිය පලියට නිරූපිකාවක් වෙන්න බැහැ. අද බලන බලන හැමතැනකම නිරූපිකාවන්. නමුත් ඔවුන්ගේ ගමන සාර්ථක නැහැ. ඒ වගේම හරි විදිහට හිටියොත් දිගු ගමනක් යන්න පුළුවන් ක්ෂේත්‍රයක්. ගොඩක් අය නොදන්නකමට විවිධ කතා කියෙනවා. නමුත් ක්ෂේත්‍රයට ඇවිත්ම ලබන්න ඕනේ. එතකොට කොයිතරම් සුන්දරද කියලා තේරෙනවා. කැපිලි කෙටිලි නැතුවාම නෙමේ. නමුත් මට ක්ෂේත්‍රයට ආවාට පස්සෙ ගොඩක් සුන්දර යාළුවො කිව්වොත් මං නිවැරදියි.

රංගනයට එන්න කැමැත්තක් නැද්ද?

මම කැමතියි. මේ වෙන කොට පොඩි දේවල් සඳහා දායක වෙලා තියෙනවා. හොඳ දෙයක් ලැබුණොත් අනිවාර්යයෙන්ම පුහුණුවක් ලබමින් අත්දැකීම් එක්ක ගමනක් යන්න බලාපොරොත්තු වෙනවා.

කවුරුදු හරි උදව් කරපු පිරිසක් ඉන්නවාද?

අනිවාර්යෙන්ම ඉන්නවා. රොසෑන් ඩයස් මහත්මිය මතක් කරන්න ඕනේ. ඒ වගේම මගේ අම්මා, අප්පච්චි, මගේ යාළුවෝ අය තමයි. වචනයකින් හරි උදව් කරපු හැමදෙනාවම මතක් කරනවා.

නිරූපිකාවක් දිහා ඇයි ගොඩක් අය වැරදි විදිහට බලන්නේ?

මෙහෙමයි ඒක තීරණය වෙන්නේ තමන් ක්ෂේත්‍රයේ වැඩ කරන විදිහ අනුවයි. සමහර එක්කෙනෙක්, දෙන්නෙක් කරන වැඩ නිසා හැමෝම දිහා එහෙම වැරදියට බලන්නේ. නමුත් හරියට ගමනක් යනවානම් ඒක තමා මොනදේ කළත් නියම විදිහ. නිරූපණ ක්ෂේත්‍රය තුළ විතරක් නෙමෙයි, ඕනෑම ක්ෂේත්‍රයක් තුළ හරි විදිහට ගමනක් යන්න පුළුවන් නම් එක් තමයි හරිම විදිහ.