මහත් ආන්දෝලනයනට ලක්ව ඇති ඇඹිලිපිටිය ප්රදේශයේ තරුණයකුගේ මරණය සම්බන්ධයෙන් මහේස්ත්රාත් පරීක්ෂණය වාර්තා කිරීමට ගිය මාධ්යවේදීන්ට උසාවියේ පොලිස් කොස්තාපල්වරයකු බාධා කළ බව කියන සිද්ධිය සම්බන්ධයෙන් මූලික අයිතිවාසිකම් පෙත්සමක් ගොනු කරන ලෙස ශ්රේෂ්ඨාධිකරණය සිද්ධියට මුහුණූ පෑ පාර්ශවයට හා ශ්රී ලංකා කර්තෘ සංසදයට අද (26) දැනුම් දුන්නේය.
එම සිද්ධිය පිළිබඳ පරීක්ෂණයක් පවත්වන ලෙස ඉල්ලා ශ්රී ලංකා කර්තෘ සංසදය අගවිනිසුරුවරයා වෙත යොමු කළ ලිඛිත ඉල්ලීමක් අද (26) කැඳවූ අවස්ථාවේදී ශ්රේෂ්ඨාධිකරණය මෙම දැනුම් දීම කෙළ්ය.
අගවිනිසුරු කේ.ශ්රී පවන්, උපාලි අබේරත්න සහ කේ.ටී.චිත්රසිරි යන මහත්වරුන් ගෙන් යුතු ත්රීපුද්ගල විනිසුරු මඩුල්ලක් හමුවේ මෙය සලකා බැලිණි.
මෙම ඉල්ලීම පදනම් කර ගනිමින් මෙම සිද්ධිය සම්බන්ධ විමර්ශනයක් සිදු කිරීමට ශ්රේෂ්ඨාධිකරණ රීති අනුව ප්රතිපාදන නොමැති බැවින් අගතියට පත් පාර්ශවය තමන් කැමති නම් පමණක් මූලික අයිතිවාසිකම් පෙත්සමක් ලෙස එය ඉදිරිපත් කළහොත් ඒ සම්බන්ධ නිසි පරීක්ෂණයක් පැවැත්විය හැකි බව ශ්රේෂ්ඨාධිකරණ විනිසුරු මඩුල්ල පෙන්වා පෙන්වා දුන්නේය.
ශ්රී ලංකා කර්තෘ සංසදය විසින් ඉකුත් ජනවාරි 14 වැනිදා අගවිනිසුරුවරයා වෙත යොමු කළ ලිඛිත ඉල්ලීමේ සඳහන් වූයේ ඇඹිලිපිටියේ විවාහකයකු පොලීසිය සමඟ ඇතිවූ ගැටුමකදී උඩු මහලකින් බිමට වැටී මිය යාමේ සිද්ධියේ මහේස්ත්රාත් පරීක්ෂණය ඇඹිලිපිටිය මහේස්ත්රාත් අධිකරණයේදී පැවැත්වෙද්දී එය වාර්තා කිරීමට ගිය මාධ්යවේදීන් ගේ සටහන් පොත් අධිකරණ ශාලාවේදී බලහත්කාරයෙන් පැහැරගෙන මාධ්යවේදීන්ට බාධා කිරීමට එහි අධිකරණ පොලිස් නිලධාරීයා කටයුතු කළ බවය.
එය මාධ්ය නිදහසට බාධා කිරීමක් වන බැවින් අදාළ සිද්ධිය සම්බන්ධව විමර්ශනය කරන ලෙස ඉල්ලා ශ්රී ලංකා කර්තෘ සංසදය එම ලිපියෙන් ඉල්ලා තිබිණි.
එම ලිපිය සැලකිල්ලට ගත් අගවිනිසුරුවරයා ශ්රී ලංකා කර්තෘ සංසදයේ නියෝජිතයින් අද (26) අධිකරණය හමුවට කැඳවා මෙම දැනුම් දීම කළේය.
ශ්රී ලංකා කර්තෘ සංසදය වෙනුවෙන් ජ්යෙෂ්ඨ නීතීඥ ගෝමීන් දයාසිරි මහතා පෙනී සිටියේය.
ශ්රී ලංකා කර්තෘ සංසදයේ සභාපති සිරි රණසිංහ, සාමාජිකයන් සන්ඩේ ටයිම්ස් කර්තෘ සිංහ රත්නතුංග, සන්ඩේ අයිලන්ඩ් කර්තෘ මනික් ද සිල්වා, වීරකේසරී ඉරිදා කර්තෘ ප්රභාගන්, දේශය කර්තෘ රංජිත් ආනන්ද ජයසිංහ, අද කර්තෘ කාංචන දසනායක ඇතුළු පිරිසක් අධිකරණයේ පෙනී සිටියහ.
රටේ ආර්ථිකය බේරන්න ගියොත් මිනිසුන් තරහ කරගන්න සිදුවන බව හිටපු ජනාධිපති එක්සත් ජාතික පක්ෂ නායක රනිල් වික්රමසිංහ මහතා එජාප නිලධාරීන් හමුවේ ප්රකාශ කර
අකුරැස්ස සියඹලාගොඩ - පිටබැද්දර මාර්ගයේ බෝපගොඩ මංසන්ධිය ආසන්නයේදී අද සැන්දෑවේ සිදුවූ මාරක රිය අනතුරින් පාසල් ගුරුවරියක හා ඔහුගේ සැමියා මියගොස් ඇතැයි
ණය ප්රතිව්යුහගතකරණ වැඩ සටහන ඉදිරියට ගෙන යාම සඳහා, අදාල පාර්ශව සමග සාකච්ඡා කර ණය සහන ලබා ගැනීමට කටයුතු කරන බව ජනාධිපති අනුර කුමාර දිසානායක මහතා ජාතිය
පොල්ගොල්ල වේල්ලට පහළින් ජලාශයට බැස දියකෙළියේ යෙදෙමින් සිටි මිතුරන් පස් දෙනකු අතරින් දෙදෙනෙකු ජල පහරේ ගසාගන්න ගොස් අතුරුදන් වී ඇති බව වත්තේගම පොලිසිය
ජාතික රූපවාහිනී සංස්ථාවේ නව සභාපති ලෙස ශ්රී ජයවර්ධනපුර විශ්ව විද්යාලයේ ජ්යෙෂ්ඨ කථිකාචාර්ය සෙනෙෂ් දිසානායක බණ්ඩාර මහතද , ස්වාධීන රූපවාහිනියේ සහ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මාධ්යවේදී සටහන් උදුරා ගත්තාට මූලික අයිතිවාසිකම් පෙත්සමක්