අනියම් බිරියගේ ඕනෑකමට මාසයකට කලින් පිළියන්දල හොන්නන්තර ධනවත් කතක හුස්ම හිරකැර මරා දැමූ බව කියන වඩුබාස් (41) වලස්මුල්ලෙන් අත්අඩංගුවට ගැනීමට මාළු වෙළෙන්දෙක් සමත්විය. මරාදැමුණු ධනවත් කතගේ පුතාගේ බිරිය වඩුබාස්ගේ අනියම් බිරිය විය. නැන්දම්මා ඝාතනයෙන් දින කිහිපයකට පසුව ඇය සියදිවි නසා ගත්තාය. එහෙත් ඇගේ ජංගම දුරකථන පණිවිඩ ඔස්සේ පරීක්ෂණ පැවැත්වූ පොලීසිය වලස්මුල්ලට ගොස් වඩු බාස් ගැන සෙවීය. මාළු වෙළෙන්දා වූයේ උප පොලිස් පරීක්ෂක නන්දනසිරි ගමගේය. ඔහු දින කිහිපයක්ම මාළු වෙළඳාමේ ගොස් තොරතුරු සොයාගෙන වඩු බාස් අත්අඩංගුවට ගත්තේය.