(සුජිත් හේවාජුලිගේ සහ අංජුල මහික වීරරත්න)
ලන්ච් ෂීට් (Lunch Sheet) භාවිතය තහනම් කිරීමට පරිසරය, ස්වාභාවික සම්පත් හා තිරසර සංවර්ධනය පිළිබඳ ආංශික අධීක්ෂණ කාරක සභාව මධ්යම පරිසර අධිකාරියට නිර්දේශ කළේය.
ලන්ච් සීට් හේතුවෙන් සෞඛ්ය හා පාරිසරික වශයෙන් සිදුවන දැඩි හානිය සැලකිල්ලට ගෙන මෙම නිර්දේශය කළ බව එම කාරක සභාවේ සභාපති ගම්පහ දිස්ත්රික් පාර්ලිමේන්තු මන්ත්රී අජිත් මාන්නප්පෙරුම මහතා පැවසීය.
ශ්රී ලංකාවේ ප්ලාස්ටික් සහ පොලිතීන් භාවිතය අවම කිරීම සහ ප්රතිචක්රීයකරණ ක්රියාවලිය වර්ධනය කර ගැනීම සම්බන්ධයෙන් සාකච්ඡා කිරීම සඳහා පරිසරය ස්වභාවික සම්පත් සහ තිරසර සංවර්ධනය පිළිබඳ ආංශික අධීක්ෂණ කාරක සභාව එහි සභාපති ගම්පහ දිස්ත්රික් පාර්ලිමේන්තු මන්ත්රී අජිත් මාන්නප්පෙරුම මහතාගේ ප්රධානත්වයෙන් පාර්ලිමේන්තු සංකීර්ණයේදී පසුගිය 5 වැනිදා රැස්විය. මෙම නිර්දේශය කර ඇත්තේ එම රැස්වීමේදීය.
මෙම කමිටු රැස්වීමට පරිසර අමාත්යාංශය, මධ්යම පරිසර අධිකාරිය, ශ්රී ලංකා රේගුව, ගොවිජන සංවර්ධන දෙපාර්තමේන්තුව යන ආයතන වල නිලධාරීහු පිරිසක් එදින කැඳවනු ලැබ සිටියහ
ලන්ච් ෂිට් භාවිතය නිසා සිදුවන පාරිසරික හානිය මෙන්ම ඒවායේ තැලේට් නම් පිළිකාකාරකය මිනිස් ජීවිතවලට එල්ල කරන බලපෑම පිළිබඳව මෙහිදී දීර්ඝව සාකච්ඡා කෙරිණ.
මේ අනුව විකල්ප හඳුන්වාදීමට මාස හයක සහන කාලයක් ලබාදී ලන්ච් ෂීට් (Lunch Sheet) භාවිතය තහනම් කිරීමට පරිසරය, ස්වාභාවික සම්පත් හා තිරසර සංවර්ධනය පිළිබඳ ආංශික අධීක්ෂණ කාරක සභාව මධ්යම පරිසර අධිකාරියට නිර්දේශ ලබා දුන්නේය.
ලොව කිසිදු රටක ලන්ච් ෂීට් භාවිතා නොවන බව පැවසූ පරිසර අමාත්යාංශ නිලධාරීහු ලන්ච් ෂීට් භාවිතයෙන් තොරවීමේ වැදගත්කම කාරක සභාවට පෙන්වා දුන්හ.
මේ අතර ප්රතිචක්රීකරණය සඳහා ප්ලාස්ටික් බෝතල් ලබාගැනීම වඩාත් කාර්යක්ෂම කිරීමට නම් හිස් බෝතල්වලට යම් සැළකිය යුතු මුදලක් ලබා දියයුතු බව කාරක සභා සභාපතිවරයා ප්රකාශ කළේය.
මේ අවස්ථාවට පාර්ලිමේන්තු මන්ත්රීවරුන් වන ජයන්ත කැටගොඩ, වෛද්ය තිලක් රාජපක්ෂ, සහ වරුණ ලියනගේ යන මහත්වරුද සහභාගි වූහ.
පාර්ලිමේන්තු මන්ත්රීවරුන්ට නොමිලේ නිකුත් කර ඇති මුද්දර පාර්ලිමේන්තුව විසුරුවා හැරීමත් සමඟම පාවිච්චි කිරීම තහනම් හෙයින් ඒවා ළඟම තැපැල් කාර්යාලයට
වැඩබලන පොලිස්පතිවරයා ලෙස පත් කෙරුණු ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතාගේ එම වැඩ බැලීමේ තනතුර අනුමත කිරීමට ජනාධිපතිවරයා එවා ඇති නි
රුපියල් කෝටි 04ක් වටිනා මනෝවර්ධක පෙති සහ කොකේන් ලඟ තබා ගත් බවට චෝදනා ලැබු ජර්මන් පුරවැසිභාවය හිමි ශ්රි ලංකිකයකු විත්තියේ සාක්කි නොකැඳවාම නිදොස් කොට න
මහ මැතිවරණයේදී සමාජ මාධ්ය නිසියාකාරව පාවිච්චි කරන්නේදැයි වහාම විපරමක් කරන ලෙස පැෆරල් සංවිධානය මැතිවරණ කොමිෂන් සභාවෙන් ඉල්ලීමක් කරයි.
අධිවේගී මාර්ග සංචාරක රථවාහන කොට්ඨාසයට අනුයුක්ත පොලිස් කොස්තාපල්වරයෙකුගේ මල සිරුරක් කාණුවක තිබී අද (7) හමු වූ බව පමුණුගම පොලිසිය කියයි
පාස්කු ඉරුදින ප්රහාරයට සම්බන්ධ පිරිස් නීතියේ රැහැනට හසුකරගෙන හැකි ඉක්මනින් එහි වින්දිතයන්ට සාධාරණයක් ඉටු කරන ලෙස රජයෙන් ඉල්ලා සිටින බව ගම්පහ දිස්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලන්ච් ෂීට් තහනම්
මැක්ස් Friday, 08 December 2023 05:18 PM
පරිසරය පිළිබඳ අවම සැලකිල්ලක් දක්වන ප්රජාවක් සිටින රටක් මේක. සුපර් මාකට් හෝ සාමාන්ය කඩයකට ගිහිං ජාති 5ක් මිල දී ගත්තොත් සිලි මලු 5කට වෙන වෙනම ඒවා දාගන්න ජාතියේ මිනිස්සු අපට ඉන්නේ... ඒ නිසා මෙය ඉතාම හොඳ පියවරක්. අජිත් මාන්නප්පෙරුම ඇතුලු සියලු මන්ත්රී වරුන්ට ස්තුතියි...!