වැස්සෙන් කුඹුරු හානි වු ගොවීන්ට සහන

(අංජුල මහික වීරරත්න)

අධික වාර්ෂාව නිසා හානියට පත්ව ඇති කුඹුරු ඉඩම්වල හානි තක්සේරු කොට සහන ලබා දීමට රජය තීරණය කර ඇතැයි කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

හානි තක්සේරු කර අදාල සහන ලබා දීමට කඩිනමින් පියවර ගන්නා ලෙස කෘෂිකර්ම අමාත්‍ය මහින්දානන්ද අලුත්ගමගේ මහතා කෘෂි රක්ෂණ මණ්ඩලයට හා කෘෂිකර්ම දෙපාර්තමේන්තුවට උපදෙස් දී තිබේ.

මේ අනුව හානියට පත් කුඹුරු ඉඩම් හිමියන්ට නැවත වී වගා කිරීම සඳහා අවශ්‍ය බිත්තර වී හා කාබනික පොහොර ඇතුළු සහනාධාර ලබා දීම සඳහා අදාළ ඇස්තමේන්තු සකස් කර ඉදිරිපත් කරන ලෙස ද ගොවිජන සංවර්ධන දෙපාර්තමේන්තුවට කෘෂිකර්ම අමාත්‍ය මහින්දානන්ද අලුත්ගමගේ මහතා උපදෙස් දුන්නේය.

මෙවර මහ කන්නයේ වගා හානිය කුඹුරු හෙක්ටයාර් 30,000කට වැඩි නොවන බව දිවයින පුරා ගොවිජන සංවර්ධන නිලධාරීන් සමඟ පැවැති සාකච්ඡාවේදී අනාවරණය වු බව කෘෂිකර්ම අමාත්‍යවරයා කීය.

අදහස් (6)

වැස්සෙන් කුඹුරු හානි වු ගොවීන්ට සහන

ලමය Monday, 15 November 2021 04:27 PM

මේ යෝධයා ඕන දෙයක් දෙනවා, හැබැයි වචනවලින් විතරයි..

: 0 6

SAAAMMonday, 15 November 2021 08:09 PM

ඒ නිසා වෙන්න ඇති ගොවියෝ මෙයාට පඹයෙක් වශයෙන් හඳුන්වන්නේ...!

: 0 4

Tilvin Monday, 15 November 2021 05:35 PM

හැම දෙයක්ම දෙනවා කියනවා... කොහේද සල්ලි තියෙන්නේ රට බංකොළොත්...

: 0 5

Hafeel Tuesday, 16 November 2021 05:42 AM

සල්ලිද නැත්තේ? අර මහ බැංකු ලොක්කා කබ්රාල් මේ දවස්වල අසීමිත විදියට මුදල් අච්චු ගහනවා නේ. ඒ වෙනුවෙන් ඔහුට තෑග්ග තමයි කැබිනට් බලතල.

: 0 0

goviyek Monday, 15 November 2021 05:35 PM

කුඹුරු ඉඩම්වල හානි තක්සේරු කොට සහන ලබා දීමට අවශ්‍ය නැත. කිසිඳු ගොවියකු පොහොර සහ කෘෂි රසායන නොමැති නිසා වගා කර නැත. කියනකොට ප්‍රවේසමෙන් කියන්න.. ජනතාවගෙන් ගුටිකන්නේ තවම පඹයින් පමණි.. !!!

: 0 4

ගමේ එකාලා Monday, 15 November 2021 11:15 PM

මෙයා දෙන සහන.. මෙයාගේ දීම කෙසේ වෙතත් ගමට ආවානම් මෙයාට දෙන්ඩ කට්ටිය බලාගෙන ඉන්නේ.

: 0 0