වසර ගණනාවක් පැවැති සිවිල් යුද්ධයකින් සහ 2004 වසරේදී පැමිණි සුනාමි ව්‍යසනය හේතුවෙන් ශී‍්‍ර ලංකාවට ඇතිවූ හානි තක්සේරු කළ නොහැකිය. ඉන්දියන් සාගරයට මායිව පිහිටි රටවල් රැුසකට 2004 වසරේ මුහුණ දීමට සිදුවූ ‘සුනාමි’ ඛේදවාචකයෙන් පමණක් ශී‍්‍ර ලංකාවේ 35,000 කට අධික පිරිසක් මියගියහ.

එවන් තත්ත්වයක් ශී‍්‍ර ලංකාවේ පාපන්දු කී‍්‍රඩාවට අහිතකර අන්දමින් බලපෑ බව අමුතුවෙන් කිව යුතු නොවේ. එබැවින් ශී‍්‍ර ලංකාවේ පාපන්දු කී‍්‍රඩාව යථා තත්ත්වයට පත්කිරීමට අන්තර්ජාතික පාපන්දු සම්මේලනයෙන් ඇමෙරිකානු ඩොලර් මිලියන 3.5 (රුපියල් කෝටි 43.75 කට වැඩි මුදලක්) මූල්‍ය ආධාර ලබාදී ඇති අතර එහි අපේක්‍ෂාව වූයේ කොළඹ සහ සුනාමියෙන් හානියට පත් අනෙකුත් පෙදෙස් වළ පිහිටි කලාපීය තාක්‍ෂණික මධ්‍යස්ථාන වැඩි දියුණු කිරීමයි.

කෙසේ වෙතත් ශී‍්‍ර ලංකාවේ පාපන්දු ලෝලීන්ට දැන් සතුටු වීමට වෙනත් කරුණක් තිබේ. ඒ ශී‍්‍ර ලංකා පාපන්දු සම්මේලනයේ නව සභාපතිවරයා වශයෙන් රංජිත් රුද්‍රිගූ මහතා තේරී පත්වීම සම්බන්ධයෙනි.

හිටපු පාපන්දු ක‍්‍රීඩකයකු වන රංජිත් රොද්‍රිගු මහතා 1996 වසරේ සිට පාපන්දු සම්මේලනයේ විවිධ තනතුරු හෙබවීය. ඔහුගේ අධිෂ්ඨනශීලී මෙහෙයවීම මත ශී‍්‍ර ලංකා පාපන්දු කී‍්‍රඩාව නව ඉසව්වක් කරා ඇදෙනු ඇත.
සිය පළමු කාර්යය වශයෙන් ඔහු කළේ මේ වසරේ සැප්තැම්බර් මාසයේදී පැවැත්වෙන දකුණු අසියානු පාපන්දු තරගාවලිය ඉලක්කය කරමින් ජාතික පාපන්දු පුහුණුකරු ධූරයට බ‍්‍රසීල ජාතික ක්ලෝඩියෝ රොබටෝ මහතා පත් කිරීමයි.

දකුණු ආසියානු පාපන්දු තරගාවලියේ පළමු තරගාවලියේදී (1993) අනු ශූරයන් සහ දෙවැනි තරගාවලියේදී (1995) ශූරයන් වූ නමුත් ශී‍්‍ර ලංකාවේ පාපන්දු කී‍්‍රඩාව පසුගිය වසර 17 ක් තුළ දකුණු ආසියාව ජය ගැනීමටත් නොහැකි තත්ත්වයකට ඇද වැටී තිබේ.  

සභාපති ධූරයට පත්වීමෙන් පසු රොද්‍රිගු මහතා පවසා තිබුණේ තම විධායක කමිටුවේ කෙටි කාලීන සැළසුම් නොමැති බවත් වසර 10 ක් තුළ ශ්‍රී ලංකාව ආසියානු පාපන්දු සම්මේලන කුසලාන තරගාවලියට සහභාගි කරවීමේ දිගු කාලීන සැලැස්මක් සතු බවත්ය.

දේශිය තරගාවලිවල, ක‍්‍රීඩකයන්ගේ සහ නිලධාරීන්ගේ තත්ත්වය උසස් කිරීමට, පාපන්දු ක‍්‍රීඩාවට ශ්‍රී ලාංකිකයන්ගේ ආකර්ශනය වැඩි කිරීමට සහ කාන්තා පාපන්දු සංවර්ධනය කිරීමට තමන් බලාපොරොත්තු වන බව ද ශ්‍රී ලංකා නව පාපන්දු සභාපතිවරයා පවසයි.

”ශ්‍රී ලංකාව ගොඩක් ලස්සන රටක්, අපේ රටේ ජනගහණය මිලියන 21 ක්, ඉන් බහුතරයක් පාපන්දු ක‍්‍රීඩාවට කැමතියි. අපේ පාපන්දු ක‍්‍රීඩා සමාජවලට විශාල ආධාරකරුවන් පිරිසක් ඉන්නවා” යයි ශී‍්‍ර ලංකා පාපන්දු සම්මේලන සභාපතිවරයා අන්තර්ජාතික පාපන්දු සම්මේලනයේ නිල වෙබ් අඩවියට පවසා තිබේ.  

”අපේ රටේ පැවැති යුද්ධය දැන් සම්පූර්ණයෙන්ම අවසන්, උතුරු සහ නැගෙනහිර බොහෝ පාසල් ළමයින්ට පාපන්දු ක‍්‍රීඩා කිරීමේ අවශ්‍යතාව තිබෙනවා. ඔවුගේ මනස යුද්ධයෙන් ක‍්‍රීඩාවට මාරු කරන්න මට අවශ්‍යයි” යැයිද රුද්‍රිගෝ මහතා පැවසීය.

මෙහිදී රොද්‍රිගු මහතා පවසන්නේ පසුගිය වසර 15 තුළ අන්තර්ජාතික පාපන්දු සම්මේලනයෙන් සහයෝගය ලැබුණු බවත් ඒ නිසා තම සැළසුම් සාර්ථක කර ගැනීමේ හැකියාව පවතින බවත්ය.

රංජිත් රොද්‍රිගු මහතා පසුගිදා සූරිච්හි පිහිටි අන්තර්ජාතික පාපන්දු සම්මේලන මූලස්ථානයේදී එහි සභාපති ජෝශප් බ්ලැටර් මහතා හමුවිය.

”අන්තර්ජාතික පාපන්දු සම්මේලනයේ සභාපති බ්ලැටර් මහතා 1998 වසරේ මූල්‍ය ආධාර ව්‍යාපෘතිය සහ ‘ගෝල්’ ව්‍යාපෘතිය ආරම්භ කළා”

”ශ්‍රී ලංකාවට නව පාපන්දු මූලස්ථානයක් සහ පුහුණු මධ්‍යස්ථානයක් ඉදිකිරීමට ‘ගෝල්’ ව්‍යාපෘතිය යටතේ ආධාර ලැබුණා. ඒ වගේම සුනාමියෙන් පසුව ‘ගෝල්’ ව්‍යාපෘතියෙන් සුනාමි අධාරත් අපිට ලැබුණා” යයිද රුද්‍රිගෝ මහතා පැවසීය.

”ගෝල්’ ව්‍යාපෘතිය යටතේ යාපනය තාක්‍ෂණ මාධ්‍යස්ථානය ඇතුළු ව්‍යාපෘති රැුසක් ආරම්භ කිරීමට සහ අවසන් කිරීමට අපිට අවස්ථාව ලැබුණා. අන්තර්ජාතික පාපන්දු සම්මේලනයේ සභාපතිවරයාට ලංකාවට පැමිණ එය විවෘත කරන ලෙස අපි ආරාධනා කළා. අපේ පාසල් ක‍්‍රීඩකයන්ට අවස්ථාව ලැබී තිබෙනවා එම පුහුණු මධ්‍යස්ථානවල පුහුණුවීම් ආරම්භ කරන්න”

ශ්‍රී ලංකා ජාතික පාපන්දු පිලේ තත්ත්වය උසස් කිරීමටත්, වෙරළ පාපන්දු සහ ෆුට්සාල් පාපන්දු ශ්‍රී ලංකාවේ ප‍්‍රචලිත කිරීමටත් නව සභාපතිවරයා බලාපොරොත්තුවෙන් සිටියි.
”අපේ රට ලස්සන දූපතක්, අපිට පුළුවන් වෙරළ පාපන්දු ආරම්භ කරන්න, මේ වන විටත් වෙරළ සහ ෆුට්සාල් පාපන්දු මධ්‍යස්ථාන කීපයක් ආරම්භ කර තිබෙනවා” යයි පැවසූ රංජිත් රුද්‍රිගෝ මහතා...

”ජාතික කණ්ඩායමට ක‍්‍රීඩා කරන්න දක්‍ෂ ක‍්‍රීඩකයන් හඳුනා ගැනීමේ වැඩසටහන් උතුරු, නැගෙනහිර සහ දකුණේ පවත්වා තිබෙනවා. ඒ වගේම වයස 17 න්, 19 න්, 21 න් සහ 23 න් පහළ කණ්ඩායම්වල තත්ත්වය උසස් කිරීම ආරම්භකර තිබෙනවා” යයිද පැවසීය.

”අපේ ජාතික කණ්ඩායමේ තත්ත්වය උසස් කිරීමත් අපේ එක් ඉලක්කයක්”

”මගේ කමිටුව (ශී‍්‍ර ලංකා පාපන්දු සම්මේනයේ නව විධායක කමිටුව) සාකච්ඡ කළේ කෙටි කාලීන සැලසුම් ගැන නොවෙයි. දිගු කාලීන සැලසුම් ගැනයි”

”වසර 10 ක කාලයකින්, ශී‍්‍ර ලංකා පිල ආසියානු පාපන්දු සම්මේලන කුසලාන තරගාවලියේ තරග කරවන්න මා බලාපොරොත්තු වෙනවා. මා හිතන්නේ අපට ඒ දේ කළ හැකියි” යයිද රුද්‍රිගෝ මහතා පැවසීය.

අන්තර්ජාතික පාපන්දු සම්මේලනයේ නිල වෙබ් අඩවිය ඇසුරිනි
සැකසුම : යොහාන් භාසුර