ප්‍රවීණ ඡායාරූප මාධ්‍යවේදියකු වූ ශ්‍රී ලාල් ගෝමස් මහතා අද (11) අභාවප්‍රාප්ත විය.

දිවයින ඇතුළු පුවත්පත් ගණනාවක සේවය කළ ඔහු පසුව වැවිලි කර්මාන්ත අමාත්‍යංශයේ මාධ්‍ය ලේකම් ධූරය ද දැරීය.

සිය 35 වසරක ඡායාරූප ජීවිතය සම්බන්ධයෙන් ඔහු ලියූ ‘තිත්ත රස‘ කෘතිය එළැඹෙන 25 වැනිදා එළිදැක්වීමට ද නියමිතව තිබිණි.

මිය යන විට 61 වැනි වියේ පසුවූ ගෝමස් මහතාගේ දේහය පිළිබඳ අවසන් කටයුතු සෙනසුරාදා (13) සපුගස්කන්ද රෝමානු කතෝලික සුසාන භූමියේ දී සිදු කිරීමට නියමිතය.