(අංජුල මහික වීරරත්න)

ශිරන්ති රාජපක්‍ෂ  මහත්මියට මූල්‍ය අපරාධ විමර්ශන කොට්ඨාශයට එන්නැයි දැනුම් දෙන ලිපිය බාර දී ඇත්තේ ඇය විදේශගත වීමට ගුවන් තොටුපළට පැමිණීමෙන් පසුව බව රාජපක්ෂ පවුල උපුටා දක්වමින් ප්‍රකාශකයෙක් පැවසීය.

ගුවන් යානය අද (16) අලුයම 12.50ට පිටත්වීමට නියමිතව තිබියදී ගුවන් තොටුපළේ ගේට්ටුව ආසන්නයේදී ගුවන් තොටුපළ නිලධාරියකු  අදාල ලිපිය ඇයට බාරදී තිබෙන බව එම ප්‍රකාශකයා සඳහන් කළේය.

ශිරන්ති රාජපක්ෂ මහත්මිය වෛද්‍ය පරීක්‍ෂණ කිහිපයකින් අනතුරුව ලබන 19 වැනිදා නැවත ලංකාවට පැමිණීමට නියමිතව ඇතැයිද එම ප්‍රකාශකයා කීය.

රාජපක්‍ෂ මහත්මිය පෞද්ගලික රෝහලක සිට සෘජුවම ගුවන් තොටුපළ වෙත පැමිණි බවද ප්‍රකාශකයා සඳහන් කළේය.