(අංජුල මහික වීරරත්න)

වී අලෙවි මණ්ඩලය සතුව ඇති  වී මෙට්‍රික් ටොන් 43,000ක් සහල් කොට  සතොස මගින් බෙදා හරින ලෙස කෘෂිකර්ම, වනජීවි හා වන සම්පත් සංරක්ෂණ අමාත්‍ය මහින්ද අමරවීර මහතා වී අලෙවි මණ්ඩලයට උපදෙස් දුන්නේය.

මේ වනවිට වෙළෙඳ පොලේ සහල් හිඟයක් සහ මිල ඉහළ මට්ටමක පවතින නිසා එය පාලනය කිරීමේ පියවරක් ලෙස මෙම පියවර ගත් බව කෘෂිකර්ම අමාත්‍යවරයා පවසයි.

දැනට වී අලෙවි මණ්ඩලය සතු වී තොගවලින් සහල් මෙට්‍රික් ටොන් 32,000ක් පමණ සකසා ගත හැකි බව  වී අලෙවි මණ්ඩලය කෘෂිකර්ම අමාත්‍යාංශයට දැනුම් දී තිබේ.

මේ වන විට වෙළදපොලේ සියලුම සහල් වර්ග රුපියල් 230 හෝ 270ත් අතර අලෙවි වුවද වී අලෙවි මණ්ඩලය මගින් ලබා දෙන සහල් වල තොග මිල සහ අලෙවි කළ හැකි මිල ගණන් ඊට වඩා අවම මට්ටමක පවතින බව කෘෂිකර්ම අමාත්‍යංශය පවසයි.